1428 talde XIX. Bilbo Hiria Pop-Rock Lehiaketan

| Ikusi handiago | Argazki originala

Laugarren urtea da 1400dik gora taldek izena emoten dabena eta aurten, danetara, 1428 taldek emon dabe izena urtero legez hiru kategoriatan jokatzen dan XIX. Bilbo Hiria Pop-Rock Lehiaketan parte hartzeko. Edozelan be, fase finalerako 42 talde aukeratu dabez.

Bilboko Udaleko Hezkuntza, Gazteria eta Kirol Sailak emondako datuen arabera, 1428 horreetatik % 72,7, hau da, 1038 talde pop edo rock estiloetan sartzen da; izena emon dabenetatik % 19,9, hau da, 285 talde, heavy-metal estiloan kokatu dira eta ganerako 105 taldeak (guztien % 7,3), inoizkorik gehien, joera barrietan sartu dira.

Euskal Herriko taldeak, danetara, 248 izango dira; horreetatik 148 bizkaitarrak dira, 59 gipuzkoarrak, 11 arabarrak eta, azken buruan, Nafarroako taldeak 30 izango dira aurtengo edizinoan. Estadu espainiarrekoak milatik gora izan dira eta atzerriko taldeak, barriz, 328; kanpotarren artean, gehienak frantziarrak dira (89) baina Eslovenia, Hungaria, Letonia, Lituania, Polonia eta Kanadako taldeak be izango dira aurten Bilbon.

Pop-rock-eko kontzertuak martiaren 1ean hasiko dira eta hortik aurrera eguenero izango dira Bilboko Bilborock aretoan, gaueko 20:00etan hasita. Metal kontzertuak, barriz, martiaren 21ean hasi eta hortik aurrera eguaztenetan izango dira, 20:00etatik aurrera. Azkenik, joera barrietako kontzertuak maiatzaren 24etik aurrera izango dira.

http://www.bilbao.net/bilborock