Future Shorts film laburren jaialdiaren emonaldia egongo da gaur Bilbao Arten
2015-08-05 10:09 Barriak
Urteko sasoi guztietan egiten dan zikloa da Future Shorts eta, gaur, 2015eko udeari jagokon proiekzinoa egingo da Bilbon, arratsaldeko 19:00etan. Ordu eta erdi inguruko saioa izango da eta film labur ugari ikusteko aukerea egongo da tarte horretan. Ondo errotutako jaialdia da honako hau, izan be, Bilbon ez eze, mundu zabaleko 90 herrialdetako 150 uritan egoten dira proiekzinoak.
Zeledonen jatsiereagaz hasiko dira Gasteizko jaiak
2015-08-04 11:18
Andra Maria Zuriaren jaietako egitaraua bete-beteta dago gaur, martitzena, goizean goizetik hasita. Dana dala, jaien hasiera ofiziala, tradizinoak agintzen dauen legez, arratsaldean izango da, Zeledonen jatsiereagaz. Arratsaldeko seiretan izango da gasteiztar guztiek urte guztian itxaron daben ekitaldi hori. Txupinazoa be botako dabe, Zeledonen etorrereagaz batera. Abuztuaren 9ra arte izango dira aurten Arabako uriburuko jaiak.
Antxina limonadea egiteko erabilten ziran teknikak erakutsiko ditu Arkeologi Museoak abuztuaren 5ean
2015-08-03 12:05 Jan edanak
Jardunaldi berezi horretara bertaratzen diranek, izozkailuak asmau aurreko sasoietara salto egingo dabe. Edariak fresko manteniduteko erabilten ziran teknikak, edur-zuloak adibidez, erakutsiko ditue Bilboko Arkeologi Museoan. Limonadea zelan egiten zan erakutsiko dabe eta edari hori probetako aukerea be egongo da. Jarduerea dobakoa dan arren, aurretik izena emon behar da, plaza mugatuak dagozalako.
Alvaro Arrizabalaga: 'Esango neuke Lezetxiki ezagunagoa dala Euskal Herritik kanpo berton baino'
2015-08-03 10:05 Barriketan
Arkeologoa. Lezetxiki kobazuloko indusketetako zuzendaria
Euskal kulturea Washingtoneko Munduko Jaialdian egongo da 2016an
2015-07-28 14:24 Euskaldunak munduan
Unai Rementeria Ahaldun Nagusiak, Bizkaiko Foru Aldundiaren ordezkari legez, eta AEBko uriburuko Smithsonian Fundazinoak hitzarmena sinatu dabe, Washingtonen bertan. Holan, Bizkaia eta Euskal Herria, bereziki euskal kulturea, fundazino horrek datorren urtean antolatuko dauen Folklive Festival nazinoarteko jaialdian egongo dira. Smithsonian Fundazinoak dino, euskal kultureagaz daukien interesak oinarri historikoa daukala, baina etorkizunera begirako hartu-emona sortu nahi dabela.
Boise, euskal diasporearen topagune
2015-07-28 10:13 Euskaldunak munduan
Garagarrilaren 28tik abuztuaren 2ra, Boise euskal kulturearen uriburu bihurtuko da, bost urtean behin ospatzen dan Jaialdiari esker. Idahon bertan edo Estadu Batuetan bizi diran euskaldunek eta hareen ondorengoek alkarregaz egoteko aukerea eukiko dabe, baita diasporan bizi diran beste euskaldun askok be. Hori gitxi balitz, Euskal Herritik be, batez be Bizkaitik, jente piloa joan da aurten Boisera, Jaialdia ezagutu eta hango euskaldunakaz egoteko. Ekitaldi ugari egongo dira egunotan, beraz, Mendebalde Urruneko uri haretan.
