Bizkaie!

'Euskera' agerkariaren 2010eko 1. eta 2. zenbakiak kontsultagai jarri ditu Euskaltzaindiak

Euskera agerkariaren 2010eko 1. eta 2. zenbakietako edukiak, Azkue bibliotekan katalogau eta indexau ostean, Euskaltzaindiaren webguneko Euskera agerkariaren hemerotekan integrau dira, Akademiako iturriek jakinarazo dabenez.

'3 kolpetan Freedom', Esne Beltzaren hiru urteotako emoitzea

Esne Beltza taldeak azken hiru urteotan egindako ibilbidea batu dau 3 kolpetan Freedom (Baga biga) lanean. Hamabost kanta eta hiru kontzertu jaso ditue CD-DVD barrian. Kanten artean, zortzi barriak dira, eta ganerakoak abesti zaharren bersinoak.

Bizkaie! urtarriletik aurrera batuaz

Ahalik eta erabiltzaile gehiagorengana heltzeko asmoz, 2012ko urtarriletik aurrera Bizkaie! batuaz argitaratzea erabagi dau Bizkaie!-ren zuzendaritza batzordeak. Eztabaida luzeen ondorioz hartutako erabagia izan da, euskereak irabaziko dauelakoan hartutakoa.

Ganbara 'Eguntto batez' disko barriagaz dator, hamasei urteren ostean

Jesus Egiguren durangarrak irabazi dau Musikagileak lehiaketea

Jesus Egiguren durangarrak irabazi dau Musikagileak alkarteak antolatutako Musika Bandentzako Konposizinoen Lehiaketea. Musikagileak Euskal Konposizinoaren Sustapenerako Kultura Erakundeak lehenengo aldiz emon dau saria. Gabriel Erkorekak, Aitor Mitxelenak eta Joseba Torrek osotu dabe epaimahaia. Lehiaketearen helburu nagusia musika bandentzako errepertorio barria sortzea da.

'Euskal zizelkariak', bost mendetako ibilbide oparoa

Euskal Herriko eskulturearen XVI. mendetik gaur egunera bitarteko garapena jaso dabe Michel de Jaureguiberryk, Patxi Laskaraik, Gaizka Irozek eta Marc Etcheverryk Euskal zizelkariak liburuan. Urruñako Pimientos argitaletxeak kaleratu dau lana.

Arnaut Abadiak 'Eskualduna' aldizkarian argitaratutako artikuluak batu ditu Kepa Altonagak

Kepa Altonaga biologoak Arnaut Abadiak Eskualduna aldizkaria urteetan argitaratutako zutabeak batu ditu Arnaut Abadiaren zoo ilogikoa (Pamiela) liburuan. Asisko Urmeneta marrazkilariak egin ditu ilustrazinoak. Arnaut Abadia Larresoroko seminarioko zuzendaria izan zan, eta Eskualduna astekariko Laborarier atalaren arduraduna, 1892tik 1908ra

8.000 euro gehiago euskerea ikasteko eta sustatzeko

Diru kopuru hori aurretik onartutako 108.000 euroen kopuruari gehitu behar jako eta holan, Getxoko Udalak 2011n danetara 116.000 euro zuzenduko ditu euskerea sustatzeko urteroko egitasmora, euskeraz bizi nahi daben herritarrei horretarako aukerak bermatzeko helburuagaz.

Euskadiko Orkestra Sinfonikoa eta Kepa Junkera, alkarregaz KlasikAT kontzertu-zikloan

Euskadiko Orkestra Sinfonikoak KlasikAT ekimenaren kontzertu-ziklo barri atondu dau 2012ko martirako. Danetara, bost emonaldi izango dira, Bilbo, Donostia, Gasteiz eta Iruñean. EOSek Kepa Junkera trikitilaria izango dau lagun kontzertuotan.

Manuel Lekuona saria 2011, Jose Luis Ansorena musikagilearentzat

Eusko Ikaskuntzak Jose Luis Ansorena Miranda musikologo, musikagilea eta zuzendariari emon deutso 2011ko Manuel Lekuona saria. Euskal musika-ondarea babesteko eta zabaltzeko egindako lana saritu gura izan dabe.

Diglosiaren ganeko hausnarketea, 'Bat' soziolinguistika aldizkarian

Bat soziolinguistika aldizkariaren zenbaki barria aurkeztu dabe Soziolinguistika Klusterrak eta Euskaltzaindiak. Hainbat egilek digloasiaren ganeko hausnarketea plazaratu dabe aldizkarian

Ionesco eta Mansfielden liburuak berrargitaratu ditue 'Urrezko Biblioteka' bilduma barrian

Literatura Unibertsala bildumako lehenengo 100 izenburuak daborduko eskuraezinak dirala ikusita, lanok berrargitaratzeko plangintzea adostu eben igaz EIZIEk eta Eusko Jaurlaritzako Kultura Sailak. Hasteko, ehun liburuetatik 20 izenburu aukeratu ditue. Urrezko Bibliotekako lehenengo liburuak Ionescoren Emakume abeslari burusoila eta Katherine Mansfielden Lorategiko festa dira.

'The Tree' diskoa plazaratu dau Xu Jun eta Beñat Fuentes bikoteak

Zortzi pistako grabagailuan grabau eban bikoteak; Xujun da kantaria eta perkusino jotzailea, eta Fuentesek gitarrak, baxua, sintetizadorea, mandolinea eta ukelelea jo ditu, musika eta berbak sortzeaz gan. Kantuak ingelesez abesten ditu bikoteak, baina diskoan bada euskeraz abesturiko kantu bat (Venus dago ederren) eta txinerazko esaldiak tartekatzen ditue beste zenbaitetan.

Susana Egea eta Cristina Ferradas, Arte Eszenikoen Ikerkuntzarako Artez Blai IV. Sariaren irabazleak

Susana Egearen katalauniarrak La interpretación actoral en la escena operística. Análisis en torno a una especificidad eta Cristina Ferradás galiziarrak idatzitako La construcción del espectador en el teatro breve de José Sanchis Sinisterra izan dira Arte Eszenikoen Ikerkuntzarako Artez Blai IV. Nazinoarteko Sariaren irabazleak.

Jose Lizaso artista bizkaitarrak Florentziako Biurtekoko Urrezko Dominea irabazi dau

Jesus Lizasok eskultura arloko Urrezko Dominea irabazi dau Florentziako Biurtekoan. Ortotropías izeneko obrea eroan eban Florentziara. Biurtekoan 70 herrialde baino gehiagotako 700 artistek aurkeztu ditue euren lanak.

‘Luke eta Lucy’ animazinozko filmearen estreinaldia, abenduaren 23an

Gabonetan, animazinozko Luke eta Lucy pelikulea ikusteko aukerea izango dogu EAEko zinema-aretoetan, Eusko Jaurlaritzearen Zinema Euskeraz programeari esker. Estreinaldia abenduaren 23an egingo dabe, Gasteizeko Floridan eta Donostiako Principen; Tolosako Leidorren, barriz, hilaren 26an izango; eta, Bilboko Multisen, 30an.

Galiziera hutsezko 'Praza Pública' egunkari digitala sortu barri dabe

Praza Pública izeneko egunkari digitala ipiniko dabe laster martxan, galiziera hutsean. Galiziako kazetari eta idazle talde bat da eragilea, eta urtarrilerako webgunea prest egongo dala iragarri dabe. Irakurleek egunkariaren antolaketa eta funtzionamenduan parte hartzeko aukerea eukiko dabe