Gorbeian izango da aurten Deiadar Mendien Eguna, domekan
2015-06-05 10:44
Bizkaiko Batzar Nagusiek bagilaren 7an ospatuko dabe aurtengo Deiadar Mendien Eguna, Gorbeian. Urteerea 9:00etan izango da, Pagomakurren, eta eguerdian, 12:00etan, Batzar Nagusirako deia egingo dabe kurutzetik, egun horretarako berenberegi egindako adarragaz.
Juanjo Alvarez Rubiok irabazi dau 2015eko Eusko Ikaskuntza-Laboral Kutxa saria
2015-06-05 10:41 Kulturea
Juan Jose Alvarez Rubiori emongo deutsie aurtengo Eusko Ikaskuntza - Laboral Kutxa - Humanidade, Kultura, Arte eta Gizarte Zientziak 2015 Saria eta modu horretan haren ikuspegi kritiko eta barritzailea saritu nahi izan dabe epaimahaia osotzen daben Eusko Ikaskuntzako presidenteak eta Laboral Kutxako Lurralde zuzendariak.
Almudena Grandes eta Unai Elorriaga idazleek ATEA- Laboral Kutxa Saria jaso dabe
2015-06-04 18:03 sariak-autortzak
Almudena Grandes eta Unai Elorriaga idazleek Atea – Laboral Kutxa Saria jaso dabe gaur inaugurau eta hilaren 14ra arte Bilboko Arenalean zabalik egongo dan 45. Liburu Azokearen edegieran. Bagilaren 14ra arte egongo da zabalik.
Jazzeuskadi aplikazinoari esker, musikearen eta turismoaren ganeko informazino guztia jasoko dogu
2015-06-04 15:12 Musikea
Aurten Jazzeuskadi aplikazinoaren sorrerea nabarmendu behar da. Bertan jazzaldien ganeko programazinoa azaltzen da; Euskadin joko dauen musikari bakotxaren ganeko informazinoa egunaren arabera eta turismo-informazino osagarria. Google Play-n deskargau daiteke.
Txomin Badiola eta Elena Aitzkoa artistek, eta Entre Cuerpos-Mugatxoan alkarteak jasoko ditue 2015eko Gure Artea Sariak
2015-06-04 14:57 Kulturea
Joxean Muñoz Kultura, Gazteria eta Kirol sailburuordeak eta Xabier Ganzarain Gure Artea sarien 2015eko edizinoko epaimahaikideak lehiaketaren aurtengo irabazleen izenak ezagutarazo ditue gaur goizean, Donostian. Txomin Badiolak ibilbide artistikoaren autormenari jagokon modalidadean jasoko dau saria; Elena Aitzkoak, sorkuntza-lana atalean; eta hirugarrenik, Entre Cuerpos-Mugatxoan alkarteak.
3.000 lagun baino gehiago batu dira 3, 2, 1 Forma Eszeniko Barrien Nazinoarteko Topaketearen III. edizinoan
2015-06-04 14:09 jardunaldiak
Ikuskizun batzuk, berbarako, Sra. Polaroiska & Ruemaniak konpainiaren Lur Away lanaren kasuan, sarrerak agortu egin ziran emonaldi guztietan. Era berean, joan dan apiriletik 8.000 lagunetik gora izan dira Ray Lee Siren-en soinu-instalazinoa bisitau dabenak.
Jon Gerediagak 'Argia, lurra, zuhaitza, zerua' poesia liburua plazaratu dau
2015-06-04 13:07 Kulturea
Natureak garrantzi berezia dauka Jon Gerediaga idazle bilbotarraren lan barrian, Argia, lurra, zuhaitza, zerua (Pamiela) olerki liburuan. Aurreko lanetako ezaugarriak ditu bildumeak.
346 kexetatik 342 kasutan euskerearen erabilera ezagatik gertatu da eskubide urraketea
2015-06-04 12:54 Euskerea berbagai
Hizkuntza Politikarako sailburuorde Patxi Baztarrikak eta Herri Administrazinoetan Hizkuntza Normalizetako zuzendari Joseba Lozanok Elebideren 2014ko jarduera-txostena aurkeztu dabe Eusko Legebiltzarrean, Kultura, Euskera, Gazteria eta Kirol Batzordean. Agerraldia sailak berak eskatuta antolatu da.
Emozinoak eta umorea aztergai, garagarrilaren 1etik 3ra, Ahoa Bete Hots jardunaldietan
2015-06-04 11:15 Bertsolaritzea
Garagarrilaren 1etik 3ra bitartean izango dira jardunaldiak Gaztelumendik azaldu dauen moduan eta egitaraua eta izena emoteko informazinoa dagoeneko ikusgai da Mintzolaren webgunean. Bagilaren 4an ekingo jako izen-emoteari eta 22ra arte egongo da zabalik.
Euskal Akuarelarien Elkartearen erakusketea, Bilboko Ondare Aretoan
2015-06-04 11:03 Kulturea
70. urteurrenaren Nazioarteko Erakusketea. Euskal Akuarelarien Elkartea erakusketea ikusgai egongo da Bilboko Ondare Aretoan, bagilaren 5etik garagarrilaren 24ra arte. Alkartearen 70. urteurrena ospatzeko antolatu dabe nazinoarteko erakusketea.
