'Txikitxef', umeentzako munduko gastronomia liburu onenen artean

Andoni Luis Aduriz sukaldari donostiarrak sukaldaritzako munduko libururik onenaren saria lortu leike ‘Txikichef’ (Hariadna Editoriala, 2006) umeentzako errezeta-liburuagaz. Liburuak 75 errezeta baino gehiago batzen ditu eta umeen osasunaren aldeko aholkuak be emoten ditu.

Liburuaren helburuetako bat umeak, gaztetxoak eta hareen gurasoak sukaldera hurreratzea eta bertan ondo pasetea da.

Danetara 4 eta 10 urte bitarteko 23 umek parte hartu dabe ‘Txikichef’ liburuan, Mugaritz jatetxeko sukaldari ezagunagaz batera. Errezeta horreek argazkiz, esaera zaharrez, jokoez eta ipuinez lagundurik datoz, umeei irakurketea errazteko.

Liburuaren 8.000 ale argitaratu dira, batzuk euskeraz eta beste batzuk gaztelaniaz. Salmenten etekinaren zati bat ‘Jangela Solidarioa’ egitasmoari emongo deutse.