Zumetzagako San Migel Eguna 2026.

Zumetzagako auzoak San Migel eguna ospatuko dau gaur, hilak 29. Egun osoko egitaraua atondu dabe herritar guztiek auzoko jai giroaz gozau deien.

Eguna 11:00etan hasiko da herri kirolakaz: Bentades Ikastetxeko, Larramendi Ikastolako eta Lauaxeta Institutuko DBH1eko ikasleek parte hartuko dabe. 

12:30ean, San Migel ermitan mezea egingo da eta jarraian mokaua bertaratzen diranentzat.

Arratsaldean, 13:15ean trikitixea Idoia eta Robertoren eskutik.

13:30etik aurrera, barriz, XVII. Tortilla Lehiaketearen izen emotea eta 14:00etan bertso saioa Aitor Esteban, Ibon Larrazabal eta Asier Legarreta bertsolarien eskutik.

14:30ean, tortillen aurkezpena egingo da eta 15:00etan sari banaketea.

Egunari amaiera emoteko, 16:00etatik 18:00etara DJ familiarra izango da,edade guztietako herritarrei zuzenduta. Errmitearen inguruan txosna bat egongo da, San Migel eguneko ospakizunak girotzeko eta gerturatzen diranei topagunea eskaintzeko.

Jaietara joan nahi duten herritarrei joan-etorria errazteko, Mungiako Udalak autobus zerbitzu berezia eskainiko dau irailaren 29an. Zerbitzuak Mungia eta Zumetzaga lotuko ditu, Trobika kaletik (Udaletxearen aurretik) abiatuta eta Larrauri auzotik igarota.