Zea Mays, Ezezez eta Txopet taldeetako Kirikiño Ikastolako ikasle ohiek sortu dabe Ibilaldiko abestia

| Ikusi handiago | Argazki originala

Maiatzaren 31n izango dan Ibilaldiaren harian, 2026ko abestiaren egile eta interpreteen izenak ezagutzera emon ditue. Aurkezpen-ekitaldia martiaren 3an egingo da, iluntzeko 19:00retan, Bilboko Arriaga Antzokian. Aurtengo abestia Kirikiño Ikastolako ikasle ohiek sortu dabe, gaur egun euskal musikearen erreferente diran hiru taldeetako artistek: Aiora Renteria (Zea Mays), Unai Madariaga (Ezezez) eta Jon Fernández, Andoni Barinaga-Rementeria eta Iñigo Güemes (Txopet).

Ikastolearen komunidadeak sortutako proiektu horrek belaunaldien arteko loturea eta konpromiso partekatua nabarmentzen ditu. Aurkezpen-ekitaldian, gainera, Kirikiño Ikastolako ikasle ohiek izango dabe protagonismo osoa: Imanol Ituiño magoa, Amaia Usandizaga eta Ainhize Vega kazetariak izango dira aurkezle lanetan. Ekitaldian gaur egungo hainbat ikaslek be parte hartuko dabe.

Kirikiño Ikastolako ordezkariak adierazo dauenez: ohore handia da Ibilaldiko abestia eta ekitaldia gure ikasle ohien talentuagaz osotzea, izan be, gure komunidadearen indarra eta jarraikortasuna islatzen ditu.

2026ko Ibilaldiko abestiaren aurkezpenaren zehetasunak:

• Eguna: martiak 3, martitzena.
• Ordua: 19:00.
• Lekua: Bilboko Arriaga Antzokia.
• Sarrerak: Arriaga Antzokiko ohiko txarteldegietan, aurrez aurre eta online.
• Prezioak: Nagusiak 5 euro eta edade txikikoak, barriz, 3 euro.