2028an Euskadik Bienalean espazio propioa izateko helburua iragarri dau Ibone Bengoetxeak

Ander Caballero, Ibone Bengoetxea eta Irene Larraza. | Ikusi handiago | Argazki originala

I Baschi allá Bienale proiektuaren lehen ekitaldian, Ibone Bengoetxea lehen lehendakariorde eta Kultura eta Hizkuntza Politikako sailburuak zehaztu dauenez, kultureak, gizarte bat islatu ez eze, gizartea eregiten laguntzen dau.

Testuinguru horretan, Eusko Jaurlaritzearen helburu estrategikoa iragarri dau, Veneziako Bienalean Euskadiren nazinoarteko presentzia sendotzeko: lanean gabiz Euskadik espazio propioa izan daian 2028tik aurrera Bienalean. Pentsetan dot lortuko dogula. Urrats hori emonda, euskal sorkuntza artistikoa eten barik proiektau ahal izango da munduko erakusleiho kultural nagusietako batean.

Topaketeak memoriarean harian, nabarmendu dabe espazio horretan bertan kulturea askatasuna defendiduteko modua izan zala 1976an. Orain 50 urte, leku honetan bertan, askatasuna defendiduteko modu bihurtu zan kulturea. Gaur borondate hori bera berresteko bueltau gara.

Askatasunik ezak markautako testuinguru haretan, euskal artistek eta erreferente kulturalek herri baten ahotsa eroan eben Veneziara, ikurrinari —garai haretan galarazota— ikusgarritasuna emonez, eta artea adierazpen demokratikorako eta berrespen kolektiborako bidetzat hartuz.

Berrogeita hamar urte aurrerago, ekitaldiak momentu haretan protagonista izan ziranak eta horreen familiak autortu nahi izan ditu, gaur egun memoria horren parte bizia baitira. Euren presentziari esker, belaunaldien arteko lotura bat ezarri ahal izan da, eta gaur egun oraindino be zabaltzen dagoan ondare kultural eta demokratiko baten jarraipena indartu da.

Nazinoarteko eta artearen munduko eragileen presentzia

Topaketeak euskal ekosistemako oinarrizko eragileak batu ditu lehen mailako nazinoarteko testuinguruan, besteak beste, Beatriz Herráez, Artium Museoko zuzendaria; Miren Arzalluz, Guggenheim Bilbao Museoko zuzendaria; Edurne Ormazabal, Tabakalerako zuzendaria; eta proiektuan parte hartu daben artistak (Jose María Zabala, Damaris Pan, Mari Puri Herrero, TRIPAK kolektiboa). Era berean, bertan izan dira 1976ko Bienaleko protagonisten senideak bai eta Nazinoarteko eragileak bere.

Eusko Jaurlaritzearen aldetik, Ander Caballero Kanpo Hartu-emonetarako zuzendaria eta Irene Larraza Etxepare Euskal Institutuko zuzendaria izan dira.