Kiyoshi Kurosawa protagonista Azkuna Zentroan

'Cure'. | Ikusi handiago | Argazki originala

Azkuna Zentroko Zinematekak Japoniako zinema garaikidearen zikloaren hirugarren zatia atondu dau. Kiyoshi Kurosawa thriller maisua da protagonista eta 2025eko zemediaren 4tik 20ra egingo da Golem Alhondiga zinema-aretoetan. Programea aukerea bikaina da zinemagilearen filmografiaz disfrutetako. 

Kiyoshi Kurosawa (Kobe, Japonia, 1955) 1980ko hamarkadan hasi zan 8 mmko filmak egiten, Rikkyoko Unibersidadean soziologia ikasten egoala, Shigehiko Hasumiren babespean. Hamarkadearen amaierean, Sweet Home (1989) estreinau eban, Nintendoren bideo-joko batean oinarritua eta orduko zuzendaririk arrakastatsuenetako batek, Jûzô Itamik, produziduta. Survival horror generoaren aitzindaritzat eta Resident Evil sagearen aurrekari zuzentzat hartzen da.   

Kurosawa 1990eko hamarkadearen amaieran heldu zan heldutasunera zuzendari bezela, 1997tik 2002ra hamabost film luze zuzenduz. Garai haretan, bildurrezko zineman klasikoak diran film bi zuzendu zituan, nazinoartean ospea emon eutseen Cure eta Pulse/Kairo.  

License to Live (Ningen gokaku, 1998), Charisma (Karisuma, 1999), Barren Illusions (Ôinaru gen'ei, 1999) eta Bright future (Akarui mirai, 2002) dira haren sorkuntzea ulertzeko eta hataz disfrutetako aukeratutako beste lan batzuk. Baliabideen ekonomia, sekuentzia-plano luzeak, inkontzientearen obsesinoa, anbiguotasun morala eta perbersinoa dira haren obra bereizgarri.   

Zikloara batu ditue Eyes of the Spider (Kumo No Hitomi, 1998) eta Serpent’s Path (Hebi No Michi, 1998), gizakiaren instinturik bajuenak agirian ixten dituan thriller noirak.    

Kultuzko zinemaren zuzendaria nazinoarteko zinemagintzan eta bildurrezko zinema garaikidea ulertzeko funtsezkoak diran lanen egilea, ziklo osoa (Cure izan ezik) 35 mmtan proiektauko da. 

Gainera, horreen guztien kopiak hainbat erakundetatik ekarri dira, esaterako, Japan Foundationen Tokyoko artxiboetatik, Koloniako (Alemania) Japanisches Kulturinstitut erakundetik eta Seoulgo (Korea) Zinematekatik. 

Japonia Fundazinoak be atontzen dau atzera begirako zikloa, baita ondoko honeek be: Madrilgo Arte Ederren Zirkulua, Galiziako Filmotekea, Kataluniako Filmotekea eta Valentziako Filmotekea.

Programazinoa

• Zemendiak 4, martitzena, 17:00: Cure.
• Zemendiak 4, martitzena, 19:30: License to Live.Zemendiak 6, eguena, 17:00: License to Live.
• Zemendiak 6, eguena, 19:30: Cure.  
• Zemendiak 11, martitzena, 17:00 eta 19:15: Barren illusion.
• Zemendiak 13, eguena, 17:00: Bright future.
• Zemendiak 13, eguena, 19:30: Charisma.
• Zemendiak 18, martitzena, 17:00: Eyes of the spider.   
• Zemendiak 18, martitzena, 19:30: Serpent´s path.
• Zemendiak 20, egunea, 17:00: Serpent´s path.
• Zemendiak 20, eguena, 19:30: Eyes of the spider.

Sarrerak hemen.