Juan de Diego, Massimax Project eta Liya Grigoryan TRio, Bermeoko XVII. Jazzber jaialdian
2014-06-20 15:40 Musikea
Bermeoko XVII. Jazzaldiak hiru kontzertu eta jam session bat eskainiko ditu garagarrilaren 2tik 4ra bitartean. Aurten, Jazzber jaialdi honetan, Juan de Diego euskaldunak, Suedian eta Italian ibilbide luzea dauen Massimax Projectek eta Liya Grigoryan armeniarrak sortutako hirukoteak hartuko dabe parte. Kontzertu guztiak Kafe Antzokian izango dira eta sarrera debalde izango da.
Daborduko 350 lagunek emon dabe izena Gorbeia Suzien mendi lasterketan
2014-06-20 14:32
Gorbeia Suzien Banco Mediolanum Sari Nagusia urriaren 18an izango da. Izena emoteko epea bagilaren 16an hasi zan, astelehenean, eta egun gitxi honeetan daborduko 350 korrikalari apuntau dira.
'Interbentziñuak', Eibarreko fabrikak berreskuratzeko proposamen artistikoak
2014-06-20 12:41 Kulturea
Eibarren hutsik dagozan eta erabilten ez diran eremu eta eraikin industrialak berreskuratzeko Interbentziñuak egitasmo artistikoa inauguratuko da bagilaren 20an, Eibarko BHren fabrika zaharrean. EHUko Arte Ederren Fakultadeak, Berreibar Ekimen Kulturala alkarteak eta Eibarko Udalak jardun dabe alkarlanean.
Zaparrada ume konparsea sortu dabe Zenbat Gara eta Kurkuluxetan alkarteek
2014-06-20 11:14 Euskerea berbagai
Kurkuluxetan eta Zenbat Gara kultur alkarteek Zaparrada ume konparsea sortu dabe Algara konparsearen magalean, besteak beste, Bilboko Aste Nagusian euskeraz biziteko, berba egiteko eta ondo pasetako ume bilgunea eregiteko eta umeentzako gune erreferentziala bilakatzeko helburuakaz.
Joseba Intxaustik 'Euskara eta hizkuntzak, gizartean' argitalpena aurkeztu dau
2014-06-19 14:35 Euskerea berbagai
Euskerea eta hizkuntzen Historia Sozialaz 50 urtetan idatzitako artikulu-bildumea batu dau Joseba Intxausti historialari eta ohorezko euskaltzainak hiru liburukitan banatutako Euskara eta hizkuntzak, gizartean beharrean. Hain zuzen be, Euskaltzaindiaren Etxeberri Bilduma-ko 2., 3. eta 4. zenbakiak dira. Bilbon aurkeztu dau, Euskaltzaindiaren egoitzan.
'Ikerketa Feministarako Metodologia: Giza eskubideen aldeko tresnak eta aplikazinoak' jardunaldiak gaur eta bihar, Donostian
2014-06-19 11:30 jardunaldiak
Hegoa Nazinoarteko Lankidetza eta Garapenari Buruzko Ikasketa Institutuak eta SIMReF Ikerkuntza Feministarako Metodologia Diziplina Anitzeko Mintegiak antolatu ditue topaketak. Donostian 200 bat ikertzaile, irakasle eta aditu batuko dira, EHUko Filosofia eta Hezkuntza Zientzien Fakultadeko Gradu Aretoan, bagilaren 19an eta 20an.
Kale musikarik onena Zornotzan, Haizetara jaialdiaren IX. edizinoan
2014-06-18 18:12 Musikea
Aurten 12 herrialdetako 48 musika-taldek aurkeztu zituen euren proposamenak (Frantzia, Holanda, Portugal, Italia, Japonia, AEB, UK, Brasil, Polonia, Errumania, Espainia eta Hungaria) eta lehiaketan parte hartuko daben 9 banda aukeratu ditue antolatzaileek, horreen artean.
30 bertsolari hasiko dira Bizkaiko Txapelketako kanporaketetan
2014-06-18 17:41 Bertsolaritzea
Eskualdeetako Bertsolari Txapelketak amaitu ostean, erabagita dagoz zeintzuk izango diran 2014ko Bizkaiko Bertsolari Txapelketan kantauko daben bertsolariak. Danetara, 30 bertsolari hasiko dira Bizkaiko Txapelketako kanporaketetan.
Scorpions taldeak edegiko dau Azkena Rock jaialdia, bagilaren 20an
2014-06-18 14:39 Musikea
Scorpions, Blondie, Violent Femmes, Wolfmother, Joe Bonamassa, Seasick Steve, Unida, Turbowolf, Kadavar, Royal Thunder, Bombus... Hemen da hamahirugarren Azkena Rock jaialdia. Rockzaleek Mendizabalan daukie hitzordua asteon, bagilaren 20an eta 21ean.
43 miloe euro bideratuko ditu aurten Eusko Jaurlaritzeak euskerearen erabilerea indartzeko
2014-06-18 14:05 Euskerea berbagai
Euskerazko hedabideentzat 4,87 miloe euro bideratuko dira. Horrezaz gan, 180.000 euroko partida barri bat izango da, geheinbat gaztelaniaz diran hedabide idatzien edizino digitaletan euskerearen presentzia indartzeko.
