Argitxo iratxoa, Ikastolen Elkarteko erakusmahaiko protagonista
2014-12-08 14:24 Kulturea
Argitxo eta Olentzero alkarregaz ekarri ditu Durangoko Azokara Ikastolen Elkarteak. Ipuinak, puzzleak, peluxea eta beste joko batzuk kaleratu ditue, 0 urtetik aurrerako umeentzako.
Arkaitz Estiballes galdakaoztarrak irabazi dau Bizkaiko Bertsolari Txapelketako azkenengo finalaurrekoa
2014-12-08 10:18 Bertsolaritzea
Iratxe Ibarra, Etxahun Lekue, Arkaitz Estiballes, Onintza Enbeita, Jone Uria, Oihana Bartra, Fredi Paia eta Xabat Galletebeitia dira 2014ko #Josi Bizkaiko Bertsolari Txapelketako finalistak. Atzo, hilak 7, erabagi zan ze bertsolari izango diran kantuan abenduaren 20an, Bilbao Arenan jokatuko dan finalean.
Gaur Durangoko Azokea omenduko dau Korrikak
2014-12-07 14:59 sariak-autortzak
Omenaldirako hitzordua gaur, domekea, abenduak 7an, izango da, arratsaldeko 20:30ean, Ahotsenea gunean. Beste hainbaten artean, Asier Amondo Korrika arduradunak eta Durangoko Azokako 8 guneetako ordezkariek parte hartuko dabe eta Korrika 19rako berariaz egindako Gu euskahaldunak gara dokumentala ikusteko aukerea izango da.
'Xuxen, hamarkada berrirantz' izenburupean, Itziar Cortesek zabaldu dau Kabi@ digitalaren plaza
2014-12-07 13:05
Kabi@ gunean, Okzitaniari begira, berbaldi, aurkezpen eta mahai-inguruak dagoz gaur, besteak beste, Euskara-Okzitaniar Hiztegia aurkeztu dabe Elhuyar eta Lo Congresen eskutik. Mahai-inguruan, barriz, euskalkulturea eta okzitaniarra sustatzeko tresna digitalak izango ditue aztergai; eta arratsaldeko ekitaldi nagsuian, Herri Liburutegi Digitalak aurkeztuko ditu BakalHau kolekktiboak.
'Loreak' filma, liburutegi digitala eta antzerki maratoia gaur protagonista
2014-12-07 11:45 Kulturea
Szenatokian be egun berezia izango da gaurkoa. Urterik urte arrakastaz egiten dan antzerki maratoia egingo da goiz eta arratsaldez. Zortzi antzerki taldek euren azken lanaren zati bat taularatuko dabe eta gero publikoagaz eretxiak aelkartrukatzeko tartea izango da.
Erlearen argizaria eta eztena, Argizaiola sarian
2014-12-07 11:18 sariak-autortzak
Argizaria erleek egiten dabe, eta erleen garrantzia ekarri dau gogora, bai gure planetearen ekologiarako, eta baita kultur tradizinoetan be, kasik etxekotzat hartzeraino. Baina, ez bakarrik euskal kulturan, mundu zabaleko kulturetan baino. Anbotoko andereak barkatuko deust blasfemia, baina mitologian be ez gara hain-hain originalak. Zer dogu guk originala euskaldunok? Hizkuntzea. Euskerea. Eta erleak eztena be badaukan modu berean, euskereari sarri emoten jakon tratua gaitzetsi dau.
Eneko Dorronsororen 'Xalbador, izana eta izena' dokumentalaren Hego Euskal Herriko estreinaldia Durangon
2014-12-06 15:08 Barriak
Goiz jentetsu eta euritsuaren ostean, arratsaldean be giro ederra izango da Durangon. Iluntzeko 20:00retan Anuntxi Arana antropologoak Argizaiola Saria jaso baino lehen, makinatxu bat ekitaldi izango dira. Egitaraua ikusi hemen.
Euskerazko 30 liburutik gora ekarri ditu EHUk Durangoko Azokara
2014-12-06 13:09 Kulturea
Jatorriz euskeraz idatzi diran argitalpenen artean, azpimarratzekoak dira Patxi Juaristiren Gerra Zibila Berriatuan eta Lekeitioko Frontean, orain bi urteko Markinako frontea. Markinako eta Xemeingo egoera politikoa eta soziala Bigarren Errepublikan eta Gerra Zibilean 1931-1939 saiakereak izandako arrakastearen ostean.
Gogoetaren Plaza martxan Fermin Muguruzagaz
2014-12-06 12:54 Kulturea
Abenduaren 6an, hizkuntzaren hautua da gaia. Iñigo Astiz Berriako kazetaria dabil goizez eta Miren Rubio arratsaldez:
- Alkarrizketea (11:00): Fermin Muguruza.
- Barriketaldia (13:00): Anari Alberdi eta Bernardo Atxaga.
- Mahai-ingurua (17:30): Hizkuntza hautua euskal kulturgintzan.
Gogoetaren Plaza ekimenaren estreinaldia eta Argizaiola Saria izango dira gaur protagonista Durangon
2014-12-06 10:42 Kulturea
Gaurko gogoetearen gai nagusia Nola kanta, hizkuntzaren hautua izango da. Parte hartuko dabe: Fermin Muguruzak (alkarrizketea), Anari Alberdi eta Bernardo Atxagak (barriketaldia), eta mahai-inguruan Jose Mari Sorsek, Lorea Agirrek eta Mikel Martinezek parte hartuko dae. Iñigo Astiz etea Miren Rubio kazetariek gidatuko ditue saio horreek.
