Enkarterriko Gazteria Zerbitzuak webgune barria aurkeztu dau

| Ikusi handiago | Argazki originala

www.kuxkuxean.org da Enkarterri eskualdeko Gazteria Zerbitzuak martxan jarri dauen web-orrialde barria. Teknologia barrien aldeko apustua eginez eta gazteek Internet gero eta gehiago darabilela ikusita, eskualdea osotzen daben 11 udalek aisialdia, etxebizitzea, osasuna, prestakuntzea, hezkuntzea eta enplegua lantzen dituan danetariko webgunea sortu dabe.

Enkarterriko gazteentzako beharrezko informazino eta eskaintza guztia alkartzeko helburuz sortu da webgunean eta Alonsotegi, Artzentales, Balmaseda, Galdames, Gordexola, Gueñes, Karrantza, Lanestosa, Sopuerta, Turtzioz eta Zallako gazteriaren arloko atalen talde-lanaren emoitza da.

Enkarterrin gazteriaren ganeko politika osoaren alde ekin eta udalerri horreetan guztietan, landatar eta landatar ez diranetan, 14tik 30 urte bitarteko gazteei zuzendutako aholkularitza, informazino eta dinamizazino zerbitzua eskaintzen jake.

Kolore bizidun eta ikusgarritasun handiko webguneak agendea, enplegu-eskaintzea, ikastaroak eta barriak lako atalak ditu. Ganera, web-orriak honezkero 500 bat lagunen datuak batu ditu eta datu-base horri esker Enkarterriko azken barriak posta elektronikoan jaso daitekez.