Xarles Videgain eta Andoni Sagarna proposatu ditue euskaltzain oso izateko

Euskaltzaindiaren barriztatze prozesua aurrera doa. Garagarrilean sei euskaltzain oso emeritu izatera pasetearen ondorioz, bi urteren buruan -2006an eta 2007an- sei euskaltzain oso barri izentauko dira.

Bestalde, irailaren 28an, Uxuen egindako osoko bilkuran, euskaltzain oso barriak aukeratzeko egutegia onartu zan, eta baita lehendabiziko bi hutsarteak iragarri be. Gauzak holan dirala, urrian eta zemendian hautagaiak aurkeztuko dira eta abenduan bi euskaltzain barri izentauko.

Bilbon barikuan egindako osoko bilkuran, ondoko hautagaiak proposatu dabez euskaltzainek:

- 25. domina-hutsartea beteteko, Xarles Videgain euskaltzain urgazlea proposatu dabe Jean Haritschelhar, Piarres Xarriton eta Emile Larre euskaltzain osoek.

- 26. domina-hutsartea horniduteko Andoni Sagarna Izagirre euskaltzain urgazle jauna proposatzen dabe Mikel Zalbide, Bernardo Atxaga eta Adolfo Arejita euskaltzain osoek.