Genero ikuspegia lantzeko proposamen bi
2014-12-05 14:14 Kulturea
Bizkaiko Foru Aldundiak genero-bardintasunaren ikuspegia jorratu gura dau Durangoko Azokan, halanda ze, Gizarte Ekintzako Foru Sailak liburu-azokarako jarduera osagarri batzuk antolatu ditu, Euskal literatura eta emakumeak: noiztik?, norantz?, nola? izeneko tailerra, hain zuzen be. Hitzordua gaur bertan da, 15:30ean, Areto Nagusian.
Culandra punk taldeak Bermeon eta Zarautzen joko dau astegoienean
2014-12-05 14:13 Musikea
Culandra punk taldeak kontzertu bi eskainiko ditu Euskal Herrian datozen egunetan; zapatuan, abenduaren 6an, Bermeoko Beleza Malandra ateneo kulturalean izango da, 22:30etik aurrera, eta domekan, hilaren 7an, Zarauzko Arrano tabernan, 22:30ean.
Gatibuk Donostian aurkeztu dau 'Euritan dantzan', gernikarren 6. diskoa
2014-12-05 11:52 Musikea
Emoitzeagaz oso gustura dagoz taldekideak eta Alex Sardui abeslariak adierazo dauenez, musika eta soinu aldetik aurrerapausu bat emon dogu, melodia eta letra desbardinak dakarguz, baina sustraiko elementu eta erritmoei eutsi deutsegu, Gatiburen esentzia ez da galdu.
Atxagaren, Zalduaren eta Telleriaren azken lanak beste hizkuntza batzuetan irakurgai
2014-12-05 10:52 Kulturea
Bernardo Atxagaren Zazpi etxe Frantzian eleberria, Iban Zalduaren Azken garaipena eleberri grafikoa eta Patxo Telleriaren Pankreas antzezlana atzerriko hizkuntza batzuetara itzuli ditue azken hileotan, Etxepare Euskal Institutuak euskal kulturea zabaltzeko egiten dauen lanaren laguntzaz.
'Amesak gauzatu lelopean' zabalduko ditu ateak Durangoko 19. Euskal Denda artisautza azokeak
2014-12-05 10:05 Kulturea
Durangoko 19. Euskal Dendeak gaur, abenduak 5, zabalduko ditu ateak. Arbasok antolatuta edizino honetako lemea da: Amesak gauzatu eta barriro be Euskal Herriko artisautzearen erakusleihorik garrantzitsuena izango da. Gaurtik eta astelehenera arte bisitariek Euskal Herriko edozein lurraldetatik etorritako artisauen lanak ikusteko aukerea izango dabe. Aurten 50 artisauk parte hartuko dabe.
VII. Bilbao Mendi Film Festival jaialdian 47 film izango dira lehian abenduaren 12tik 21era
2014-12-04 17:34 Barriak
17 herrialdetako 47 film izango dira lehian. Eta sail ofizialeko emonaldiez gan, 3D formatuko proiekzinoak, hainbat erakusketa eta zenbait ikastaro eta tailer espezializatu be izango dira, jaialdiaren helburua hazten jarraitzea baita: era guztietako jentea erakartea eta igazko edizinoko ikus-entzule kopurua (15.000) gainditzea.
Abenduaren 7an, Amorebieta-Etxanon, jokatuko da Josi Bizkaiko Bertsolari Txapelketako azken finalaurrekoa
2014-12-04 13:24 Bertsolaritzea
Amorebieta IV frontoian izango da saioa, Zelaieta zentroan dagoan frontoian, arratsaldeko 17:30ean. Txapelketako azken finalaurrekoan kantauko daben bertsolariak, hurrengoak izangodira: Arkaitz Estiballes, Garikoitz Sarriugarte, Ibon Ajuriagojeaskoa, Imanol Uria, Jone Uria eta Oihana Bartra.
Bilboko Guggenheim museoa autonomoagoa izango da aurrerantzean
2014-12-04 10:27 kulturbiz
Guggenheim Bilbao Museoaren Fundazinoaren Patronatua atzo batu zan, 1994ko abenduaren 21ean Solomon R. Guggenheim Foundation sinatutako kudeaketa hitzarmena barriztuteko asmoz. Hurrengo hogei urteetatako hitzarmena sinatu dabe. Abenduaren 9an berretsiko dabe akordioa, New Yorken.
Bilboko Berreginen Museoak 'Animalia Artean - Historiaurretik Erdi Arora' aldi baterako erakusketea inaugurauko dau
2014-12-04 10:09 Kulturea
Bizkaiko Foru Aldundiaren eta Bilboko Udalaren menpe dagoan Artelan Berreginen Museoak Animalia Artean - Historiaurretik Erdi Arora erakusketea izango dau ikusgai eguen honetatik, abenduaren 4tik, 2015eko maiatzaren 24a arte. Bertan, iraganean gizakien eta animalien arteko hartu-emonak zelakoak izaten ziran ikusi ahal izango da.
Pedro Mari Otañoren Argentinako eskuizkribuak danen esku izango dira Donostiako Koldo Mitxelenan
2014-12-04 09:28 kulturbiz
Dohaintza honetan, batetik, bi eskuizkribu dagoz eta, bestetik, Buenos Airesen editautako bi liburu: Pedro Mari Otañoren oroimenak (1894) eta Cátedra de Bascuence (1904) eskuizkribuak, eta Pedro Mari Otañoren olerki hautatuak (1906) eta Poesías Vascas (1906) liburuak.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...