Gotzon Barandiaranek eleberri barria aurkeztu dau, 'Gidariaren okerra'
2015-11-19 16:46 Kulturea
Nobelan bahiketa baten historia kontetan dau Gotzon Barandiaran idazle bizkaitarrak. Fikzinozko gertakarien bidez, egiaren, egia kontetearen eta jakitearen inguruan gogoetea egin nahi dau. Susa argitaletxeagaz plazaratu dau Barandiaranek bere bigarren eleberria dan Gidariaren okerra hau (Errotik argitaratu eban 2010ean; poesia liburu bi be badaukaz).
Etxepareren 'Linguae Vasconum Primitiae', beste sei hizkuntzatan
2015-11-19 16:35 Kulturea
Euskaltzaindiak eta Eusko Legebiltzarrak Euskara... Plazan! izeneko ekitaldia antolatu dabe Euskerearen Nazinoarteko Egunerako, abenduaren 3rako. Bertan, bi erakundeok beste sei hizkuntzatara (poloniera, hebreera, finlandiera, nederlandera, georgiera eta errusierara) ekarri daben Bernart Etxepareren Linguae Vasconum Primitiae liburua aurkeztuko dabe eta Koldo Mitxelenari gorazarre egingo jako.
Hemen da ‘Esna’, Esne Beltza taldearen disko bikotxa
2015-11-19 14:20 Musikea
Esne Beltzaren estilo eta nortasunari eutsiz, estilo aniztasuna da nagusi oraingoan be, kunbia, reggaea, porrusaldea eta barrikuntza legez baita runba bat be; hain zuzen be, El Canijo de Jerez eta La Pegatinako Rubenegaz alkarlanean egindako Sueños de color da lehenengo singlea.
John Tejadaren musika elektronikoa zemendiaren 20ko Art After Dark saioan
2015-11-19 13:33 Musikea
Zemendiaren 20an, barikuan, John Tejada eta Javier Franco izango dira Art After Dark saioaren protagonista Guggenheim Bilbao Museoko Atrioan. Tejada orkestra-zuzendari baten eta soprano entzutetsu baten semea da eta Franco, barriz, Fever aretoaren sortzaileetako bat.
'Arte kritika eta flamingoak zeru berdean' plazan
2015-11-19 11:51 Kulturea
Sans Soleil argitaletxearen eskutik datorren Arte kritika eta flamingoak zeru berdean, Mikel Onandia Garatek 2009 eta 2015. urte bitartean Berria egunkarian eta Deia egunkariko Ortzadar kultura-gehigarrian argitaratu dituan arte kritiken antologia da. Danetara, liburu honetan 100 kritika batu ditu egileak.
China Moses eta BOS, '365 Jazz Bilbao' zikloari amaierea emoteko
2015-11-19 11:07 Musikea
Bilbao 700 Fundazinoak antolatzen dauen 365 Jazz Bilbao zikloaren zortzigarren edizinoa amaitzear dago. Eta amaierea bikaina izango da: gaur, hilak 19 eta bihar, mundu osoan ezaguna dan China Moses Euskalduna Jauregian izango dogu arratsaldeko 19:30ean, Bilbao Orkestra Sinfonikoagaz, Erik Nielsenen zuzendaritzapean.
Trikitilari ezagunen piezak batu ditue 'Geure Kolkotik 2015' diskoan
2015-11-19 10:18 Musikea
Urtero legez, Euskal Herriko Trikitixa Alkarteak Geure Kolkotik bildumea plazaratu dau. Aurtengoa, sail horretako seigarren diskoa da eta lau trikitilari ezagunen hiruna pieza batzen ditu. Soinu txikiagaz batera, perkusinorako tresnak erabili ditue piezotan eta, holan, estilo ugaritako doinuak entzun leitekez.
Santiago Onaindia Bekearen XIII. edizinoko lan irabazlea aurkeztu dabe
2015-11-18 17:16 Kulturea
Amorebieta-Etxanoko Udalak eta menpeko dauen Ametx erakunde autonomoak, Labayru Fundazinoak eta Bizkaiko Foru Aldundiak Santiago Onaindia Bekearen XIII. edizinoan irabazle izan zan lanaren argitalpena aurkeztu dabe gaur, Bainaren belaunaldia: Ustela, Pott eta Oh! Euzkadi, Beñat Sarasola Santamariak egindako lana, hain zuzen be.
Guggenheim Museora miloe bat bisitari baino gehiago joan dira aurten
2015-11-18 16:44 Kulturea
Urtea amaitzeko hilabete baino gehiago faltau da oraindino, baina Guggenheim Museoak miloe bat bisitariko markea gainditu dau dagoeneko 2015ean. Museoak berak emondako datuen arabera, igazko kopurua gainditu dabe eta historiako urterik onena izateko bidean da aurtengoa.
Abian da CAF-Elhuyar sarien deialdia, 'Jarri txertoa kultura zientifikoaren alde' lelopean
2015-11-18 16:06 Kulturea
Zientzia eta teknologiagaz lotutako gaiak euskeraz lantzen dituen lanak saritu eta zabaltzeko helburua daukie CAF-Elhuyar sariek. 2015eko edizinoan parte hartzeko epea zabaldu dabe, 2016ko zezeilaren 11ra arte. Lau kategoriatan emongo ditue sariak eta tartean egongo da sorkuntza-beka bat be.
