Ikusgai dagoz Argizaiola 2025 sariko argazki onenak

Bizkaie! 2025-10-03 08:05   Kulturea

Bizkaiko Batzar Nagusiak erakundearen Bilboko egoitzako erakusketa aretoak Argizaiola Sariaren 45. edizinoko 31 argazki erakutsiko ditu datorren urriaren 30ra arte. Horreen artean, lehiaketea atontzen dauen Euskadiko Argazki Alkarteen Federazinoak konbidauta baino parte-hartzen ez dan lehiaketa horretan sarituak izan diran hiruak egongo dira.

Argizaiola Saria 2025 erakusketea ikusgai dago Bilbon (Hurtado de Amezaga kalea, 6). Aurkezpenean izan dira Ana Otadui Biteri Bizkaiko Batzar Nagusiak erakundeko burua, Juan Armentia Hernáez Euskadiko Argazki Alkarteen Federazinoko presidentea, Igor Altuna Azcagorta aurtengo Argizaiola Sariaren irabazlea eta akzesita lortu daben biak, Javier Alonso Torre eta Javier Ortiz, baita mahaiko kideak be.

Ana Otadui Biteri Bizkaiko Batzar Nagusiak erakundeko buruak ondokoa adierazo dau: Argizaiola, urteko argazkirik onenak jasoten dituan erakusketea, daborduko tradizinoa da. Euskal Herriko argazki-lehiaketen lehiaketea argazkilari onenen talentua eta sormena batzen ditu urtero eta euskal argazkilaritzearen erakusle nagusia bihurtzen da. Datozan asteetan Bizkaiko parlamentuaren Bilboko egoitzea leku egokia izango da gelditzeko, lasai begiratzeko eta errealidadea interpretetako modu barriak topatzeko. 

Haren 45 edizinoetan, Argizaiola haziz joan da argazki-lehiaketea eta egile barriekaz. Juan Armentiak adierazo dauenez, aurtengo edizinoan 31 lagunek hartu dabe parte eta hainbat gai eta teknika dituen 183 argazki aurkeztu dira guztira. Aurtengo epaimahaia Andres Basiliok (igazko irabazlea), Montse González Garcíak eta Jesús Manuel García Floresek osotu dabe.

Erakusketeak hainbat gai eta teknika dituen argazkien aukeraketea jasoten dau. Euskadiko Argazki Alkarteen Federazinoak dauela mende erditik atontzen dau Argizaiola Saria. Lehen edizinoa 1973an egin zan. Euskadin egindako lehiaketetan ezagunak diran argazkilariak bakarrik aurkeztu daitekez bertara. 

Aurton aukeratu diran argazki lehiaketak ondoko honeek izan dira: Nicolas Lekuona (Ordizia) Zumaiako Argazki Lehiaketa (Zumaia), UK Foto (Sopela), Beasaingo Hiria (Beasain), Legazpi Hiria (Legazpi), Igartza Saria (Beasain), Tolosa Herria (Tolosa), AFCN (Iruña), Bergara Hiria (Bergara), Indalecio Ojanguren (Eibar), Trofeo Photoka (Gernika), Ciudad de Irun (Irun), Ramon Serrats (Zarauz) eta Argazki Lehiaketa (Arrasate).

Parte-hartzaileak

• Ainhoa Tejerina Guruciaga.
• Aitor Arana Arruti.
• Alberto Ansó Munárriz.
• Alex Molano.
• Andrés Indurain Gutiérrez.
• Eneko Ibarguengoitia.
• Gorka Gomez Echevarria.
• Igor Altuna Azcargorta.
• Iker Aizkorbe Agirre.
• Iurgi Inda Galdos.
• Javier Alonso Torre.
• Javier Ortiz.
• Jose Agustin Gurrutxaga.
• Joel Iglesias Santiago.
• Jose Venegas Flores.
• Josean Carvajo.
• Juan Antonio Palacios.
• Juan Carlos Romero.
• Juan Ramón Zaldunbide.
• Luis Lizarralde.
• Manu Barreiro Rodriguez.
• Oscar Manso Navas.
• Oscar Gascon.
• Pedro Arriola.
• Pedro Luis Ajuriguerra Saiz.
• Pilar Aguayo.
• Jose Iglesias.
• Miguel Becerra Jaramillo.
• Mikel Cavero.
• Mari Mar Castro.
• Ander Maio Manterola.
• Aitzol Arruabarrena.

Erakusketea

Urriaren 30era arte ikusgai, Bizkaiko Batzar Nagusiak erakundean (Hurtado de Amezaga kalea, 6. 48008 Bilbao). Ordutegia: astelehenetik barikura, 08:00etatik 20:00etara. Sartzea doban.

Ikusi argazki guztiak handiago