Bilboko XXV. Artisautza Feria, abenduaren 19tik urtarrilaren 6ra

| Ikusi handiago | Argazki originala

Danetara, 50 artisau izango dira, gehienak bizkaitarrak (20) baina Andaluziatik, Arabatik, Aragoitik (5), Asturiasetik (2), Kataluiniatik (3), Kantabriatik (2), Gaztela-Mntxatik (4), Gaztela-Leon, Galizia (5), Madriletik, Valentziatik eta Frantziatik (2) be etorriko dira.

Biarteak antolatu eta Bizkaiko Foru Aldundiak, Renfek eta BBK-k babestutako ferian, pieza arraro eta stand lehiaketak izango dira aurtengo barrikuntza nagusiak. Urtero legez, berogailuz hornidutako 900 metro koadroko karpapetik 50.000 lagun inguru pasetea espero dabe antolatzaileek.

Artisauen sormen lanaren erakusgarri, milaka artelan egongo dira ikusgai eta erosgai: zidarrezko bitxiak, keramikazko piezak, narruzko diru-zorroak, zetazko zapiak, eskuz koadernautako libretak, txotxongiloak, jostailuak, grabatuak, lore prentsatuak...