Beterriko I. Bertsolari Txapelketea zezeilaren 15etik aurrera

Bizkaie! 2008-02-11 12:59   Bertsolaritzea

Bertsolari gazteei plaza barriak eta jeuntaurrean jarduteko eta trebatzeko aukerea eskaini eta bertsozaletasunaren erroak Beterrin sakonago tinkatzeko xedez, Manuel Larramendi Kultur Bazkunak aurtengo zezeil-martirako Beterriko lehenengo Bertsolari Txapelketea antolatu dau, bi ezaugarri bereziz jantzitakoa. Lehenik esan, 26-32 urte bitarteko gazteentzat zuzendutako txapelketea dala, eta bigarrenik bertso-lehia taldekakoa izango dala, hau da, 4 taldek parte hartuko dabe txapelketan eta talde bakotxean hiruna bertsolari.

Hiru saiok osotuko dabe txapelketea, bi kanporaketa saio eta finala izango baitira. Saio guztiak bertso-afari legez antolatuko dira. Beraz, afariari iluntzeko zortzi eta erdietan emongo jako hasierea eta afariagaitik pagau beharrekoa 20 € izango da. Afaritarako txartelak aurretik Larramendi Bazkunaren egoitzetan erosi ahal izango dira, bertso-afariak egingo diran tokian tokiko alkarte eta jatetxeetan eta, azkenik, ondoko saltegietan: Andoainen Ernaitza eta Stop liburudendetan eta Villabonan Ogigoxo okindegian. Txartelak telefonoz be erreserbau daitekez, aurretik pagau ezkero. Deitu ondoko telefono zenbakira: 943-300-733.

Bi lagunek osotuko dabe kanporaketa saioetako eta finaleko epaimahaia. Hirugarren epaimahaikidea entzulegoa bera izango da eta aukerea izango dau botoa emoteko.

Lehenengo kanporaketea: zezeilak 15, barikua

Andoaingo Santakruz Alkartean, 20:30ean

ZILARRITURRI taldea:Ainhoa Agirreazaldegi, Iñaki Apalategi, Iñigo Izagirre.

LAPURTXULO taldea:Iñaki Gurrutxaga, Mantxi, Beñat Lizaso.

Gai-emoilea: Jon Zaldua.

Afaria: 20 €. Txartelak salgai: Larramendi Bazkunaren eta Aiurriren egoitzetan, Santa Kruz alkartean bertan, Ernaitza eta Stop liburudendetan eta Villabonan Ogigoxo okindegian. Txartelak telefonoz be erreserbau daitekez, aurretik pagau ezkero. Deitu ondoko telefono zenbakira: 943-300-733.

Bigarren kanporaketea: zezeilak 22, barikua

Amasako Kultur Etxean, 20:30ean.

OTSABI taldea:Jokin Uranga, Jon Martin, Iker Goñi.

TTOTTOLONDEGI taldea:Nahikari Gabilondo, Iker Zubeldia, Unai Muñoa.

Gai-emoilea: Iker Iriarte.

Afaria: 20 € Txartelak salgai: Larramendi Bazkunaren eta Aiurriren egoitzetan eta Amasako Iturrigoxo jatetxean bertan, Andoaingo Ernaitza eta Stop liburudendetan eta Villabonan Ogigoxo okindegian. Txartelak telefonoz be erreserbau daitekez, aurretik pagau ezkero. Deituondoko telefono zenbakira943-300-733.

Finala: martiak 1, zapatua

Asteasuko Iturriondo Jatetxean, 20:30ean.

Kanporaketa bakotxetik talde bakarra sailkatuko da; bi talde izango dira finalean.

Gai-emoilea: Amaia Agirre.

Afaria: 20 €. Txartelak salgai: Larramendi Bazkunaren eta Aiurriren egoitzetan eta Iturriondo jatetxean bertan, Andoaingo Ernaitza eta Stop liburudendetan eta Villabonan Ogigoxo okindegian. Txartelak telefonoz be erreserbau daitekez, aurretik pagau ezkero. Deituondoko telefono zenbakira943-300-733.