IV. Zinexit zikloak zinemea eta alkarrizketak antolatu ditu Bilbon indarkeria eta biktimak ardatz hartuta
2013-10-18 16:42 Barriak
Laugarren urtez jarraian, heziketarako eta sozializazinorako tresna legez aldarrikatuko da zinemea ziklo honetan, eta era berean, euskal gizartean bakearen kulturea sustatu nahi da. Eusko Jaurlaritzako Biktima eta Giza Eskubideen Zuzendaritzeak antolatutako Zinexit zikloa, urriaren 21etik 24ra izango da Bilboko Golem Alondiga zinema aretoetan.
Berri Txarrak, Gatibu, Su Ta Gar, Gose, Bide Ertzean eta Kepa Junkera, EH Sona jaialdian
2013-10-18 14:33 Musikea
Badator Euskal Herria Sona jaialdiaren 16. edizinoa. Eta etorri be kartel ederragaz dator: Berri Txarrak, Gatibu, Su Ta Gar, Gose, Bide Ertzean, Kokein, Sexty Sexers, Korrontzi edo Kepa Junkera, besteak beste. Urriaren 25ean abiatuko da jaialdia, Euskal Herriko mugetatik kanpo egiten dan musika programazino handiena.
Kalean da 'Geure kolkotik 2013' diskoa
2013-10-18 12:37 Musikea
Saioa Lizarralde, Zabaleta, Ander Malbadi, Alaitz Telletxea eta Imuntzo soinujoleen pieza barriak batu ditu Euskal Herriko Trikitixa Elkarteak Geure kolkotik 2013 diskoan. Soinu txikia eta perkusinoekaz osotutako hiruna kanta sortu ditue trikitilariek.
Tuterako Argia ikastoleak dana prest dauka domekarako
2013-10-18 11:51 Euskerea berbagai
Tuterako Argia Ikastolan dana prest dago domekarrako, Nafarroa Oinez jairako. Taupadaz bat egin lelopean, 100.000 lagun jasotea espero dabe antolatzaileek. Ikastolearean etorkizuna hilaren 20ko jaiaren arrakastearen araberakoa izango da neurri handi baten, ekimenaren arduradunek eurek adierazo dabenez.
Guggenheimera sartzea dobakoa izango da astegoienean eta lehen 3.000 bisitariek Puppyren zatitxu bat eroango dabe
2013-10-18 10:31
Guggenheim Bilbao Museoaren hamaseigarren urteurrena beteko da zapatuan, urriaren 19an, eta beste urte batez, herritarrei babesa eta aintzatespena eskertu gura deutse, astegoienean dobako sarrerea eskainiz. Gainera, Jeff Koonsen Puppyren zatitxu bat jasoko dabe lehen 3.000 bisitariek opari moduan.
Arrate Illaro eta Jon Sarasua Sardinian
2013-10-17 17:42 Bertsolaritzea
Paulu Zedda Sardiniako inprobisatzaileak antolatu dau Sardiniako topaketea eta bertan Sardiniako kantu inprobisatuari buruzko berbaldiak eta saioak antolatu ditue eta kanpoko konbidatu lez Euskal Herriko ordezkaritzea hautatu dabe.
VI. Halloween Metal Fest jaialdia zemendiaren 2an izango da, Bermeoko Kafe Antzokian
2013-10-17 12:27 Musikea
Halloween Metal Fest jaialdiaren seigarren edizinoa zemendiaren 2an izango da, Bermeoko Kafe Antzokian. Skunk D.F. madrildarra da karteleko talde nagusia, eta haregaz batera joko dabe Somas Cure, Kudai eta Dark Code euskal taldeak.
hóPlay Lehiaketeak 12 herrialdetako 111 bideo joko batuko ditu Bilboko Alondigan
2013-10-17 11:42 kulturbiz
hóPLAY Bideo Joko Independenteen Nazinoarteko Lehiaketearen laugarren edizinoa egingo da Bilboko Alondigan. Aurten, 111 jokok parte hartuko dabe, aurreko edizinoan 71 izan ziran bitartean, 12 herrialdetatik helduta: Alemania, Argentina, Australia, Belgika, Kanada, Danimarka, Espainia, Ekuador, Holanda, Mexiko, Singapur eta AEB.
Durangoko Azokeak ikasleentzako eguna izango dau aurten
2013-10-17 11:21 Kulturea
Aurtengo nobedadeetakoa izango da, Durangoko Azokeak Ikasleen Eguna izango dau aurten, 48. edizinoak. Azokako lehenengo egunean, abenduaren 5ean, izango dira protagonista ikasleak. Laneguna da, eta ikastetxeei azokara joateko konbitea luzatu deutsie antolatzaileek. Egitarau zabala atondu dabela aurreratu dabe, gune bakotxak eskaintza berezitua izango dau eta.
IV. Euskara Sarirako hautagaiak aurkezteko epea zemendiaren 1era arte zabalik
2013-10-16 18:06 Euskerea berbagai
Getxoko Udalak Argia Ereiten Getxoko Euskara Sariaren laugarren edizinoa jarri dau martxan, euskerearen gizarte erabilerea babestu, sustatu edo zabaltzeko zereginetan nabarmendu diran erakunde, alkarte edo persona fisiko nahiz juridikoak goraipatzeko helburuagaz. Proposamenak aurkezteko epea datorren zemendiaren 1era arte egongo da zabalik.
