Ahoskerearen inguruko jardunaldia egingo dau Euskaltzaindiak urriaren 23an Donostian
2015-10-14 10:20 Euskerea berbagai
Jardunaldiaren helburua ahoskerearen ganeko gogoetea egitea izango da. Euskera batuak ahoskera estandarrik behar ete dauen, euskalkiek ahozko batuaren alboan ze leku bete behar daben eta beste galdera asko ipiniko dira mahai ganean. Euskaltzaindiaren Ahoskera Batzordearen ekimenez antolatu da jardunaldia, urriaren 23an, eta batzorde horrek preparautako txostena aurkezteko be erabiliko da.
Durangoko Azokan boluntario izateko aukerea eukiko dabe herritarrek
2015-10-13 17:08 Kulturea
Lehenengo aldiz, nahi daben herritarrek boluntario lan egin ahal izango dabe Durangoko Azokan. Lan administratiboa, komunikazinokoa, teknikoa eta abar egin ahal izango dira, bakotxaren ezagutzen arabera. Herritarrei Durangoko Azokea barru-barrutik ezagutzeko aukerea emon nahi jake eta, bide batez, azokearen antolakuntzeari bultzadatxua emon. Urriaren 31ra arte emon leiteke izena.
Bilboko Guggenheim Museoak gazteentzako jarduerak antolatu ditu, 18. urteurrenean
2015-10-13 12:52
Hileon berton, 18 urte beteko ditu Bilboko Guggenheim Museoak. 1997ko urriaren 18an inaugurau zan Frank Gehryk diseinautako museoa eta, harrezkero, titaniozko eraikinak miloeka bisitariren arretea erakarri dau. Urteurrena ospatzeko, urrian ekitaldi ugari antolatu ditue Guggenheimen, bereziki gazteei zuzenduta. Street Art tailerra, muralak, proiekzinoak eta abar egongo dira.
Diasporako eta bertoko bertsolariak kantuan, eguaztenean Villabonan
2015-10-13 11:58 Bertsolaritzea
Saio berezia eratu dabe urriaren 14an Villabonako Subijana Etxean, Bertsozale Elkartearen eta Mintzola fundazinoaren egoitzan. Izan be, Maialen Lujanbio eta Andoni Egañagaz batera, Martin Goicoetchea eta Johnny Curutchet Amerikako euskaldunak be oholtzan egongo dira. Holan, diasporako bertsolariakaz hartu-emona estutu ahal izango da. Egunotan, beste hainbat jardueratan be parte hartzen dabilz ordezkari euskal-amerikarrak.
González Sinde zuzendariak jasoko dau Simone de Beauvoir saria XX. Zinemakumeak jaialdian
2015-10-13 11:11 Barriak
Emakume zuzendarien Zinemakumeak gara! jaialdiaren XX. edizinoa gaur, urriaren 13an hasi eta 17ra bitartean izango dogu Bilboko BBK Salan. Mundu osoan sariak jaso dituen film luze eta laburren erakustaldiak, mahai-inguruak eta omenaldiak be ez dira faltako.
Bizkaiko zazpi museo bisitetako aukerea emoten dau Bost Txartelak
2015-10-13 10:42 Kulturea
Bizkaiko Foru Aldundiak atara dau Bost Txartela, zazpi museo eta erakusketa-areto bi nahi beste bidar erabilteko aukerea emoteko. Kanpainea orain hasi dabe eta txartelak zezeilera arte erabili ahal izango dira. Honeek dira museoak: Bilboko Arkeologi Museoa, Muskizeko El Pobal burdinolea, Balmasedako La Encartada fabrika-museoa, Gernikako Euskal Herria museoa, Bermeoko Arrantzaleen museoa, Kortezubiko Santimamiñe kobazuloa eta Bakioko Txakolingunea. Ondare eta Rekalde aretoetarako be balio dau.