Durangoko Azokeak 50 urte, 5 egunez, eta 250 ekitalditik gora
2015-11-18 14:02 Kulturea
Abenduaren 4tik 8ra, aurten 249 erakustoki egongo dira, igaz baino lau gehiago. Danetara, stand horreetan 350 nobedade aurkeztuko dira: 228 liburu, 63 disko, 19 aldizkari... Liburu eta disko gehiago izan bada be, argitalpen elektronikoetan egon da igoerarik handiena, aurten 18 nobedade aurkeztuko baitira (igaz lau izan ziran).
Juan Antonio Urbeltzek Gipuzkoako Urrezko Dominea jasoko dau
2015-11-18 13:02 Kulturea
Gipuzkoako Foru Aldundiak lurraldeko Urrezko Dominea emongo deutso Juan Antonio Urbeltzi, jantzeari eginiko ekarpen oparo eta eraginkorragaitik, GFAko bozeroaile Imanol Lasak iragarri dauenez. Abenduaren erdialdean jasoko dau saria Urbeltzek.
Musikea entzun eta ikusi leiteke 'Korrontzi Dantzan' diskoan
2015-11-18 13:01 Musikea
Korrontzi musika taldearen doinuei koreografiak gehitu deutsiez eta emoitzea, Korrontzi Dantzan izeneko diskoa da (Baga Biga), CDa, DVDa eta liburutxua dakarzan lan zabala. Doinuak entzun ez eze, jantzak ikusi leitekez eta koreografiak ikasteko gidea be sartu dabe. Korrontzi Dantzan bireak, ganera, herririk herri eroango dau taldea, Euskal Herriko eta kanpoko jantza taldeakaz hasi dauen alkarlanaren bidez.
Euskal Autonomia Erkidegoan, enpresen webguneen erdiak euskerazkoak dira
2015-11-18 09:29 Euskerea berbagai
Eustat estatistikarako erakundeak emondako datuaren arabera, Araban, Bizkaian eta Gipuzkoan, webgunea daukien enpresen erdiek euskerazko bersinoa daukie. Zehatz esanda, %48k. Ganerakoek erdera hutsezko webgunea daukie. Herrialdeka, Gipuzkoa da euskerazko webguneen portzentaje handiena daukana eta, eskualdeka, Debagoiena.
Euskal filmak, LGTB gaietako hiru zinemalditan irabazle
2015-11-17 16:34 Barriak
Asteburu oparoa euki dau euskal zinemagintzeak, izan be, LGTB gaien ganeko hiru zinemalditan euskal filmak saritu ditue. Kepa Errastiren Aitona mantangorria Madrilgo Lesgaicinemad jaialdiko film laburrik onena izentau dabe. Roberto Castonen Los tontos y los estupidosek publikoaren saria irabazi dau Barin. Eta Mikel Ruedaren A escondidas film luzeak epaimahaiaren aitamena jaso dau Marseillan.
Santa Zezilia, musikarien zaindaria, kontzertu ugarigaz omenduko dabe egunotan
2015-11-17 14:15 Musikea
Zemendiaren 22an ospatzen da Santa Zezilia eguna eta, data horretan zein ingurukoetan, kontzertu eta musika-emonaldi ugari izaten dira. Esate baterako, Bilboko Udal Musika Eskolako irakasleek kontzertu berezia emongo dabe eguaztenean, hilak 18. Garaizarko Matsorriak abesbatzeak, ostera, zapatuan, hilak 21, egingo dau Santa Zeziliako kantaldia. Gernika-Lumon, Segundo Olaetako ikasleak arduratuko dira santua omentzeaz, hilaren 19an.
Literatura frantsesaren ganeko topaketea Bilbon
2015-11-17 13:50 Kulturea
Valérie Mréjen idazlearen lanean agertzen dan niaren eraikuntzan oinarritutako literatura frantsesaren ganeko topaketea izango da eguaztenean, zemendiaren 18an, 19:30etik aurrera, Bilboko Udaleko Kultura Sailaren esku dagoan Bidebarrieta Kulturgunean.
80ko hamarkadako ‘Justin Hiriart’ komiki albuma berrargitaratu dau Erein argitaletxeak, euskeraz
2015-11-17 13:20 Kulturea
1982 eta 1988 urteen artean egin zan Justin Hiriart, eta bost alek osotu eben, nahiz eta hareetatik hiru besterik ez ziran argitaratu album-formatuan. Orain, barriz, 30 urte baino gehiago pasau ostean, eta edizino zaindu batean, Erein argitaletxeak euskeraz eta gidoilariak sortutako Harriet Edicionesek gazteleraz edizino bakarrean argitaratu ditue.
Etxea eta etxekoak berbagai, Daniel Landarten liburu barrian
2015-11-17 11:53 Kulturea
Lehengo eta oraingo euskal idazleen testu bildumea da Etxea eta etxekoak euskal literaturan liburua. Euskaltzaleen Biltzarraren babesagaz argitaratu dau Daniel Landartek. Batez be, Ipar Euskal Herriko testuak sartu ditu, baina Hegoaldeko autoreenak be badagoz. Etxeak sortzen dituan gogoetak, positiboak zein negatiboak, dira liburuaren haria. Lana eskolarik eskola aurkezteko asmoa dauka Landartek.
\"Labayru Fundazioa\" deritxo erakundeari gaur egun, lehen \"Ikastegia\" zanari.
\"Gure bertsolariak\" antologia bat ahal da?
Santi Onaindiaren \"Euskal Literatura\" historia obra mardula be gogoan hartzekoa da.
Eta Larrako komentuan luzaroko urteetan eratu ohi zituan Lore Joko moduko literatura lehiaketak. Belaunaldi bat baino gehiagoren bultzagarri eta gogoangarri.
Erantzuna | Santiago Onaindia Bekearen XIII. edizinoko lan irabazlea aurkeztu dabe