Bost erakunde gehiagok sinatu dabe Bermeoko 'Geurien be bai' egitasmoa

| Ikusi handiago | Argazki originala

Besalde Bermeoko ehiza, arrantza eta tiro alkartea; Barrueta Arte Elkartea; Kick Boxing alkartea; Bermeo Kafe Antzokia (Ezkerra produkzinoak) eta Crearte erakundeek Bermeoko Geurien be bai egitasmoagaz bat egin dabe. Hitzarmenaren sinadura-ekitaldia maiatzaren 23an egingo da, 13:30ean, Bermeoko Kafe Antzokian. Erakunde horreek guztiek euskerearen aldeko konpromisoak hartuko ditue aurten.

Danetara, 54 enpresa eta elkartek sinatuko dabe hitzarmena. Enpresa eta alkarte sinatzaileez gain, Bermeoko Udalaren izenean Xabier Legarreta Gabilondo alkatea egongo da euskerearen aldeko konpromisoa berresteko.

Geurien be bai

Herriari euskeraz biziteko aukerea eta indarra emon behar jakozalakoan, Geurien Be Bai izeneko egitasmoa jarri eban martxan 2004ko bagilean Bermeoko Udaleko Euskera Sailak.

Proiektu honen helburu nagusia Bermeoko arlo sozio-ekonomikoan eta alkarteetan euskeraren erabilerea bultzatuko dauen plana garatzea da, plan berbatu, metodiko, neurtu eta beharretara egokitua, begirunea, parte-hartzea eta adostasuna oinarritzat hartuta.

Herrian euskerearen erabilerea eta presentzia areagotzea da helburua, plana erakunde bakotxaren behar eta ezaugarrietara egokituz, eta euskerea erakundeen kulturan eta kudeaketarako sisteman txertatuz.

2004. urtean hasi eta egitasmoak aurten 4 urte bete ditu. Honezkero 54 enpresak eta elkartek bat egin dabe egitasmoagaz eta aurrerantzean gehiago izango dirala uste dau Udalak.


Egindako ekintzak eta etorkizunerako apustuak

Igaz, ekimen ugari egin ziran egitasmoaren barruan: enpresentzako jardunaldiak; alkarte eta txokoen egunerako lanerako euskarriak jasoten dituan CD lagungarria; Kirola Euskeraz kanpainea… Datozan hilabeteetarako be hainbat kontu dagoz programatuta: Geurien be bai hitzarmena alkarte eta enpresa barriei zabaltzea; kirol-taldeakaz hizkuntza-jarrerak aktibetako prozesua lantzea, alkarte eta enpresen beharrizanak identifikau eta baliabide barriak eskaintzea...


Geurien be bai egitasmoaren sinatzaileak


Honako honeek dira enpresa eta lan arloko sinatzaileak:

Albacora
Astilleros de Bermeo
Bermiopost
Crearte
Cusumano
Busturialdeako Hitza
Berton
Garavilla/ Isabel
Arroyabe/ La Gaviota
Lebazaleen kooperatiba
Royo
Salica
San Pedro Kofradia
Serrats
Zallo
Echebastar
Beruala
Azoka barria saltzaileen alkartea
ELA
LAB
CCOO
BBK
Euskadiko Kutxa
Bankoa
Behargintza
Bermeo Kafe Antzokia (Ezkerra produkzinoak)


Honako honeek dira Bermeoko alkarte eta txoko sinatzaileak:

Artza Pelota alkartea
Itsuki irratia (Berko kultur alkartea)
Bermeoko arraun ekartea
Bermeoko ehiza, arrantza eta tiro alkartea
Bermeoko futbol taldea
Bermeoko saskibaloi taldea
Kick Boxing Elkartea
MB 2000 aisialdi taldea
Sollube 707 mendi taldea
Urdaibai arraun elkartea
Urdaibai begirale taldea
Urdaibai eskubaloi taldea
Xixili gimnasia taldea
Adiskide txokoa
Alkartasuna jantza taldea
Barrueta arte alkartea
Bermeoko abesbatza
Bermeoko erraldoien konparsea
Bermeotarrak fanfarrea
Besalde (Bermeo Shararen alde)
Erroxape emakume taldea
Euskaraz berbetan
Haitz Nagusije auzo alkartea
Hurre-hurre txokoa
Izaro abesbatza
Kai gane txokoa
Takon txokoa
Zantzue kultur alkartea