Datorren zapatuko Ataungo bi saioakaz amaituko da Gipuzkoa Bertsotan
2015-06-04 10:24 Bertsolaritzea
Gipuzkoa Bertsotan azken txanpara heldu da. Zapatuan, Gipuzkoako Bertsolari Txapelketarako sailkapen faseko azken bi saioak jokatuko dira Ataunen, herri antzokian. Horreen ostean jakingo da irailerako sailkatu diran 30 bertsolarien izenak.
Aurreikuspen guztiak gainditu ditu Literaturia-Euskal Letren Plazeak
2015-06-03 18:24 Kulturea
Literaturia jaialdiko arduradunak oso gustura dagoz, jente asko hurreratu zan maiatzaren 28tik bagilaren 1era Zarautzen egindako Euskal Letren Plazara. Astegoinean., liburu azokeaz aparte, aurkezpenak, erezitaldiak eta bestelako jarduerak izan dira.
XIII. Caostica, Nazioarteko Bideoklip eta Film Labur Jaialdia Bilbon bagilaren 3tik 8ra
2015-06-03 14:08 Barriak
Aurreko urteetako erantzun onari eutsiz, danetara, 650 lan jaso ditue aurten Caosticaren antolatzaileek eta horreetatik 51 izango dira lehian, besteak beste, Koldo Almandozen Darwinismo, Ibon Belandiaren Psycho eta Joseba Elortzaren Zerbait asmatuko dugu.
Gerardo Markuletak 'Denbora bere lekura' poema liburua kaleratu dau
2015-06-03 11:21 Kulturea
Denporearen pisua, umezaroa eta nerabezaroa ditu gogoetagai Gerardo Markuletak Denbora bere lekura (Erein) beharrean. Azkenengo hamar urteotan idatzitako olerkiak batu ditu, 50 danetara, lau ataletan banatuta.
Bizkaiko Bertso Eskolen eguna eta Eskolarteko finala bagilaren 6an, Igorren
2015-06-03 11:15 Bertsolaritzea
Ondorengoak izango dira bagilaren 6ko finalean bat-batean kantauko daben 8 bertsolariak: Iker Garitagaitia Astigarraga, Igor Galartza Intxausti, Lur Ziarrusta Intxaurtza, Lurdes Ondaro Mallea, Paule Loizaga Legarra, Peio Azkarate Elejabarrieta, Txaber Altube Sarrionandia eta Unai Mendiburu Valor.
Mariasun Landa idazlea omenduko dau Excellence in Basque Studies V. Udako Ikastaroak
2015-06-02 15:41 jardunaldiak
Etxepare Euskal Institutuak, aurten be, Atzerriko Unibersidadeetan Euskerea eta Euskal Kulturea Irakasteko Prestakuntza Ikastaroa antolatu dau, EHUko Udako Ikastaroekaz lankidetzan. Ikastaroak Excellence in Basque Studies V. Mariasun Landaren omenez" dauka izena, eta Mariasun Landa ume eta gazte literaturako idazlea izango dau protagonista. Ikastaroa Donostiako Miramar jauregian egingo da, garagarrilaren 8tik 10era.
Liburu Azokearen harian, Petros Markaris, Almudena Grandes edo Yasmina Khadra lako idazleak izango dira Bilbon
2015-06-02 15:34 Kulturea
Aurrerapen moduan, Bidebarrieta Kulturguneko ekitaldi aretoak, Azokeak emoten dauen Zilarrezko Luma 2015 saria jaso dauen Petros Márkaris idazlearen berbaldi bat jasoko dau bagilaren 3an.
Gatikako Noizean Behin taldeak 'Oinutsik' diskoa kaleratu barri dau
2015-06-02 13:01 Musikea
Urteotan sortutako bederatzi kantaren moldaketa sasi akustikoa batu dau Noizean Behin taldeak Oinutsik laugarren diskoan. Hitzik ez dago, Lerro zuzenak, Hariak, Saiak biraka, Inertzia, Puzzle, Bide berdeetatik, Bihar eta Zurekin banago dira Gatikako taldeak aukeratu dituan abestiak. Diskoaren kopia gitxi batzuk argitaratu ditue, eta hemen dago entzungai, debalde.
Jazz musikea, rocka, klasikoa edo herrikoia, 'Euskerazko musika lehen(a)' zikloan
2015-06-02 11:20 Musikea
Kontzertuak bagileko eguen guztietan izango dira, Deustuako eta San Inazioko hainbat eszenatokitan. Jazz musikatik rock-era, klasikoa edo herrikoia… Danak dauka bere lekua bagilaren 4an, 11n, 18an (eta 19an) eta 25ean egingo diran dobako kontzertu horreetan.
Astegoienean zortzi jokatu ostean, azken bi saioei begira jarri da Gipuzkoa Bertsotan
2015-06-01 15:47 Bertsolaritzea
Nahikari Gabilondo, Haritz Casabal, Egoitz Eizagirre, Gemma Urteaga, Jon Maia, Ane Labaka, Ibai Esoain eta Manex Mujika izan dira saioetako irabazleak. Bi saio falta dira sailkapen fasea amaitzeko, Ataunen jokatu dira datorren zapatuan.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...