Guggenheim Museoaren Lagunen Programearen arrakastea
2006-12-19 01:00Guggenheim Bilbao Museoaren Lagunen kolektiboak 15.000 kide baino gehiago daukaz, 15.235 hain zuzen be; 1997an museoa eratu zanetik lortutako kopuru handiena da. Holan ba, Guggenheim Bilbao Museoaren ‘Lagunen Programa’ dalakoa Europako nabarmenetakoa da.
Guggenheim Bilbao Museoaren Lagunen kolektiboak 15.000 kide baino gehiago daukaz, 15.235 hain zuzen be; 1997an museoa eratu zanetik lortutako kopuru handiena da. Holan ba, Guggenheim Bilbao Museoaren ‘Lagunen Programa’ dalakoa Europako nabarmenetakoa da, eskaintzen dituan onuren eta urteko kuotearen prezioaren arteko erlazinoa kontuan hartuta.
Museoa sortu zanetik gaur arte lagunen kopuruak izan dauen bilakaera positiboa ikusita (5.190 kide 1997an), museo bilbotarretik esan dabe Guggenheim Bilbao Museoaren Lagunen kolektiboa handiena dala bai Euskal Autonomia Erkidegoan baita Espainian be, Prado Museoak (7.800 lagun inguru), Museo Reina Sofiak (2.000 inguru) edo IVAMek (1.088) baino kide gehiago ditu eta.
Guggenheim museoen sareagaz konparauta, Guggenheim Bilbao Museoaren Lagunen Programea da adierazgarriena, ia bikoiztu egiten baitau Solomon Guggenheim Fundation-en Lagunen kopurua (8.214) eta Veneziako Peggy Guggenheimekoa baino askoz be altuagoa dalako (693).
Museoaren lagun diran bisitari bizkaitarren portzentajea % 57koa da eta, Bilboko populazinoari jagokonez, % 4,31koa, Prado Museoaren % 0,24aren edo Londoneko Tate Modern-en % 1,01aren aldean.
Museoaren Lagunen artean, 6.148 familiako kideak dira; 5.587 banakako kideak; 2.783 erretiratuak eta 590 ikasleak. Ganera, Nazinoarteko kideak eta Ohorezko kideak guztira 127 dira.
Kideek Museoaren Guggenheim Sareko museoetara eta IVAMera doban sarteko aukerea, Bilboko Arte Eder Museoan edo Euskal Museoan sartzeko deskontuak eta baita beste kultur erakundeetan sartzeko be izango dabez, besteak beste, Arriaga Antzokian, BOS Bilboko Orkestra Sinfornikoan, Getxoko Jazz jaialdian eta 41 Heineken Jazzaldian edo Getxoartean. Ganera, buletin digitala jasoten dabe, baita Lagunen Urtekaria be.
Erantzun
Erantzuteko, izena emanda egon behar duzu. Sartu komunitatera!