Jaurlaritzeak eta Eudelek udaletan euskerea bizibarritzeko planak sustatzeko lankidetzea adostu dabe

Kultura sailburuaren proposamenaren harira, Eusko Jaurlaritzako Gobernu Batzordeak Hizkuntza Politikarako Sailburuordetzeak eta Euskadiko Udalen Alkarteak (Eudel) udaletan euskerea biziberritzeko planak sustatzeko lankidetza hitzarmena izenpetzeko baimena emon dau.

Eusko Jaurlaritzeak eta Eudelek sinatuko daben hitzarmenaren bitartez, alde bien arteko lankidetzea egituratu gura da, koordinazino eta aholkularitza zerbitzua emoteko helburuagaz, Euskal Autonomia Erkidegoko udalerrietan Euskerea Bizibarritzeko Plan Nagusiak (EBPN) definiduteko, diseinetako eta garatzeko.

Hitzarmenagaz, Eudelek Euskera Zerbitzua jarriko dau martxan, bitarteko eta giza baliabide nahikogaz, udalerrien arteko koordinazinoaz, aholkularitzeaz eta laguntzino teknikoaz arduratuko dana. Helburu nagusia udalerri horreei euren EBPNak formuletan, onartzen eta aurrera eroaten laguntzea da. Euskera Zerbitzu hori ez da udalerrien lana koordinetako tresna bakarra izango, Eusko Jaurlaritzearen eta udalen arteko lana be koordinauko baitau.

Hitzarmenagaz, Hizkuntza Politikarako Sailburuordetzeak ikerketea egingo dau 5.000 biztanle baino gitxiagoko udalerrietan, egoerearen analisia egiteko eta EBPNren garapen arloak identifiketako.

Ganera, aurreikusitako zerbitzua martxan jarteko, Hizkuntza Politikarako Sailburuordetzeak proiektuaren kostuaren zati bat finantzietako betebeharra hartzen dau eta horretarako Eusko Jaurlaritzeak 51.000 euro iminiko ditu 2008. urteraino.