EAEko unibersidadeetan 66.077 ikasle matrikulau ziran 2006-2007 ikasturtean, aurrekoan baino %4 gitxiago

Eustaten datuen arabera, 1980ko eta 1990eko hamarkadetan biztanlerian izandako beherakadeak eragina izan dau unibersidadeetako matrikulazinoetan.

Lurraldez lurralde, matrikulautako guztien % 55 Bizkaian izan ziran, % 31 Gipuzkoan eta azkenik, % 14 Araban. Matrikulautako guztien % 54 emakumezkoak izan ziran, joan dan ikasturtean izandako ehunekoaren antzera. Zentroen titulartasunari jagokonez, ikasleen % 79 sektore publikoan matrikulau ziran.

Ikasketa-muetari helduta, lizentziaturetan 27.801 ikasle matrikulau ziran, hau da, ikasle guztien % 42. Diplomaturetan % 22 matrikulau ziran, arkitektura eta injinerutza teknikoetan %18 eta arkitektura eta injinerutzan %14. Emakumeen presentzia nabarmena izan zan lizentziaturetan (% 64) eta diplomaturetan (% 71) eta gizonezkoena, barriz, arkitektura eta injinertutza ikasketetan (% 66) eta arkitektura eta injinerutza teknikoetan (% 73).

2006-2007 ikasturtean 2.386 ikaslek egin zituen graduatu ondoko ikasketak, eta emakumeen eta gizonen kopurua antzekoa izan zan.

Honakoak izan ziren gehien eskatu ziran titulazinoak: Industri injinerutza teknikoa (6.567), Irakasle eskola (5.671), Enpresa-administrazinoa eta zuzendaritza (5.161), Enpresa-zientziak (4.011) eta Industri injinerutza (3.024). Bost karrera horreetako izen-emoteak matrikulazinoen % 40 izan ziran ikasturte honetan.

Emakumeek aukeratutako ikasketei jagokenez, ondokoak nabarmendu ziran: Irakasle eskola (4.272), Enpresa-administrazinoa eta zuzendaritza (2.956), Psikologia (2.183), Enpresa-zientzien diplomatura (2.151) eta Zuzenbidea (1.631).

2006-2007 ikasturtean 30.737 ikaslek egin zituen gizarte eta zuzenbide arloetako ikasketak; hori matrikulazino guztien % 47 izan zan. Bigarren tokian, 21.587 ikaslek (% 33) ikasketa teknikoak egitea aukeratu eben. Bestalde, giza zientzietako ikasketetan 6.234 ikasle matrikulau ziran (% 9). Azkenik, trebakuntza esperimentalaren arloan eta osasunaren arloan 3.690 eta 3.827 ikasle matrikulau ziran, hau da, ikasle guztien % 6 adar bakotxean.

Sexuen araberako lehentasunen harira, gizonezkoak gehiago ziran ikasketa teknikoetan. Adar horretan matrikulautako hamar ikasletik zazpi gizonezkoak izan ziran. Ganerako adarretan emakumeak gehiago izan ziran, % 64 gitxi gorabehera; osasunaren arloan, barriz, % 81.

2006an 12.667 ikaslek eskuratu eben unibersidade-titulua. Horreetatik % 90ek lehen eta bigarren zikloetako ikasketak amaitu zituen. Ganerakoek, hau da, 1.267 ikaslek graduatu ondoko ikasketak amaitu zituen. Danetara, 314 ikaslek gainditu eben doktore-tesia. Bestalde, titulua eskuratu ebenen % 59 emakumezkoak izan ziran.

EAEko hezkuntza-sisteman, 2006-2007 ikasturtean, 7.267 personek lan egin eben, hau da, zerbitzuen sektorearen barruan okupautako biztanleen % 8,7k. Langile horreen artetik, batzuk irakasleak ziran (5.307 lagun) eta ez-irakasleak 1.960.