Arrantzaleak soldadu bihurtu ziranekoa

1937ko martiaren 5ean izandako Matxitxako burrukaldiaren 70. urteurrena gogoratzeko eta batailan hildako itsasgizon, emakume eta umeak omentzeko ekitaldia egingo dabe gaur, martiak5, Bermeon erbesteko Eusko Jaurlaritzeak 1978an ezarritako ‘Itsas Gudarien Eguna’-ren harian.

Orain 70 urteko burrukan, ordubete eta erdiko erasoaldian, Bou Navarra itsasontzia hondoratu eban Canarias kurutze-ontziak eta urteurrenaren harian datoz gaurko Eusko Jaurlaritzeak antolatu eta Bermeoko Udalak babestutako ekitaldiak. Eguerdiko 12:00etan, Bakio eta Bermeo bitartean, Ermuburuan, lore eskaintzea egingo da burrukaldian hil ziranen omenez eta, era berean, omenaldia egingo jake hildakoen senitartekoei. Ondoren, Nestor Basterretxearen eskultura barriaren inaugurazinoa egingo dabe eta bertan Juan Jose Ibarretxe lehendakaria izango da buru.

Lehendik be baegoan Nestor Basterretxearen hormigoizko obra bat herrian Matxitxakoko burrukaldiaren oroigarri baina urteurrenera artista besrmeotarrak eskultura batean irudikatu dau itsasontziaren hondoratzea. Eskultura barria aurrekoa baino handiagoa da bai altueran eta bai zabaleran be.

Ikusi argazki guztiak handiago