Pakea Bizkaia Gipuzkoara hurreratuko da astegoienean

| Ikusi handiago | Argazki originala

Unai Basurko Portugaleteko nabigatzaileadatorren zapatuan, bagilak 7, Getariako portura hurreratuko da, Unai bela-gizon moduan praktiketan hasi zan portura, hain zuzen be. Andoni Aristi Getariako alkate jn.ak Getariako Kirol Portuan agurtuko dau bizkaitarra eta berehala Pakea Bizkaia Donostiarantz abiatuko da. Edozelan be, Unai Basurko prentsagaz be egongo da Getarian goizeko 11etatik 12etara.

Getariako alkatea, Andoni Aristi jn.a, nabigatzaile euskalduna agurtzera eta zoriontzera hurreratuko da; halan da be, irailean Getariara itzuliko da Juan Sebastián Elkanoren ohorean dagoan monumentua bisitatzera, Les Sables d`Olonnerantz (Frantzia) abiatu aurretik, zemendiaren 9an Vendée Globe Estropadea (Munduari Itzulia bakarka eta eskalarik barik) hasiko dan portua.

Unai Basurkok eta bere familia osoak Urola Kostagaz eta batez be Getariagaz oso harreman estua dabe. Bere aita, Pello Basurko jn.a, kresalaren giroa familiara ekartearen arduraduna izateaz gan, Getariako Real Club Náutico y de Pesca-ko presidentea izan za neta inguru haretan Klubak eta belak izan eban momenturik distiragarriena bere kudeaketapean lortu zan.

Unai eta bere familiak, urtean zehar denporaldi luzeak igaro izan ditue Zarautzen orain dala 40 urtetatik; ordu asko formazino nautikora eta belaren gozamenera eskainiz Gipuzkoako kostan zehar familiako belaontzian, PORTUn, maila personalean eta bela arloan benetako eskolea, urte askotan zehar; PORTUgaz, Getariaren izena Europa guztian zabaldu izan da eta zabaltzen da, estropada ugaritan.

Erronka handia

Portugaleteko nabigatzailea orain PAKEA BIZKAIA proiektuan buru-belarri dabil; honek datorren zemendian erronka handi bati egingo deutso aurre, Vende Globe, munduari Itzulia bakarka, eskalarik barik eta kanpo laguntzinorik barik. Txapelketa transozeanikoan parebakoa dan estropadea da, eta mundu mailan dagoan kirol mailako erronkarik gatxenetakoa. Ekitaldi honetara 25 itsas-gizon joango dira gitxi gora-behera, espezialidade honetako Munduko onenak.

Unaiek ilusino handiagaz ekingo deutso erronka barri honi eta Velux 5-Ozeanoako (Munduari Itzulia bakarka eta bi eskalakaz) azken edizinoan lortutako esperientziagaz; hirugarren postuan amaitu eban estropadea, Espainiako Bela ozeanikoan lehenengoz.