'Ardaoaren MABren erreformea. Ardaogintzearen aro barri batean sartzera al goaz?'

EHUko XXVII. Udako Ikastaroen barruan, 'Ardoaren MABren erreformea. Ardogintzaren aro barri batean sartzera al goaz?' izenburuko ikastaroa egingo da datozen hilaren 17 eta 18an, eguena eta barikua, Guardiako Villa-Luciako Ardaoaren Gaikako Gunean. Ikastaroa gaztelaniaz izango da. Jardunaldien helburu nagusia da ardaoaren Merkatu Antolakunde Bateratuaren (MAB) erreformearen ardatzak ezagutzera emotea eta, ildo horretatik, gogoetea egitea aldaketa horrek mahastizaintzan eta ardaogintzan izango dauen eraginaren gainean.

Estadu mailako hainbat enologo aditu eta upeltegi-jabe azpimarragarrik parte hartuko dau hizlari legez Itsamendikoik (IMK) antolatutako ikastaroan. Eguenean, Luis Miguel Albisuk, Aragoiko Nekazal-elikagaien Ikerketa Zentroko Nekazal Ekonomia Zerbitzuko buruak, ardaoaren MABren erreformearen testuingurua azalduko dau ikastaroari hasierea emoteko. Aditu honek 15 urte baino gehiago daroaz ardaogintzearen eta mahastizaintzearen inguruko ikerketan buru-belarri eta horren ondorio dira zientzia eta dibulgazinoko aldizkarietan argitaratu dituan artikulu anitzak. Gainera, sektoreko hainbat aldizkariren kontseilu editorialeko partaide da eta baita International Academy of Wine Business alkarteko kide be.

Bestalde, aitagarriak dira Rafael Palacios Muro (Bodegas Rafael Palacios, D.O. Valedoras) eta Josep Mª Pujol-Busquets i Camps (Alta Alella D.O. Alella) enologo eta upeltegi-jabeen berbaldiak, merkatuetan arrakastea daben eredu enologikoen eta gaur egungo mahastien eta klimatologiaren egoereari buruz hitz egingo dabelako, hurranez hurran.

Berbaldien artean, azpimarragarria da Alfredo Arribas estadu zein nazinoarte mailan ezaguna dan arkitektoarena. Arkitektureak ardaogintzearen munduan dituan aplikazino eta funtzinoen barri emongo dau sektorean oso aditua dan eta bere upeltegi propioa dauen honek (Portal de Montsant, D.O. Montsant).

Beste alde batetik, kazetaria eta Espainiako Ardao Onenen Guía Proensa dalakoaren editore Andres Proensak ardaoek merkatu espainiarrean bizi daben egoerearen eta lehenaldian izan dabenari buruz egingo dau berba.

www.itsasmendikoi.net

Ikusi argazki guztiak handiago