Euskal Hiztegiaren bigarren argitaraldia egin dau Ibon Sarasolak

Bizkaie! 2007-05-18 02:00 Euskerea berbagai

Lexikografoak 1996ko edizinoaren, hau da, lehenengo edizinoaren testua berridatzi dau Euskaltzaindiaren arauetara eta, batez be, 2000 urteko Hiztegi Batura egokitzeko.

Ibon Sarasola idazle eta lexikografo donostiarrak Euskal Hiztegiaren 1996ko lehenengo edizinoa egokitu eta bigarren argitaraldia aurkeztu barri dau. Euskaltzaindiaren arauen araberako moldaketa horretan, batez be 2000 urteko Hiztegi Batura egokitzea izan da lanaren helburua.

Sarrera barriak

Bigarren argitaraldi honek 2500 bat sarrera barri ditu, Hiztegi Batuan bai baina Euskal Hiztegian ez egozan berbei jagokezanak. Hori da Euskal Hiztegiaren bigarren argitaraldi honen barrikuntza nagusia lehen edizinoagazko. Ganerakoan, ez dago aldaketa lar. Egileak sarreren eta azpisarreren egituraketea errespetau dau eta, orokorrean, definizinoake eta adibideak ikutu barik dagoz. Halanda be, bigarren argitaraldi honetan, adiera bakoitzak paragrafo bat osotzen dau, hau da, adiera bakoitxak beste paragrafo bat hasten dau; lehenengoan ez zan holan. ‘Bistaratze’ horregaz errazago topauko dau irakurleak topetan dabilena.

Ibon Sarasola Errazkin idazlea eta lexikografoa da (Donostia, 1946). Lur argitaletxearen sortzaile eta bultzatzailea izan zan (1969-1973), Literaturearen ganeko lanak (Euskal Literaturaren historia, 1971, Lur), poesi lanak (Poemagintza, 1969, Lur), narrazino bat (Jon eta Ane zigarro bat erretzen, 1977, Ustela saila), saiakerak (Euskara batuaren ajeak, 1997, Alberdania) eta itzulpenak egin ditu, besteak beste. Lexikografian be lan garrantzitsuak ditu: bere Euskal Hiztegia lantzeaz gan (1996, Kutxa) Euskaltzaindiaren Orotariko Euskal Hiztegia obra erraldoiaren arduraduna da Koldo Mitxelena hil zanetik. Euskaltzain osoa da (1988).

Ikusi argazki guztiak handiago