Zeanurin, San Justoko karobia barriro biztuko dabe, abuztuaren 1ean
2015-07-27 11:44 kulturbiz
Juan eta Julian Aranaren zuzendaritzapean isiotuko dabe San Justoko karobia abuztuaren 1ean, zapatuan, goizeko 11:00etan. Domeka eguerdirantz, kare bizia ataraten hasiko da labe-ahoa. Orain dala hogei urte berreskuratu eban Ipizki Taldeak 1950etik bertan behera itxita eta hondatuta egoan San Justoko karobia, eta ordutik hona, hutsik egin barik, urtero, abuztuaren lehenengo asteburuan martxan ipinten dabe.
Ramon Piñeiro eta Koldo Mitxelena gogoan izango ditue irailean, EHUko Udako Ikastaroetan
2015-07-27 11:08 Euskerea berbagai
'Euskararen eta gainerakoen tokia hizkuntza aniztasunean, Koldo Mitxelenaren eta Ramon Piñeiroren ekarpenen harira' izenburupean, mintegia egingo dabe Donostiako Miramar Jauregian, irailaren 1ean eta 2an. EHUko Udako Ikastaroen egitarauan sartzen da. Mitxelena eta Piñeiro hizkuntzalarien jaiotzearen mendeurrena dala eta, omenaldia egin nahi deutsie mintegi horregaz.
Lara Izagirreren lehenengo film luzea Donostiako Zinemaldian aurkeztuko da
2015-07-24 14:24 Barriak
Euskal Zinemaren Galan, irailaren 21ean, proiektauko da lehenengo aldiz 'Un otoño sin Berlin' pelikulea. Lara Izagirre Zornotzako zinegile gazteak zuzendutako lehenengo film luzea da hori. Zinemira sailaren barruan programauko dabe eta Irizar saria irabazteko hautagai izango da Izagirreren obrea.
Kontzertu piloa gaur Donostian, Jazzaldiko hirugarren egunean
2015-07-24 10:18 Musikea
Indar betean dator gaur, barikua, Donostiako Jazzaldia, eguneko programea kontzertu piloagaz beteta. Jamie Cullumek azkanengo emonaldia eskainiko dau aurtengoz, Iñaki Salvador Quartetegaz oraingoan (sarrerak agortu egin dira). Javier Araña, Benny Golson Quartet, Julia Biel, Sky Beats eta beste asko be izango dira gaur jazz jaialdian.
Asier Altunaren 'Amama' filma Donostiako Zinemaldiko sail ofizialean egongo da
2015-07-23 13:43 Barriak
Euskeraz egindako zinemagintzeak albiste ona jaso dau gaur Madrilen: Aurtengo Donostiako Zinemaldian egongo diran zinegile espainiarren aurkezpenean, 'Amama' filmak sail ofizialean lekua eukiko dauela aurreratu dabe. Asier Altunak aurten bertan, udabarrian, estreinau dau film hori.
Umorezko Literaturearen eta Artearen Bilboko jaialdiak Fernando Trueba zinegilea omenduko dau aurten
2015-07-23 12:38 jardunaldiak
Urriaren 1etik 12ra egingo dabe topaketea, Bizkaiko uriburuan. Umorezko Literaturearen eta Artearen Nazinoarteko Jaialdiak, bere seigarren ekitaldi honetan, Ja! Bilbao izena hartuko dau. Ohiko moduan, umoreak literaturan eta artean daukan lekua aztertu eta gogoetea egiteko jaialdia izango da, beti irribarrea ezpanetan. Fernado Trueba zuzendari espainiarrak jasoko dau aurtengo saria, antolatzaileen ustez bere ibilbide profesionalean umoreak leku handia hartu dauelako. Era berean, Mafalda personajeari buruzko erakusketea ipiniko dabe.
Txinako bost hotel konpainia, hostalak baino hobeak
2015-07-23 11:15 Bidaide
Txinak pagotxa izateari itxi deutso. Euroaren beherakadeak, bertako txanponaren -yuan-aren- etenbako gorakadeak eta hazkunde ekonomikoak dakarren inflazinoak, nabarmen garestitu ditu Asiako erraldoian zeharreko biajeak. Danak ez dira albiste txarrak, baina. Azkanengo hamarkadan, 'low cost' hotelen konpainiak be ugaritu egin dira, lehenengo uri handietan eta, orain, ia herrialde guztian. 'Ona, polita, merkea' filosofiak gidatutako bost frankizia garrantzitsuenak aztertu ditu Zigor Aldamak.