Felix Zubia eta Jokin Uranga zuzenean final laurenetara
2015-10-13 10:14 Bertsolaritzea
Arrasaten eta Andoainen jokatu dira astegoienean Gipuzkoako Bertsolari Txapelketako azken final zortzirenak. Felix Zubiak irabazi dau Arrasatekoa eta Jokin Urangak Andoaingo saio; biak zuzenean sailkatu dira final laurenetarako. Astegoien bateko atsedenaldia hartuta, urriaren 24an hasiko dira final laurenetako saioak Urretxu-Zumarragan eta zemendiaren 8an amaituko, Eskoriatzan.
Federico Leon, Cecilia Bengolea edo Txileko Teatro Errante Konpainia lako nazinoarteko artistak XVII. Bad Jaialdian
2015-10-09 15:31 Kulturea
Bilboko Udalak antolatutako jaialdia urriaren 21ean hasi eta zemendiaren 1era arte izango da, dagoeneko ohikoak diran BilbaoArte, La Merced, Errekalde Aretoa, La Fundición, Muelle 3, Bilborock eta Garabia Zawp eszenatokietan. BAD-ek hogei konpainia ingururen azken lanak ekarriko ditu Bilbora, horreen artean erabateko zortzi estreinaldi eta Euskadin lehen aldiz ikusi ahal izango diran lau lan.
Leioako Umore Azokarako proposamen artistikoak bialtzeko epea zabaldu dabe
2015-10-09 15:29 Kulturea
Maiatzean egingo da, urtero legez, Leioako Umore Azokea, kale antzerkiari eta aire zabaleko arte eszenikoei eskainitako hitzordua. 2016ko ekitaldian parte hartu nahi daben konpainiek izena emon leikee, zemendiaren 15era bitartean. Ondoren, zuzendaritzeak aukeraketea egingo dau, maiatzean Leioan izango diran obrak zeintzuk izango diran erabagiteko.
Juan Jose Alvarezek urriaren 13an jasoko dau Eusko Ikaskuntza-Laboral Kutxa saria
2015-10-09 12:53 Kulturea
Juan Jose Alvarez Euskal Herriko Unibersidadeko (EHU) Nazinoarteko Zuzenbide Pribatuko katedradunak datorren martitzenean, urriaren 13an, jasoko dau Eusko Ikaskuntza - Laboral Kutxa - Humanidade, Kultura, Arteak eta Gizarte Zientzien 2015eko saria.
Unibersidade arteko euskerazko IV. eztabaida ligea martxan
2015-10-09 10:37 jardunaldiak
Barikuan, urriak 9, goizeko 9:00etan hasita, abian jarriko da unibersidade arteko euskerazko IV. eztabaida ligea. Aurreko saioak Euskal Herriko Unibersidadearen Letren Fakultatean egingo dira eta finala, barriz, Euskal Parlamentuaren egoitzan.
Bermistorian egingo dabe urriaren 15etik 18ra
2015-10-09 10:29
Antxinako sasoietara salto egingo dau Bermeok Bermistorian jardunaldien 11. ekitaldian. Bermeoko Udalak aurreratu dauenez, berbaldi bategaz hasiko da egitaraua, urriaren 15ean, eguena, eta asteburuan Erdi Aroko azokea egongo da herriko kaleetan. Animazinoa, tailerrak eta jolasak be egongo dira, urriaren 18ra arte. Zapatuan mozorrotuta joateko eskatu deutsie bermeotar eta bisitari guztiei.
Joshua Edelman eta Ledian Molaren emonaldiagaz hasiko da barikuan Bilbon 'Poltsiko Musika' egitasmoa
2015-10-08 18:17 Musikea
New Yorkeko eta Habanako erritmoak buztartzen dituan Joshua Edelmanenen eta Ledian Molaren doinuakaz hasiko da Poltsiko Musika egitasmoa Bilbon bariku honetan, urriaren 9an. Bilboko Udalak antolatutako zikloaren hamaikagarren edizinoa da, eta hainbat herrialdetako musika jokerak erakustea da bere helburua, bertako taldeen edo Bilbon bizi diran kanpoko musikarien eskutik, formatu txikiko kontzertuen bitartez.
