'Alusinasons' lanagaz amaitu da BLV-ART 2026

| Ikusi handiago | Argazki originala

Bertaratutako ikusleek bost estreinaldi absolutuz eta Euskadin hiru estreinaldiz gozau ahal izan dabe, ikuskizun guztiak, Bilbon lehen aldiz programautako jaialdian.

Kontuak kontu, XX. BLV – ART entzutetsuak amaiera emon deutso, Jaume Clotet artista katalanaren Alusinasons lanagaz. Obrea, estreinaldia Euskadin, instalazino-kontzertu bat da eta hor personaje bat logika alkoholikoen zoraldiak eta karikatureskoek menperatzen dabe. Esperientzia burutsua, standup eta kontzertu konbentzionalaren ertzek ganezka egiten daben umore inozente hauskorreko estiloa azaleratzeko.

Jaialdi beterano honek performance, jantza eta dramaturgia barrietan oinarritu dau bere programazinoa, formatu ez-konbentzionaletan eta edade guztietako publikoarengandik hurbil. Hamar konpainiak hartu dabe parte, horreetako bost Euskaditik etorriak. Danetara, hamaika ikuskizun, guztiak Bilbon lehen aldiz programautakoak, tartean bost estreinaldi absolutu eta Euskadin hiru estreinaldi.

Berreginen Museoak, Bilborockek, Arriaga Plazak eta San Frantziskoko Udal Zentroak hartu ditue Bilbo Zaharra proposamen eszeniko barritzaileenen erdian jarri daben antzezpen horreek. Jaialdi anitza, Bilboko auzoa kulturearen erdigunea eta ekimen eszeniko barritzaileez gozetako prest dagozan persona guztientzako topagune bihurtu daben proposamenakaz.