Lorena Martinezen 'Maite dut' erakusketea ikusgai dago Durangoko Arteka liburu-dendan
2014-12-29 14:25 Kulturea
Udagoienean argitaratu eban Lorena Martinez ilustratzaileak Maite dut (Edo) liburua, eta orain erakusketa itxuran ikusi daiteke Durangon, Arteka liburu-dendan. Urtarrilera arte egongo da zabalik erakusketea.
III. Basque Festival Red Bayn (Kanada) izango da 2015eko garagarrilean
2014-12-29 14:09 Euskaldunak munduan
Kanadako Red Bay udalerriak III. Red Bay Basque Festival ospatuko dau 2015eko garagarrilaren 7tik 19ra. Sasoi batean euskal balea arrantzaleen portua izan zan udalerriko biztanleek, Biarritz, Baiona, Donibane Lohizune, Pasaia, Donostia, Orio edo Bermeotik heldutako arrantzaleen bizimodua zelakoa zan erakutsiko dabe.
Euskal Herriko Gazte Orkestreak 'The Kid' pelikulearen musikea eskainio dau barikuan, Bilbon
2014-12-29 10:26 Musikea
Neguko topaketen barruan, EGO Euskal Herriko Gazte Orkestreak Charles Chaplinen The Kid filmearen musikea interpretauko dau zuzenean, pelikulea proiektetan dan bitartean, Bilbon, Donostian eta Gasteizen. Lehenengo hitzordua Euskaldunan izango da, urtarrilaren 2an, 20:00etan. Donostian, urtarrilaren 3an joko dabe, eta Gasteizen, 4an.
'Euskerearen Historia Soziala: Argibide bibliografikoak' atalak 592 sarrera barri ditu
2014-12-26 13:01
Euskaltzaindiak Euskerearen Historia Soziala. Argibide Bibliografikoak atalaren datutegia eguneratu era sarean jarri dau. Hemen konsultau daiteke. Eguneratze horren ondorioz, 592 sarrera barri erantsi dira. Danetara, orain 5.033 sarrera bibliografiko ditu.
'Gabonetan antzerkira' zikloak bost ikuskizun eskainiko ditu Leioan
2014-12-26 10:00 Kulturea
Kultur Leioa aretoak Gabonetan antzerkira zikloa antolatu dau abenduaren 26tik 30era bitartean, eta etxeko gaztetxu eta beren senitartekoei zuzendutako bost antzerki ikuskizun eskainiko ditu auditoriumean, arratsaldeko 18:00etatik aurrera.
Bizkaiko azken maisu jostunei buruzko erakusketea
2014-12-23 16:56 Kulturea
Bizkaiko azken maisu jostunak. Jantziak neurrira egitearen lanbidea, horixe da Bilbon, Batzar Nagusietako egoitzan zezeilaren 5era arte egongo dan erakusketearen izenburua. Erakusketa horretan batzen dira Bizkaiko azken maisu jostunen lan batzuk.
Vendettak '13 balas' disko barria zuzenean aurkeztuko dau Hatortxurock jaialdian
2014-12-23 14:45 Musikea
Talde nafarraren laugarren diskoa da 13 balas (Baga-biga). Hamahiru kanta sortu ditue, eta rocka eta ska doinuei funka, reggaea eta musika zeltea gehitu deutsie. Vendetta Suitzatik etorri barri dira, eta martxan dabe Abriendo Camino birea. Zapatuan, hilaren 27an, Atarrabian joko dabe, Hatortxurock jaialdian.
'Kulunkaz' jantza tailerra Bilbon, 0-6 urteko umeentzat
2014-12-23 11:58 Kulturea
Kulunkaz tailerrak jantzearen lehen pausak 0-6 urteko umeei erakustea dau helburu. Talde bi osotu dira: A taldea 0-2 urteko umeakaz eta B taldea 3-6 urteko umeakaz. Tailer biak aldi berean emongo dira eta 12:30era arte iraungo dabe. Aurretik izena emotea nahitaezkoa da (bulego@aikotaldea.com), plazak mugatuak dira eta. Tailerrean sartzean, helduek 10na euro pagau behar dabe.
Joe Cocker hil da 70 urte zituala
2014-12-23 10:59 Musikea
John Robert Cocker, Joe Cocker lez ezaguna, Erresuma Batuko rock eta blues abeslaria bart hil da birikietako minbiziak jota, Barrie Marshall artistearen ordezkariak BBC telebistari jakitera emon deutsonez.
Daniel Landartek jaso dau Eusko Ikaskuntza - Baiona Hiria Ohorezko Euskal Kultura Saria
2014-12-23 10:23
Eusko Ikaskuntza-Baiona Hiria Ohorezko Sariaren helburua Ipar Euskal Herrian euskal kulturearen edo zientziaren aldeko jarduereagaitik edo obrakaitik nabarmendu diran personak goratzea da.
'Aiarako toponimia nagusia' liburua irakurgai, Euskaltzaindiaren webgunean
2014-12-23 10:11 Euskerea berbagai
Euskaltzaindiak Aiarako toponimia nagusia / Toponimia mayor de Ayala liburu webgunean ipini barri dau, konsultagai. Izenak bildumearen hirugarren zenbakia da. Onomastika batzordeko kide Patxi Gale, Mikel Gorrotxategi eta Felix Mugurutza dira lanaren egileak.