Clara Sanchez idazle madrildarrak irabazi dau Planeta Saria, 'El cielo ha vuelto' lanagaitik
2013-10-16 15:15 sariak-autortzak
Espainiako Planeta Sari ezagunen irabazi dau Clara Sanchez idazle madrildarrak, El cielo ha vuelto lanagaitik. 601.000 euroko diru-saria jasoko dau 66. edizino honetako egilerik onenak. Angeles Gonzalez-Sinde Kultura ministroa izandakoa finalistea izan da.
Aritz Mutiozabalek 'Gorren dantzalekua' bere lehenego olerki liburua plazaratu dau
2013-10-16 13:10 Kulturea
Barrukoak hutsituz atondu dau Aritz Mutiozabalek bere lehenengo poesia liburua dan Gorren dantzalekua lana. Urte bi eta erdian idatzitako ehun bat poema batu ditu zarauztarrak liburuan. Maiatz argitaletxeak kaleratu dau.
'Aitzol, Euskal Pizkundearen heriotza' dokumentala gaur estreinauko da Donostian
2013-10-16 10:51 Barriak
Jose Ariztimuño Aitzol (Tolosa, 1896 - Hernani, 1936) omenduko dabe gaur, eguaztena, hilak 16, Donostiako Antzoki Zaharrean, eta omenaldian, Aranzadi Zientzia Elkarteak produzidu dauen Aitzol, Euskal Pizkundearen heriotza izeneko dokumentala estreinauko da.
Euskaltzaindiak eta Euskararen Erakunde Publikoak alkarregaz egin beharreko lanak zehaztu ditue
2013-10-15 18:03 Euskerea berbagai
Euskararen Erakunde Publikoak (EEP) eta Euskaltzaindiak erakunde bien arteko lankidetza-hitzarmena sinatu dabe Baionan, Euskaltzaindiaren ordezkaritzan. EEPren izenean Frantxua Maitia presidenteak sinatu dau, eta Euskaltzaindiarenean, Andres Urrutia euskaltzainburuak.
Zinebi 55ek Agustin Diaz Yanes eta Manuel Gutierrez Aragoni emongo deutsez Ohorezko Mikeldi Sariak
2013-10-15 15:49 Barriak
Zemendiaren 15etik 22ra ospatuko dan Bilboko Zine Dokumental eta Film Laburren Nazinoarteko Zinemaldiak (Zinebi 55), bere sari berezienak, Ohorezko Mikeldi Sariak, zine munduan ibilbide luzea eta azpimarragarria egin daben bi zuzendariri emongo deutsez aurten: Agustín Díaz Yanes eta Manuel Gutiérrez Aragón zinemagileei.
Iñigo Kortazar eta Xabier Aranburuk dorsal bana irabazi dabe II. Gorbeia Suzieneko martxan parte hartzeko
2013-10-15 14:14
Euskal Herriko Txapelketarako puntuagarria dan II. Gorbeia Suzien mendi lasterketea eta martxea urriaren 19an izango dira Zeanurin. Lasterketarako egozan 475 dorsalak amaitu dira baina martxan parte hartu gura izan ezkero, oraindino badago aukerea. Bihar, hilak 16, eguaztena, azken eguna izango da on line izena emoteko baina martxa egunean bertan be egin ahal izango da, lekua badago behintzat.
2014ko Ibilaldiko kantea sortzeko lehiaketea abian da
2013-10-15 13:00 Euskerea berbagai
Gernikako Seber Altube Ikastoleak antolatuko dau 2014ko Ibilaldia jaia, eta daborduko beharrean dabilz. Hasteko, Ibilaldiaren abestia sortzeko lehiaketea martxan ipini barri dabe. Kantea aurkezteko azkenengo eguna zemendiaren 23a da.
Kirolak eta euskereak bat egingo dabe Bilbon ikasturte honetan
2013-10-15 12:13 Euskerea berbagai
Kirolaren arloa oinarritzat hartuta, Bilboko Udaleko Euskera, Gazteria eta Kirol Sailak, Bizkaiko Gurasoen Elkarteak (BIGE) eta Itzarri Consulting enpreseak ekimen barri bi ipiniko ditue laster martxan euskerearen normalizazinoaren bidean aurrera egiteko asmoz.
Bizkaiko Txakolin gitxiago baina hobea eukiko dogu aurten
2013-10-14 15:20 Jan edanak
Bizkaiko Txakolin barriaren uztea orain egun batzuk hasi zan, mahats goiztiarrakaz, eta orain bete-betean dago. Bizkaiko Txakolina Jatorri Deiturako Kontseilu Arautzailearen iragarpenaren arabera, txakolin gitxiago baina kalidade handikoa egongo da.
Euskerea geldi-geldika aurrera egiten doa Ezkerraldean, Meatzaldean eta Enkarterrin
2013-10-14 14:23 Euskerea berbagai
Herritarren eta instituzinoen borondateari eta ahaleginari esker, euskerea orduan galdutako eremua berreskuratzen dago. Bizibarritze hori hizkuntzearen beraren biziraupena bermatzen ari da; hain zuzen be, horixe da mintegi honen antolatzaileek espero dabena, hau da, etorkizunerako jokerea horixe izatea.
Sarrera behar da? Aurretik erosi behar da?
»» 'Erbestez erbeste', bertso saio literarioa