Bilboaldea txapelaren bila

Bizkaie! 2008-03-06 10:08   Bertsolaritzea

Bertsolari Gazteen XVI. BBK Sariketan, sailkapeneko seigarren eta azken saioa izan zan atzo, hilak 5, Bilboko Txurdinagako institutuan, bertako eta Busturialdeko taldeen artean, 120 bat ikusleren aurrean. Emozinoz betetako saioa izan zan ze Durangaldea, Busturialdea zein Bilboaldea, hiruretako edozein sartu eitekealako finalean. Azkenean, Bilbokoek izan dabe subertea euren alde. Ondokoak izan dira kantau daben bertsolariak eta emoitzak.

	BILBOALDEA	BUSTURIALDEA
18 urte arte	Eire Larrea Eneko Piedra Pello Ormazabal	Nagore Beitia Inazio Vidal Aitor Beitia
19-24 urte bitartean	Irati Erkizia Iker Uribarren Arkaitz Zipitria	Amaia Aurrekoetxea Amaia Uribe Ander Elortegi

	BILBOALDEA	BUSTURIALDEA
18 urte arte	175,--	143,--
19-24 urte	219,5	246,--
Danetara	394,5	389,--

Beraz, Bilbo, Durango eta Busturialdekoak saio bana irabazi dabenez, euren arteko desbardinketea, lortutako puntuen bidez egin behar izan da, eta ondorioz, uriburukoek egin dabe aurrera.

Sailkapen fasea amaituta, finala baino ez da geratzen, datorren 14an jokatuko dana Bilboko Kafe Antzokian, Ipar Uribe eta Bilboaldeko taldeen artean. Sorpresa handia izan da atzoko saioan Bilboaldekoak finalerako eskubidea lortzea.

Sailkapen-faseko sei saioak egin eta gero, ondokoak dira emoitzak eta azken sailkapena:

A multzoa		Irabazitako saioak
1.	IPAR URIBE	2
2.	LEA ARTIBAI	1
3.	ARRATIA	0

B multzoa		Irabazitako saioak	Puntuak
1.	BILBOALDEA	1	779,5
2.	DURANGALDEA	1	771,5
3.	BUSTURIALDEA	1	752,5

Aste honetako lehen saioan, Lea Artibai eta Arratiko taldeen arteko lehia izan zan ia 150 ikusle sutsuren aurrean.

	LEA ARTIBAI	ARRATIA
18 urte arte	Elene Lejartegi Jone Ansotegi Xabier Iturraspe	Illart Gumuzio Irati Astondoa Irati Bernaola
19-24 urte bitartean	Garikoitz Salcedo Pello Urionabarrenetxea Lander Ibarluzea	Manex Sagarna Joseba Bilbao Iñaki Iturriotz

	LEA ARTIBAI	ARRATIA
18 urte arte	166,5	156,5
19-24 urte	222,-	229,5
Danetara	388,5	386.-

Gogoratu behar dogu, Ipar Uribeko taldea sariketa honen historian lau aldiz izan dala irabazlea, igaz azkenengoz, eta Bilboaldekoa sekula be ez. Hirutan izan dira finalista, 1997, 1998 eta 1999an, baina ez dabe inoiz sariketa hau irabazterik lortu. Emozinorik ez da faltako aurtengo finalean.

Ipar Uribe eta Bilboaldearen arteko final hau, datorren asteko barikuan, martiaren 14an, izango da, arratsaldeko 19:00etan, Bilboko Kafe Antzokian. Kontuan izan sarrera librea eta dobakoa dala, bertsolari gazteek euren lagunen, etxekoen eta gura daben ikusle guztien berotasuna sentidu daien.

Ikusi argazki guztiak handiago