Kultura eta Sormen Industrien Europako Goi Bileran parte hartuko dau Andoni Iturbek

Andoni Iturbe. | Ikusi handiago | Argazki originala

European Creative Industries Summit (ECIS) 2026 ekimenari ekiteko ekitaldi ofizialean parte hartuko dau. Kultura eta sormen-industriei eskainitako Europako hitzordu nagusia, zemendiaren 10etik 14ra egingo da Irlandako uriburuan, Fáilte Future Europe goiburuari eutsiz.

Eusko Jaurlaritzeak ekitaldi horretan parte-hartzeagaz sinbolizau nahi da 2024an Bilbon egindako edizinoaren eta Dublingo goi-bilerearen arteko erreleboa. Abiarazote-ekitaldi instituzionalean, pass the baton tradizionala egingo da eta, horren bidez, Design & Crafts Council Irelandek lekukoa emongo deutso uri anfitrioiari, Euskadik barrikuntza sortzaileko Europako sare hori indartzeko egindako ekarpena autortuta.

Ekitaldian Micheál Martin Irlandako lehen ministroak parte hartuko dau, sormen-sektoreko Europako erakunde nagusietako ordezkariakaz batera. Topaketa horregaz lotuta, Kulturako sailburuordeak nabarmendu dauenez, Euskadin egindako edizinoari esker, gure herrialdea kultura eta sormen-industrien zeregin estrategikoari buruzko Europako eztabaidearen erdigunean kokatu zan. Orain, bide horri jarraituko deutsagu eta kultura barrikuntzearen eta garapenaren eragiletzat joten dan ikuspegi partekatua sendotzea izango da helburua. Era berean, lurraldeen arteko lankidetzea indartzeko hurrengo edizinoa martxan jarteko ekitaldian parte hartuko dogu.

Kontuak kontu, Dublingo edizinoa 2024an Bilbon hasitakoaren jarraipena izango da, Euskadik Europa osoko erakundeetako ordezkariak, enpresak eta profesionalak batu zituan Bilbon,
kultura eta sormen-industrien etorkizunari buruz hausnartzeko.

Fáilte Future Europe lelopean, aurtengo biltzarrak sektorearen erronka nagusietako batzuk izango ditu aztergai, besteak beste, adimen artifiziala, barrikuntzea, transizio ekologikoa, herritarren parte-hartzea edo hizkuntzak eta kulturak lurralde-garapenaren eragile bezela beteten daben zeregina.

2026ko edizinoak Irlandaren eta Euskadiren arteko alkarlanari jarriko deutso arretea, lurralde biek sormenaren, kultura-nortasunaren eta hizkuntzea bizibarritzeko politiken aldeko apustua egiten baitabe.

Eusko Jaurlaritzeak abiarazote-ekitaldi horretan parte-hartzeak agirian ixten dau Euskadik zelako konpromisoa dauen Europako lankidetzeagaz eta gero eta barritzaileagoak, lehiakorragoak eta nazinoartean konektatuagoak diran kultura eta sormen-industriak bultzatzeagaz.