Korrikea Euskal Herritik kanpora

| Ikusi handiago | Argazki originala

Korrikea ez da Euskal Herrian bakarrik egiten dan ekitaldia. Munduan zehar dabiltzan euskaldunek hainbat uritara eroan dabe Korrikea. Munduan sakabanatuta dagozan Euskal Etxeei esker antolatzen da lasterketea, eta gero eta uri gehiagotan egiten da. Korrikearen inguruan, gainera, egitarau zabala antolatzen dabe munduko euskaldunek. Aurten, dakigunez, Argentinan, Bartzelonan, Erroman, Irlandan, Madrilen eta Shangain egingo da Korrikea.

Madrilen eta Shangain lehenengo aldiz antolatuko dabe Korrikea bertako Euskal Etxeek. Madrilekoa martiaren 24an izango da, ‘Madrilen be, euskerearen alde’ lelopean. Shangain, barriz, martiaren 31n egingo dabe Korrika.

Atzerrian be, hemen bezela, Korrikearen inguruan hainbat kultur ekitaldi antolatu ditue. Aitatzekoa da Bartzelonako kasua: bertan, martiaren 24an izango dabe Korrikea, baina martiaren 13tik dabilz ekitaldi kulturalakaz.

Beste alde batetik, Argentinan, Necoechean izango da hitzordua, apirilaren 2an.


Ziberkorrikea

Korrikea gaur, martiak 22, Bizkaiko Karrantzan hasiko bada be, mundu osora zabaltzea be asmo polita da, muga guztien gainetik, euskerea eta euskal kulturearen barri hedatzeko. Horregaitik, Euskal Herritik kanpo bizi diran euskaltzaleek Interneten bidez ziberkorrikan parte hartu ahaliznago dabe lasterketako hamar egunetan.

Baina zer da ziberkorrikea? Korrikaren web orrian, (www.korrika.org) Euskal Herriko birea egingo dauen lekukoaren irudi birtualak zabaldu dira mundu osoan zehar. Euskal Herriari birea emoten deutson Korrikearen kilometroak saltzen diran moduan, Interneten antolatutako Ziberkorrika honetan mezua mundu osoan zabalduko daben ziberlekuko hartzaileak eskainiko dira, borondatezko diru ekarpen bat eginda.

Lekuko digital horreen hartzaileen izen-abizen guztiakaz Ziberkorrika zerrendea osotuko da, eta mundu mailako Korrikearen ibilbide birtuala egingo da. Borondatezko ekarpena Euskadiko Kutxako kontu korronte honetan sartu ahal izango dau gura dauenak: 3035 0072 02 0720005710, kontzeptuan izen-abizenak eta ‘ziberkorrika’ berbea jarrita.