Murtziar batek irabazi dau EHUko Fantasiazko Ipuin Laburren XXII. Unibersidade Lehiaketea
2014-12-23 09:57 sariak-autortzak
Euskal Herriko Unibersidadeko (EHU) Arabako campuseko Errektoreordetzeak antolatutako Fantasiazko Ipuin Laburren XXII. Unibersidade Lehiaketako epaimahaiak erabagi dauenez, aurtengo edizinoko irabazlea Eric Fernández-Luna Martínez (Alhama de Murciakoa, Murtzia) da sariduna, No me sirven en el electrobar lanagaitik.
'Arotz. Egurraren ibilbideak' euskal baserrien sustraiak azaleratzen ditu
2014-12-22 13:22
Busturialdea-Urdaibain abiarazotako proiektu barritzailea da hau, turismo jasangarria eta kalidadezkoa dinamizetako helburuagaz. Basoa, ondare artistikoa, erlijiosoa eta historiko-kulturala, arkitektura tradizionala, ohiko tresnak, egurarren gaur egungo erabilerea eta basoen aberastasunak itxitako gastronomiak Arotz-Egurraren Ibilbide Turistikoak eskaintzen dituan funtsezko elementuak dira.
Yosemiteko eskalatzaileei buruzko 'Valley Uprising' lanak irabazi dau VII. Mendi Film jaialdia
2014-12-22 11:14 Barriak
Nick Rosenek eta Peter Mortimerrek zuzendutako Valley Uprising dokumentalak jaso dau Film Onenaren Urrezko Eguzkilorea eta Ikus-entzuleen Eguzkilore Saria, bai epaimahaiak bai ikusleek bat egin dabe lan honegaz. Mendi Film jaialdiaren sari-emote ekitaldia barikuan izan zan, BBK Salan, eta ostean Clint Eastwooden The Eiger Sanction proiektau eben, aurtengo kartelaren protagistea.
Fredi Paia algortarra, 2014ko Bizkaiko Txapeldun
2014-12-22 09:25 Bertsolaritzea
Zapatuan, 4.350 bertsozale batu ziran Bilbao Arenan, sekula egon dan Bizkaiko Bertsolari Txapelketa final jentetsuenean. Kristina Mardaras Iurretako bertsolariak jantzi eutson txapela Fredi Paia irabazleari, entzuleen txalo artean. Arkaitz Estiballes galdakaoztarragaz jokatu eban buruz burukoa.
'Zinegabonak' umeei zuzendutako ekimena aurkeztu dau EiTBk
2014-12-19 14:44 Barriak
EiTBk eta Zineuskadik Zinegabonak izeneko ekimena ipiniko dabe martxan Gabonetan. Halanda ze, EiTBren Bilboko egoitzako Multibox aretoan lau film eskainiko dira, abenduaren 22tik 26ra bitartean, 25ean izan ezean. Zigortzaileak, Aita zonbia naiz, Olentzero eta iratxoen jauntxoa' eta Zipi eta Zape eta kanikaren kluba pelikulak dira proiektauko dituenak.
Maria Orcasitasek irabazi dau XLIII. Ignacio Aldecoa Ipuin Lehiaketea
2014-12-19 11:58 Kulturea
Maria Orcasitas Bikandi Euskal Herriko Unibersidadeko (EHU) ikerlariak XLIII. Ignacio Aldecoa Ipuin Lehiaketearen Saria jaso dau, Usoak lanari esker. Itziar Lamarain Arabako Aldundiko Euskera, Kultura eta Kirol diputaduak emon deutso saria.
'Enclaves de Unamuno' dokumentalak emongo deutso amaierea idazlearen jaiotzearen 100. urteurreneko egitarauari
2014-12-19 10:55 jardunaldiak
Aurten, Bilboko Udaleko Kultura eta Hezkuntza Sailak jarduera egitarau zabala jarri dau martxan 1864ko irailaren 29an, Miguel de Unamuno Bilbon jaio zaneko 150. urteurrena ospatzeko. Programazino bereziari bariku honetan, abenduaren 19an, emongo jako amaierea, Bidebarrietako Liburutegian Enclaves de Unamuno dokumentala eskainiz.
Joan Marti i Castell ohorezko euskaltzainak diplomea jasoko dau gaur, Donostian
2014-12-19 10:41 Euskerea berbagai
Joan Marti i Castell ohorezko euskaltzainak Euskaltzaindiaren ikurra eta diplomea jasoko ditu gaur, 12:30ean, Donostiako Luis Villasante Euskerearen Ikergunean. Lehenago, 10:00etan, Osoko bilkurea egingo dau Euskaltzaindiak.
Sarrionaindiaren lehen poesia antologia galegoz argitaratu dabe
2014-12-19 09:54 Kulturea
Kalandraka argitaletxeak Tempo de exilio galegoz argitaratu dan Joseba Sarrionandia euskal idazlearen lehen poesia antologia plazaratu dau, Tambo bilduman, Etxepare Euskal Institutuak jakinarazo dauenez.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...