Bizkaie!

Neguan Flamenco. MERCEDES LUJAN

2023/12/28 20:30

Bilboko Campos Eliseos Antzokiko Cupula aretoan. |Jantzea

Neguan Flamenco. CAROLINA LA CHISPA

2023/12/14 20:30

Bilboko Campos Eliseos Antzokiko Cupula aretoan. |Jantzea

Bortzirietako hizkuntza aniztasuna eta migratzaileen euskeareagazko jarrerak aztergai

Bizkaie! 2023-12-13 12:40 Euskerea berbagai

Pello Apezetxea Zubiri ikerketa bekearen 2. edizinoan.

'Artea eta feminismoa'

Bizkaie! 2023-12-13 11:18 Kulturea

Emakumeek artean eta erakundeetan daben rolari buruzko hausnarketea Bilbon.

'Hizkuntza Politikea Barritzen'

2023/12/21 09:30

Bilbon, Sabino Arana Fundazinoaren egoitzan (Mandobide, 6- Hirugarren pisua). |Musikea

AROA euskerea indarbarritzeko eta euskaldunok ahaldunduteko marko estrategikoa eta Euskerearen Gogoetagunea egitasmoa aurkeztuko dira.

Aroa garagarrilean aurkeztu eban Eusko Jaurlaritzeak lehenengoz, Gasteizen, eta hamarkada baterako euskerearen marko estrategikoa izango danaren berezitasunak emon zituan jentaurean.

Jaurlaritzako Euskerearen Aholku Batzordearen eskutik dator Aroa eta Euskerea Sustatzeko Ekintza Planaren (ESEP) ondorengo egitasmoa litzateke. Euskerearen Gogoetagunea, barriz, 2022ko zemendian aurkeztu eban Euskaltzaindiak eta euskerearen etorkizun-ikuspegia landu eta arnas luzeko estrategiak eta adostasunak marrazteko asmoa dau.

Miren Dobaran Hizkuntza Politikarako sailburuordeak eta Iñaki Martinez de Luna euskaltzain urgazle eta Aroaren zuzendariak azalduko ditue marko estrategikoaren nondik-norakoak eta Jon Sarasua euskaltzain urgazleak aletuko ditu Euskerearen Gogoetagunearen ardatzak eta orain arte aurkeztutako ponentziak.

Jardunaldia mahai-inguru batek zarratuko dau eta bertan parte hartuko dabe Idurre Eskisabel Euskalgintzearen Kontseiluko idazkari nagusiak, Iñaki Martinez de Lunak, Irati Iciar Euskaltzaleen Topaguneko buruak eta Gonzalo Larruzea Didaktika eta Eskola Antolakuntzako doktoreak. Gotzon Hermosilla Berria egunkariko kazetariak gidatuko dau barriketaldia.

Euskaltzaindiak eta Sabino Arana Fundazinoak atondutako jardunaldia da.

Gabonetako Soinuak 2023

2023/12/16 19:00

Bilboko Euskalduna Jauregian. |Musikea

Soinurik berezienak bueltan dira gure ohiko Gabonetako Soinuak ekimenari esker. 14. edizino honetan, Gaudeamus eta Kantika abesbatzak gure Umeen Koruagaz eta Eskolan Kantari-ko koralistakaz batuko dira barriro. Musikaz eta ilusinoz betetako ikuskizuna, familiagaz batera gozetako ezin hobea, txikiak jai-doinuakaz liluratu eta helduak Gabonetako espirituansartuko dituana.

Sarrerak 15 euroan dagoz salgai hemen.

Zu non han DA!. Miriam Luki idazleak, 'Argialdiak' (Susa) ipuin bildumea aurkeztuko dau.

2023/12/13 18:30

Getxon, Areetako Casal liburu dendan. |Aurkezpenak

Mikel Ayerbegaz barriketaldia egingo dau Miriam Luki idazleak, Argialdiak (Susa) ipuin bildumea aurkezteko. Haren lehenengo liburuan, maitale, lagun, senide zein klase arteko hartu-emonen ertzak jorratu ditu.

Zu non, han DA!. 'Barraskiloek baino bat gehiago'. ANE LABAKA

2023/12/13 18:30

Lekeitioko Aralde Berri Kultur Etxean. |Aurkezpenak

Barraskiloek baino bat gehiago (Erein) liburua aurkeztuko dau Ane Labaka idazle eta bertsolariak. Gainera, beragaz batera Miren Agur Meabe idazlea egongo da, bien artean barriketaldia egiteko. 10-11 urteko neskato baten gorputzetik idatzi dau liburua gurasoek banandu egingo dirala esaten deutsen momentua hartu dau abiapuntutzat. Holan, familia ereduez eta maitatzeko moduez gogoeta egiteko aukerea eskainiko deusku.

Zu non, han DA!. ‘Artxipelagoa’ komikia aurkeztuko dabe Xabier Etxeberriak eta Alex Sanvik

2023/12/13 18:30

Barakaldoko El Rincón del Papel liburu dendan. |Aurkezpenak

Xabier Etxeberria eta Martin Etxeberria idazleek eta Alex Sanvi ilustratzaileak Artxipelagoa (Elkar) komikia kaleratu dabeute aurten, podcast baterako jaio zan istorioa liburura eroanda. 2103an, tsunami baten eraginez, herrialde gehienak urpean geratuko dira, eta konkista saiakerak izango dira. Jare, ezkutuko botereak dituan Euskal Artxipelagoko neska gaztea, oreka zaharrak hausi eta aliantza barriak sortu guran dabilen konplot arriskutsu batean sartuko da ezustean.