Bilboko Kafe Antzokiaren 11. urteurrena

| Ikusi handiago | Argazki originala

Gaur, abenduak 15, Zenbat Gara elkarteak Bilboko Kafe Antzokia zabaldu ebanetik 11 urte bete dira. Bilboko erdigunean, euskal kultura mobimentuaren topagunea izateko asmoz eta, era berean, munduari edegia, munduko kulturea, herri eta hizkuntzei edegia dagoan egitasmoa da Kafe Antzokia.

Gogoratuko dozuenez, igazko ospakizunean Bilboko Kafe Antzokiaren ibilbidean lehenengo hamar urteetan egindakoak eta lortutakoak izan genduzan berbagai, izan be, asko dira denpora tarte horretan danon artean lortu doguzan emoitzak; Kafe Antzokia barruan dauen Zenbat Gara alkartearen atal desbardinen bilakaerea, kasuan kasu, Bilbo Hiria irratiak 10 urte beteko ditu datorren urteko martian, Gabriel Aresti Euskaltegia, Algara konpartsa, Ondarroko Kafe Antzokia, Arrigorri Itsas Ostatua zein Bakaikuko mendiko etxea. Honezkero, Kafe Antzokia euskaldunen topagune eta bilgune bilakatu da eta bertatik euskal hizkuntzearen eta kulturearen sustapen lan etenik bakoa egiten da.

‘Edozelan be, bidearen zati bat egina izateak ez dau esan nahi orain arteko lana askietsi behar dogunik, askoz gehiago baita egiteko dagoana. Gu bide horretan sendo jarraitzekotan gabiz. Eta aurtengo ospakizunaren zenbakiagaz bat eginaz, urteotan gauzatu doguzan hamaika lorpenetatik hamaika itxaropen eta hamaika egitasmo atara doguz, Euskerearen Herriak dauzen asmo eta nahiei erantzuten segiduteko’.

Gauzak holan dirala, 11 urte honeetan era desbardinetako ekitaldiak antolatu dira Kafe Antzokian, kontzertuez gain bertso saioak, antzerki emonaldiak, kantagintza eta dantza saioak, umeentzako ikuskizunak, jai eta festa esanguratsuak, diapositiba emonaldi eta erakusketa anitz, aurkezpen, berbaldi eta prentsaurreko mordoa...

‘Esan bezela, abenduaren 15ean ospatuko dogu Kafe Antzokiaren 11. urtebetetzea eta, horretarako, arratsaldeko 19:30etan hasiko da XI. Urteurren jaia. Baina gure 11. urteurrena ospatzeko ekitaldiak ez dira egun honetara mugatzen, izan be data berezi hau ospatzeko abendu osorako egitarau betea preparau dogu’.