Postontziko Arratia
2014-06-18 12:37
XX. mendearen lehen erdian argitaratu ziran Arratiari buruzko posta-txartelak batu ditu Jon Urutxurtu zeanuriztarrak Arratia posta txartelean liburuan. Egileak dinoanez, garai bateko bizitza ezagutzeko leiho izan daitekez irudi honeek. Barikuan, bagilak 20, Igorreko Lasarte aretoan aurkeztuko dabe, 20:00etan.
Bilbao BBK Livek sarrera guztiak saldu ditu
2014-06-18 11:04 Musikea
Marka guztiak apurtuko ditu aurten Bilbao BBK Live jaialdiak, daborduko eguneko sarrera guztiak eta bonuak salduta dagoz. Halanda ze, 120.000 lagun batuko dira garagarrilaren 10etik 12ra bitartean Kobetamendin, inoizko gehien.
Jean-Baptiste Orpustanek eta Mariasun Landak jasoko dabe aurtengo Eusko Ikaskuntza saria
2014-06-17 18:45 sariak-autortzak
Sari horren helburua kulturearen mesedean jardunean dagozan ikertzaile, zientifiko eta Humanidade, Kultura, Arteak eta Gizarte Zientzietan aditu onenei bikaintasuna autortzea da. Esan bezela, Orpustanek eta Landak ex aequeo jasoko dabe. Holan jakinarazo dabe gaur, bagilak 17, Iñaki Dorronsoro Eusko Ikaskuntzako presidenteak eta Pello Ugalde Laboral Kutxako lurralde zuzendariak.
WOPeak ekimenak Paiju Peak, Jannu eta Cho Oyu mendietara eroango ditu Iñurrategi, Zabalza eta Vallejo
2014-06-17 18:36
Mendia, jarduera alpinoa, izan ziran WOP Fundazinoaren lehenengo pausuen abiapuntua, 2010ean. Eta mugarriz mugarri, beste erronka bati ekitekotan dabilz. Gaur aurkeztu dabe Bilbon WOPeak egitasmoa, Alberto Iñurrategi, Juan Vallejo eta Mikel Zabalza mendizaleak Paiju Peak, Jannu eta Cho Oyu mendi ezagunetara eroango dituan ekimena
Euskal Herriko Eskolarteko Bertsolari Txapelketako finala zapatuan jokatuko da Orion
2014-06-17 17:24 Bertsolaritzea
Bagilaren 21erako egun osoko jai ederra antolatu da Eskolartekoaren harira. Goizeko 11:00etan 15-18 urte artekoen bat-bateko finala izango da, eta, arratsaldez, 15:00etatik aurrera, bertso-eskolen emonaldiak eta erromeria.
Donostiako XXV. Fantasiazko eta Bildurrezko Zinemaren Astean lanak aurkezteko epea zabalik dago
2014-06-17 15:06 Barriak
Donostiako Fantasiazko eta Bildurrezko Zinemaren XXV. Astean lanak aurkezteko epea zabaldik dago honezkero. Jaialdia urriaren 25etik zemendiaren 1era izango da, eta lanak aurkezteko epea abuztuaren 15ean amaituko da, antolakuntzako iturriek jakinarazo dabenez.
Bakioko Txakolinguneak 1.500 bisitari izan ditu martiaren 19an zabaldu zanetik
2014-06-17 11:13 Jan edanak
Zentroaren kudeaketea dala eta, Miren Josune Ariztondok esan dau martiaren 19tik BizkaiKOA erakundea arduratzen dala Txakolingunearen kudeaketaz, Itxas Lehor S.L. soziedadearen bitartez. Sei hilebetez izango dau ardura hori, harik eta zerbitzua behin betiko esleitu arte (orain, zerbitzu horretarako pleguak egiten dagoz).
Karena crowdfunding bagilaren 18tik aurrera martxan
2014-06-16 18:26
Karena crowdfunding plataformea, auzolanaren eta egitasmo txiki zein ertainen finantziazinorako tresna euskalduna da. Gure herrian dagozan hamaika proiektuei, eta finantziazino arazoak tarteko, ezerezean gelditu izan diran proiektuei aukera barri bat eskaintzeko asmoz jaio da.
XV. Bilboko Kalealdiak 31 konpainia eta 59 ikuskizun ekarriko ditu Bilbora garagarrilaren 1etik 5era bitartean
2014-06-16 15:46 Kulturea
Kaleko arte eszenikoetan trebatutako euskal konpainien aldeko apustuari eutsiz, Bilboko Kalealdiak bertako talde honeek batu ditu aurten: Hortzmuga, Ertza, Organik eta Kukai, Ganso & Cía., Malas Compañías, Barbara Govan eta Kolectivo Monstrenko & Zanguango Teatro, Euskadiko talde batez eta Gaztela eta Leongo beste batez osotutakoa.
Edorta eta Irati Jimenez idazleak protagonista, 'Eztabaidak literatureagaz' egitarauan
2014-06-16 15:25 Kulturea
Bilboko Bidebarrieta liburutegiak literaturearen munduan dabilzan aita-alaben harteko hartu-emonak jorratuko ditu martitzenean, Edorta eta Irati Jimenez idazleek parte hartuko daben mahai-inguruan. Goizalde Landabaso idazle eta kazetariak gidatuko dau 19:30ean hasiko dan Literatura, familia kontua izenburuko Eztabaidak literatureagaz egitarauko saioa.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...