'Alexander von Humboldt II' belaontzia bisitetako aukerea dago barikuan Bilbon
2015-09-18 10:13
Bilboko Itsasadarra Itsas Museora heldu da 'Alexander von Humboldt II' belaontzi alemaniarra egunotan. 'Belaontzi Handiak' programearen barruan ailegau da museora barku hori. Barikuan, hilak 18, ontzia barrutik ezagutzeko aukerea eukiko dabe herritarrek. 2011n eregitako belaontzia da, korbeta erakoa, eta Bremerhaven urian dauka basea, Alemania iparraldean. Nabigazino tradizionala bultzatzeko erabilten dabe.
Art After Dark saioak irailaren 25ean itzuliko dira Guggenheim Bilbao Museora
2015-09-17 18:03 Musikea
Art After Dark saioak irailaren 25ean itzuliko dira Guggenheim Bilbao Museora, Jonny White kanadarrak (Art Department) 00:00etatik aurrera eskainiko dauen kontzertuagaz. Aurretik, barriz, DJ Frontside eta Blackboard Jungle artistakaz be gozetako aukerea izango da.
Raisa Álavaren eta Ander Sagastiberriren 'Eta Carinae' erakusketeak ateak zabalduko ditu gaur
2015-09-17 15:25 Kulturea
Raisa Álavaren eta Ander Sagastiberriren Eta Carinae da Bizkaiko Batzar Nagusien eta Arte Eder Fakultadearen arteko erakusketa apustu barria, hori be, erakunde biek joan dan legealdian abiatu eben lankidetza programatik sortutakoa. Programa horren bitartez, EHUko talentu gazteek uriaren erdigunean lekua izango dabe euren sorkuntza lanak erakusteko.
'Linguae Vasconum Primitiae' liburuaren japonierazko bersinoa aurkeztu dabe
2015-09-17 14:47 Euskerea berbagai
Sho Hagio eta Hiromi Yoshida japoniar euskaldunduak arduratu dira euskerazko libururik zaharrena euren hizkuntzara itzultzeaz. Eusko Jaurlaritzako hizkuntza politikako sailburuorde Patxi Baztarrikaren eta Etxepare Institutuko Aizpea Goenagaren laguntzinoagaz aurkeztu dabe itzulpena Donostian. Linguae Vascomun Primitiae 1545ean argitaratu zan. Bernart Etxepareren lan hori euskeraz idatzitako lehenengo liburua da.
'Bilbo zinemaz blai' dokumental-zikloa, Euskal Museoan urriaren 15era arte
2015-09-17 14:13 Barriak
Bilboko historia nostalgiko eta sozialaren inguruko filmak proiektauko ditue, antolatzaileek azaldu dabenez. Lau saio egongo dira, irailaren 17 eta 24an eta urriaren 8an eta 15ean, danak eguenak. Bizkaiko Foru Aldundiagaz eta Bilboko Udalagaz batera, Euskal Museoak bultzatu dau ekimena eta bertako Bilboko Konsuladuaren Aretoan izango dira proiekzinoak. Doban izango da, leku guztiak bete arte.
Zinebi 57k 5.087 film labur jaso ditu, igaz baino 1.719 gehiago
2015-09-17 14:07 Barriak
Zinebi 57, Bilboko Dokumentalen eta Film Laburren Nazinoarteko Jaialdia zemendiaren 13tik 20ra izango da eta, lanak aurkezteko epea zarratuta, danetara, 5.087 film jaso ditu, 2014an baino 1.719 gehiago. Horreen guztien artetik aukeratuko dira Lehiaketako Sekzio Ofizialean lehiatuko diran filmak. Generoak fikzinoa, dokumentala eta animazinoa dira, antolakuntzeak gogorarazo dauenez.
Euskal kantu tradizionalak protagonista irailaren 26an, Bilbo Kantuan jaialdian
2015-09-17 13:29 Musikea
Abeslariak, jantzariak eta musikariak batuko dira hilaren 26an Bilboko Euskalduna Jauregian, Bizkaiko Foru Aldundiaren eta ETBren ekimen barrian. Euskal kantutegi tradizionaleko kantuak zabaldu eta danen artean kantetea da asmoa, euskal ondarearen parte horri bultzadea emoteko. Artista ezagunak egongo dira oholtzan, esate baterako Gatibuko Alex Sardui, Korrontziko Agus Barandiaran, Biotz Alai abesbatza, Andra Mari jantza taldea eta Bilboko Koral Alkarteko umeak.
