Loraldia Eskolearen 2025-26 ikasturterako izena emoteko epea zabalik

| Ikusi handiago | Argazki originala

Loraldia Eskoleak 2025-26 ikasturteko eskaintzea aurkeztu dau eta daborduko edegita dago izen-emote epea. Euskal kulturearen transmisinoa eta sormena ardatz hartuta, programeak aukera parebakoa eskaintzen deutse ikastetxeei kultura garaikidearen esperientzia aberasgarriak biziteko. Guztira, 35 ikastetxek eta 3.000 ikasle baino gehiago parte hartu dabe.

Sormenezko esperientziak eskola barruan

Loraldia Eskoleak euskal kulturearen transmisinoan sakontzen dau, sormenaren eta esperientzia zuzenaren bidez. Antzerkia, musikea, literaturea, ikus-entzunezkoak eta arte plastikoak lako diziplinen bidez, ume eta gazteek euskal kulturearen aberastasuna ezagutzeko eta parte hartzeko aukerea izango dabe.

- Egitasmoak: 

• Ttipia: arte plastikoen bidezko sormena.
• Airean: euskal musika garaikidearen transmisinoa.
• 7 Kantu: euskal kantutegiaren bidezko kultura ezagutzea.
• Lore Jokoak: pastoralaren eta libertimenduaren sormena.
• Kamara Sartu!: ikus-entzunezkoen bidezko esperimentazinoa.
• Loreak Tailerretan: proiektu kolektibo ekintzaileak.
• Lore kolore: Arte diziplinen esperimentazino laborategia.

Loraldia Eskolea

10 urteko ibilbideagaz, 77 proiektu gauzatu eta milaka ikasle eta irakaslerentzako aukera barriak sortuta, Loraldia Eskola eguneroko ikasgelen sormen eta emozinorako laborategia da. Euskal kulturearen transmisinorako eta belaunaldi barrien talentua bizteko aukera parebakoa eskaintzen dau.

Izen-emotea zabalik

2025-26 ikasturterako izena emon leikie hemen.