Ibai Leon artistearen erakusketea egongo da Bilboko Rekalde aretoan irailera arte, Barriek programearen barruan
2015-07-22 15:29 Kulturea
Bilboko Rekalde Aretoak Ibai Leon artista bermeotarraren erakusketea dakar oraingoan. Kabinete Abstraktuan, datorren irailaren 20 arte ikusgai egongo da, Barriek 2015 programearen barruan. Programa horren bidez, ezagutzera emoten dira Bizkaiko Foru Aldundiak sorkuntza artistikorako emoten dituan bekak jaso dituen artista gazteen lanak.
Gazte solidarioentzako etxebizitza-programea barriro dago martxan Bilbon
2015-07-22 13:07
Bilboko Udalaren menpeko Udal Etxebizitzak erakundeak eta Euskal Herriko Unibertsitateak programa horri berrekin deutsie eta dagoeneko seigarrenez egingo dabe. Bilboko udal etxebizitza batzuk prezio benetan merkean alokatuko deutsez nahi daben gazteei eta, honeek, auzoetako dinamizazinoan eta ekintza solidarioetan lagundu beharko dabe. Guztira, 45 plaza dagoz, etxebizitza partekatuan.
Hora 13 talde bizkaitarrak lehenengo diskoa argitaratu dau
2015-07-22 10:33 Musikea
'Anocheció' izeneko lana da taldearen lehenengo disko luzea. Taldekideek azaldu dabenez, definiduten gatxa da bertan batu daben musikea. Euren esentzia eta kolorea ipinten ahalegindu dira. Hora 13 taldearen izenari erreferentzia eginaz, erlojuari bueltea emon eta denporea geratzea da euren asmoa, entzulea atrapetako.
Errusia eta Hego Afrikako taldeak, Galdakaoko Folklore Bizian jaialdian, hilaren 24ra arte
2015-07-21 12:48 Kulturea
Andra Mari jantza taldeak, Galdakaoko Udalagaz batera, antolatzen dau urtero Folklore Bizian. Gaurtik hilaren 24ra arte, bertoko eta mundu zabaleko jantzak eta ohiturak eroango ditue herriko kaleetara. Hego Afrikako eta Errusiako talde bana konbidau ditue aurtengo edizinora.
Jamie Cullum ospetsua DJ lanean, Donostiako Jazzaldiari ekiteko
2015-07-21 11:41 Musikea
Hilaren 22tik 26ra egingo da aurten Donostiako Jazzaldia. Dagoeneko 50 edizino bete ditu jazzari eskeinitako jaialdi horrek eta, hortaz, proposamen bereziak dakarz oraingoan. Esate baterako, eguaztenean, lehenengo egunean bertan, Jamie Cullum DJ lanean entzun ahal izango dogu.
Operearen historiari errepaso egingo deutsie Euskalduna Jauregian, urrian
2015-07-21 10:15 Musikea
Mundu guztitik birea egin baino lehen, Bilbora helduko da 'Gran Antologia de la Opera' lana. Hiru ordu baino gehiagoko produkzino horretan, operearen historian ospea lortu daben 38 operatako zatiak entzun leitekez. Generoaren historiari errepasoa egitea da obrearen helburua. Jose Luis Moreno produktorea dago egitasmoaren atzean.
Euskaltzaindiak sei euskaltzain urgazle barri izentau ditu
2015-07-20 13:49 Euskerea berbagai
Joan dan barikuan egindako osoko bilkuran akademiak onartu ebanez, aurrerantzean beste sei euskaltzain barri egongo dira: Rikardo Arregi Diaz de Heredia, Roberto González de Viñaspre, Karmele Jaio, Iñaki Martinez de Luna, Patxi Salaberri Muñoa eta Blanca Urgell, hain zuzen.