'Wagner auziaz', musikagile alemaniararren ganeko liburua argitaratu dau Hedoi Etxartek
2015-09-17 12:41 Kulturea
Sarrera potoloan, besteak beste, ondokoa idatzi dau Hedoi Etxartek: Jesusen eta Napoleonen ostean, Richard Wagnerri (1813-1883) buruz idatzi da liburu gehien. Ez Hitler, ez De Gau-lle, ez Mao, ez Shakespeare, ez Cervantes, ezta Stalin be. Musikea da ikutu ezin dan, ikusi ezin dan eta berbarik ez dauen artea: barrenak bortitzen eta sotilen ikutzen dituana. Eta titan baten aurrean gagoz.
Disko barria zemendian plazaratu baino lehen kontzertu partidea iragarri dau Mikel Urdangarinek
2015-09-17 11:52 Musikea
Abendura bitartean, 11 kontzertu emongo ditu Mikel Urdangarinek. Irailaren 26an, Berrizen ekingo deutso udagoieneko eta neguko bireari eta abenduaren 19an, disko barria aurkeztuko dau zuzenean Getxon.
Bilboko Artelan Berreginen Museoko ikastaroetan izena emoteko epea zabaldu dabe
2015-09-17 10:22 kulturbiz
Marrazketako eta pinturako teknikak ikasteko prestakuntza-ikastaroak emoten ditu Berreginen Museoak. 2015-16 ikasturtean 125 plaza eskainiko ditue eta irailaren 29ra arteko epea dago izena emoteko. Arte Ederretako eta arkitektura arloko personentzat aproposak dira kursoak, baita marraztea gustuko dauen edozein zalerentzat be. Ikasturteak hiruhilekoka banatuta dagoz eta, beraz, parte-hartzaileek urte osoko kursoa egin ahal izango dabe edo zati bat.
'Herliebe', Politiko-Poetikoa proiektuaren talde-erakusketea aurkeztu dabe Bilbao Arten
2015-09-16 15:20 Kulturea
Zortzi artistaren lanak batzen dira erakusketa horretan. Urriaren 2ra arte ikusi ahal izango da Bilboko Urazurrutia kalean, Bilbao Arte fundazinoaren egoitzako Kristalezko Patioan. Politiko-Poetiko proiektua 2012an abiau eban artista talde batek, artelanen izakera politiko eta poetikoan arakatzeko asmoz. Joan diran hileotan egitasmo horren barruan artistek euki daben hartu-emonaren emoitzea ikusi ahal izango da Herliebe erakusketan.
Reala - Athletic partiduaren harian, VI. Bertso Derbia Donostian
2015-09-16 14:46 Bertsolaritzea
Datorren irailaren 27an Anoetan jokatuko dan Realaren eta Athleticen arteko derbiaren harian, egun horretan bertan, eguerdiko 12:30ean, Donostiako Antzoki Zaharrean bertso saioa izango da. Seigarren edizio honetan, Andoni Egaña, Amaia Agirre eta Amets Arzallusek hartuko dabe parte Realaren aldetik eta Jon Maia, Iratxe Ibarra eta Fredi Paiak Athleticen partetik.
‘Dantza Gurea’, Idurre Azkueren eta Joseba Irazokiren ikuskizun barria, Sopelan aurrestreinauko dabe
2015-09-16 14:02 Musikea
Dantza Gurea, Sopelako Kurtzio kultur etxean ikusi ahal izango da datorren zapatuan, irailaren 19an, 20:00etan. Sarrerak kultur etxean eskuratu daitekez, 3 euroan.
