MUk hiru azoka atondu ditu Euskadin

| Ikusi handiago | Argazki originala

Mondragon Unibersidadeak graduei buruzko hiru azoka atondu ditu, lurralde historiko bakotxeko bat, unibersidadeko ikasketak hasi nahi dituen ikasleek zalantzak argitu deiezan eta beren unibersidade-etorkizunari
buruzko erabagiak hartzen lagunduko deutsen informazino-hitzaldietan parte hartu deien.

Azokak urrian egingo dira. Lehenengoa hilaren 11n izango da, Donostiako Kursaal Jauregian; bigarrena, hilaren 18an, Gasteizko Silken hotelean, eta hirugarrena, hilaren 25ean, Bilbao AS Fabrik campusean.

Informazino-hitzaldiak eta standak

Azokak 10:00etatik 14:00etara bitartean egingo dira, eta bertaratzen direnek Mondragon Unibertsitateak eskaintzen dituen unibertsitate-titulu guztien standak bisitatu ahal izango dituzte, ingeniaritzetako, enpresen kudeaketako, ekintzailetzako, hezkuntzako, humanitateetako, gastronomiako eta komunikazinoko tituluen standak.

Horrezaz gan, gai interesgarriei (graduei, ikasketen finantzaketari, hezkuntza-ereduari eta ikasteko moduei) buruzko informazio-hitzaldiak eskainiko dira, karrerea aukeratzen dabizenentzat.
direnentzat.

Azokek gradu dualak xehetasunez ezagutzeko aukerea be emongo dabe: unibersidade-prestakuntzea eta lanbide-esperientzia buztartzen ditue, ikasleei etorkizuneko karrerearen ikuspegi praktikoa eskaintzeko. Mondragon Unibersidadeak 19 unibersidade-gradu eskaintzen ditu 2025-2026 ikasturtean, horreetako 11 dualak.

Etorkizuneko unibersitarioei behar daben informazinoa emotea da azoka horreen helburua, aukerea izan deien erabagi informatuak hartzeko, hezkuntza-aukerak ezagutzeko eta hezkuntza-eredura zela egokitu jakiteko. Berbaldietan parte hartzeko, aldez aurretik emon behar da izena, eta ordutegiei, erregistroari eta jarduerei buruzko xehetasun guztiak Mondragon Unibersidadearen webgunean dagoz eskuragai.