Sexu-aldaketarako ebakuntzak pagetako diru-laguntzen deialdia onartu dau Eusko Jaurlaritzeak

| Ikusi handiago | Argazki originala

Eusko Jaurlaritzako Etxebizitza eta Gizarte Gaietako sailburuak aurkezturik, 2007an persona transexualek sexua aldatzeko beharrezkoak dituen edota kirurgia plastikozko ebakuntza osogarriak, sexu-ezaugarri barrietara egokitzeko beharrezko diranak, diruz lagunduko dituan agindua onartu dau bart Gobernu Batzordeak. Diru-laguntzen zenbateko osoa 60.000 eurokoa izango da.

Persona bakotxak beharrezko ebakuntzen gastuaren % 50 eta % 100 arteko laguntzinoa jasoko dau, baina kontuan izanik emakume transexualen kasuan diru-laguntzinoa ezingo dala 10.000 euro baino handiagoa izan eta gizonezko transexualentzat, 15.000 eurokoa.

Diru-laguntzino honeen onuradunak hurrengoak izango dira: genero disforia ziurtagiri bidez transexual baldintza egiaztatzen daben lagunek, euskal udalen batean gitxienez urtebetez erroldautakoek eta emantzipautakoek edota 18 urte baino gehiagokoek. Eskaerak aurkezteko epea abenduaren 28an amaituko da.