Kontsumitzaileen eta erabiltzaileen hizkuntz eskubideei buruzko dekretua onartu dau Eusko Jaurlaritzeak

Industria, Merkaritza eta Turismo eta Kultura sailburuak proposatuta, Kontsumiltzaileen eta Erabiltzaileen Hizkuntza Eskubideei buruzko dekretua onartu dau Eusko Jaurlaritzako Gobernu Kontseiluak.

Kontsumitzaileen eta Erabiltzaileen Estatutuari buruzko legea garatzen dau dekretu honek; hain zuzen be, kontsumitzaile eta erabiltzaileek ondasun eta zerbitzuei buruzko informazinoa euskeraz zein gaztelaniaz jasoteko daben eskubidea alde batetik; eta, bestetik, Euskal Autonomia Erkidegoan jarduten daben enpresa zein establezimenduakazko hartu-emonetan bi hizkuntza ofizialetako edozein erabilteko daben eskubidea.

Dekretu honi buruzko zehetasunak gaur, garagarrilak 2, emongo ditue ezagutzera, Eusko Jaurlaritzearen Donostiako egoitzan 10:30etan egingo dan prentsaurrekoan. Bertan izango dira Rodrigo Garcia Azurmendi Merkataritza, Kontsumo eta Segurtasun Industrialerako sailburuordea, Patxi Baztarrika Hizkuntza Politikarako sailburuordea, Ruben Mendiola Kontsumo eta Segurtasun Industrialerako zuzendaria eta Erramun Osa Hizkuntza Politikaren Koordinazino zuzendaria.