Literaturea, komikigintzea eta futbola bat eginda, 'Letrak eta futbola' jaialdiaren seigarren edizinoan
2015-09-16 13:42 jardunaldiak
Bizkaiko Foru Aldundiak, BBK Salak eta Athletic Club fundazinoak eratuta, zemendiaren 2tik 6ra egingo da 'Letrak eta futbola' jaialdiaren seigarren edizinoa Bilbon. Ohiko legez, ospe handiko sortzaileak konbidauko ditue, futbolagaz eta kirolagaz daukien hartu-emona azaldu daien. Jaialdirako beren-beregi sortutako komiki biren 20.000 ale banatuko ditue uriko kaleetan eta, lehenengo aldiz, Athletic Club de Lectura dalako ekimena martxan ipiniko dabe: Nahi daben herritarrek gustuko dituen liburuak irakurteko gomendioa egin ahal izango deutsie Athleticegaz lotutako zazpi personari.
Bizkaiko Txakolinaren 1.850.000 litro produziduko dira aurten
2015-09-16 12:56 Jan edanak
Bizkaiko Txakolina jatorri deiturako arduradunen arabera, mahats-batzea astebete aurreratuko da ohiko egutegiagaz alderatuz, eguraldia ezin hobea izan baita uda osoan eta batez be iraileko lehenengo egunetan, eta horrek mahatsa beste urteetan baino arinago heldutea ekarri dau.
Durangoko Azokeak Ikasle Egunean parte hartzeko epea edegiko dau irailaren 21ean
2015-09-16 11:30 Kulturea
Danetara, goizeko 10:30etik aurrera ikasleentzat beren-beregi antolatutako 25 saio baino gehiago egongo dira, azokako postuetako ohiko eskaintzaz gan. Ganera, lehen aldiz, Durangoko Udal Bibliotekeak be Ikasle Egunean parte hartuko dau, stop-motion tailer baten bidez; horri esker, Lehen Hezkuntzako ikasleek book-trailer bat egiten ikasiko dabe.
Funikularra izango da Bilboko Mobikortasun Asteko protagonista nagusia
2015-09-16 11:24
Irailaren 16tik 22ra egiten dabilz Europako Mobikortasunaren Astea, alde batetik bestera ibilteko modu jasangarriago baten alde. Herri eta eskualde askotan egitarau zabalak antolatu ditue. Bilbon, esate baterako, Artxandako funikularra ardatz hartuta ibiliko dira egunotan, garraiobide berezi horrek mendeurrena beteko dauela eta. Campo Volantin eta Castaños inguruan ekitaldi piloa eratu ditue, funikularraren beheko geltokia han inguruan dagoalako. Egitaraua 'Bilbon nire kotxe barik!' egunagaz biribilduko dabe, martitzenean.
Euskera eta Kultura sailaren politikearen helburua gizartean kohesino handiagoa izatea da
2015-09-16 10:35 kulturbiz
Diputaduak helburu horreek lortzeko gauzatuko diran ekimenak azaldu ditu: euskerearen ezagutzea bultzatzea personen arteko komunikazino-bideak ezarriz eta euskerea kanpotik datozenei helarazotea; euskerearen erabilerea sustatzea komunikazino-teknologia barrietan; gazteentzako ekintzak, produktuak eta ekimenak abiarazotea. Sailak bizkaierearen alde be egingo dau, euskera batuarentzat aberasgarria dalakoan.
Bilbo Uria pop-rock lehiaketako kontzertuak eguenean hasiko dira
2015-09-16 10:07 Musikea
Ohiko moduan, Bilborock aretoak hartuko ditu emonaldi guztiak. Irailean hasi eta zemendiko finalera arte, pop, rock eta joera barriak estiloetako musikea egiten daben talde gazteen mailea ezagutu ahal izango dabe zaleek; taldeek, aldiz, euren burua ezagutzera emoteko eta sariren bat lortzeko aukerea. Lehenengo kontzertua irailaren 17an, egunena, izango da, iluntzeko 20:00etan.
Igorreko Euskerearen Egunean euskal literaturea izango dabe ardatz
2015-09-15 18:11 Euskerea berbagai
Urriaren 19an egingo da Igorreko Euskerearen Eguna, Inbiu izenekoa. Euskerazko liburuak irakurteko zaletasuna bultzatzea izango da aurtengo helburuetako bat. Horretarako, nork bere etxean daukazan liburuak plazara atara eta trukea egiteko deia zabaldu dabe. Ginkanea antolatu dabe, hori be literaturearen inguruko gaiakaz. Ondo pasetako eta jan-edanetarako tartea be ez da faltauko.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...