'Empoderamiento sexual. Florecimiento de los ciclos vitales/naturales de las mujeres'

| Ikusi handiago | Argazki originala

Mundu Berriak alkarteak proiektua aurkeztuko dau hilabete honetan La Sinsorgan. Soinu-proiektu honek emakumeen gorputzei, sexualidadeari eta bizi-prozesuei buruzko alkarrizketarako eta hausnarketarako espazioak edegitea proponiduten dau, ahotsa eta esperientzia erdigunean jarriz.

Podcastaren zatien bidez, bizitzako hainbat etapatako sexualidadea, indarkeria obstetrikoa edo artearen, osasunaren eta sexu-hezkuntzearen arteko hartu-emonak lako gaiak jorratuko dira, alkarri entzuteko eta bizipenak konpartiduteko espazio kolektiboa sortuz.

Egitaraua

• Zemendiaren 19an lehenengo saioa egingo da eta Ane Lekandak (@amitambienmehapasado_) parte hartuko dau. Indarkeria obstetrikoari buruz berba egingo dau eta gorputzak zeharkatzen dituen eskubideen, bizipenen eta kontakizunen ingurukoak jorratuko ditu.
• Zemendiaren 24an bigarren jardunaldia izango da, GIB/HIESa daben emakumeek eta sexu eta arte-hezkuntzan lan egiten dauen Sare erakundeak hartuko dabe parte. Topaketan, Sare alkarteak bere esperientzia eta lan-gidea aurkeztuko ditu. Tresna horrek urte askotako laguntza, sorkuntza eta hausnarketa kolektiboa batzen ditu, eta salgai dago.

Jarduera bi horreen helburua da emakumeen bizi-prozesuak eta prozesu naturalak ikusarazo eta aldarrikatzea, belaunaldien arteko alkarrizketea bultzatzea eta komunidade-hartu-emonak sendotzea, jakintzak eta esperientziak trukatuz.

Topaketak La Sinsorgan izango dira. Kulturgune honek sorkuntza eta pentsamendu feministea bultzatzen ditu eta komunidadea eregite helburu daben askotariko ahots eta gorputzen topagunea da.