Bertsolaritzaren ikerketea bultzatzeko proiektu-sariak emon ditu Mintzola Fundazinoak
2015-10-08 17:17 Bertsolaritzea
Mikel Laboa katedreagaz batera antolatzen dau deialdia Mintzola Fundazinoak, bertsolaritzearen inguruko ikerketea bultzatzeko. Hiru sari emon ditue eta, holan, beste horrenbeste ikerlan egin ahal izango dira. Irudia, umeen sormen prozesuak eta denporan bertsoaren saltoa, horreexek proiektu bakotxeko gai nagusiak. Deialdi honetako ikerketa-kontratua, ostera, emon barik geratu da.
Svetlana Aleksievitx bielorrusiarrak irabazi dau Literaturako Nobel Saria
2015-10-08 15:36 sariak-autortzak
Idazlea ez eze, kazetaria be bada Aleksievitx. Hatan be, kazetaritza-erreportajearen generoan bielorrusiarrak egin dauen lana saritu nahi izan dau Suediako Akademiak. Sobietar Batasuneko gaiak, Txernobileko istripu nuklearra, gatazkak eta abar jorratu ditu 67 urteko Aleksievitxek.
41 film lehiatuko dira Lekeitioko Euskal Zine Bileran
2015-10-08 15:22 Barriak
Lekeitioko Udalak antolatu eta euskera hutsean egiten dan EZB, zine bilera bakarraren 38. edizinoa da aurtengoa eta zemendiaren 22tik 29ra bitartean egingo da. Euskaraz filmau danaren errepasoa egiteko hitzorduann, 41 film lehiatuko dira aurten; horreetatik, 10 lan profesional eta 31 lan amateur.
Zinebik Aki Kaurismäki zinemagile finlandiarrari emongo deutso Ohorezko Mikeldia
2015-10-08 14:01 Barriak
57. edizinoa zemendiaren 13tik 20ra ospatuko dauen Bilboko Dokumentalen eta Film Laburren Nazinoarteko Jaialdiak (Zinebi) Aki Kaurismäki zinemagile finlandiarrari emongo deutso aurtengo bigarren Ohorezko Mikeldia, bere filmografia osoan erakusten jakin izan dauen oso estilo personala autortuz, bere irudietako bakotxari emoten deutson esanahi etiko eta estetiko sakonagaitik eta bere giza izakerearen azterketeak erakutsi dauen izaera lokal eta unibersalagaitik.
Gernika Bataloiaren historia argitara ekarri dauen dokumentala estreinau dabe
2015-10-08 10:16
2. Mundu Gerrearen azkenengo hileetan parte hartu eban Gernika Bataloiak eta Pariseko agintarien errekonozimendua lortu eben euskal gudariek modu horretara. Gerrea amaituta, baina, gobernu indartsuenek ahaztu egin eben bataloiaren ekarpena eta haren gomutea ezkutuan geratu zan. Gernika bataloia, askatasunaren ametsa dokumentalean sasoi haretan jazotakoa erakusten da.
250 buruko artaldea helduko da Algortara 80. hamarkadara arte iraun eban transhumantzia gogoratuz
2015-10-07 18:42
Datorren astelehenean, urriaren 12an, helduko da Algortara 250 buru inguruko artaldea, Gipuzkoako Zegamatik, bihar, urriak 8, urten eta lau eguneko ibilbidea bete ondoren, Mikel Etxezarreta artzainak gidatuta, Euskal Herrian, eta zehatz, gure eskualdean 80ko hamarkadara arte iraun eban transhumantzia gogoratuz.
Azkuna Zentroak 'Zergatik ez Judy Chicago' erakusketea aurkeztu dau
2015-10-07 17:22 Kulturea
Erakusketeak ikus-ibilbide bat proponiduten dau arte feministearen aitzindarietako baten lanean barrena, 50 urtean sortu dituan obren eta dokumentuen sailkapen baten bitartez.
Judy Chicago praktika eta teoria artistikoan sartzea lortu eban emakumeen lehenengo belaunaldiaren zati da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...