Konpondu.net, herritarrek euren eretxiak emoteko webgunea

Eusko Jaurlaritzeak, gizartearen eretxiak jasoteko helburuagaz, www.konpondu.net webgunea jarri dau martxan oraintsu eta honezkero lehenengo buletina bialdu dabe, datu estatistikoen barri emoteko. ‘Herritarren ekarpenak jaso eta herritarrek zuzenean alderdiei itaunak egiteko balio dau webguneak’, ekimenaren arduradunen esanetan. Hilean buletin bat edo bi bialtzeko asmoa daukie.

Datuak

Danetara 932.568 sarrera izan ditu, egunean 30.000 inguru. Bisita bakotxa, bataz beste, 9 minutukoa izan da eta 17.600 lagunek eskatu dabe informazinoa. Galdetegiari 3.323 personek erantzun deutse eta herritarrek 337 mezu bialdu deutsez alderdiei. Elementurik erabiliena bloga izan da: danetara 1.400 alkarrizketa eta komentario sortu dira bertan.

‘Eztabaida ugari izan dira, era guztietakoak; ganera, gune batzuk guk aurreikusi baino arrakasta gehiago izan dabe, diasporako komentarioek berbarako’, dinoe arduradunek. Aurrerantzean, orrialdearen baliabideak hobetzeko asmoa dabe, blogak edota RSS sindikazino sistemea berbarako. Ganera, ‘Bakearen Termometroa’ jartekotan be badabiz, herritarrek galdetegietan emondako erantzunen araberakoa.