'Bilboko Zirkuitua' egitasmoak 12 antzezlan propodinuten ditu

Otxarkoagako Udaltegian eskainiko dan Companyia del BACen 'Lear: entre la vida y la muerte' ikuskizuna. | Ikusi handiago | Argazki originala

Urriaren 2an jarriko dau martxan Bilboko Udalak Bilboko Zirkuituaren denporaldia, Bizkaiko uriburuko eta inguruetako antzerki taldeen jarduera sustatzen dauen udal ekimena, Bilboko hainbat auzotan banatutako dobako ikuskizunak eskainiz.

Antzezpenak Altamira, Basurto, Begoña, Rekalde, Otxarkoaga, San Frantzisko eta Zorrotzako Udaltegiek eta Solokoetxeko Institutuak hartuko ditue. Urriaren 2tik abenduaren 18ra, eguenero, sortzaile barrien eta uriko antzerki talde amateur eta erdi-profesionalen proposamen eszenikoak programauko dira.

Ondoko konpainia honeek hartuko dabe parte egitasmoan: Companyia del BAC Lear: entre la vida y la muerte; La Trascienda Teatro Okupame!; Un relato para cada rato Historias del baserri; Itxartu Antzerki Taldea El zoo de las plumas; Alejandro Gijaba No hay jóvenes en la costa; Libélula Teatro El primer amor; Suminak. Uribe Kostako Emakumeak Antzerkia ¡Furias!; Tunka Taldea La aldea durmiente; Luna Llena Los ángeles de Sabin. Gainera, antzerki laburreko lau proposamen eskainiko dira: Diario de desdichas, Vinagre, Encuentro nocturno de muerte y olvido (Arimaktore); eta, El conserje eta Corsarios, Unai Garcia Amarok zuzenduta.

Ikuskizun guztiak doban eta 19:00retan hasiko dira. Bilboko Zirkuituaren saioetan sartzeko ordubete lehenago jaso behar dira sarrerak, ikuskizun bakotxaren egunean bertan (18:00etan). Persona bakotxeko sarrera bi baino ezin izango dira jaso, eta mobikortasun murriztua eta premia bereziak dituen personentzako lekuak gordeko dira.

Informazino gehiago eta egitaraua hemen.

Sorkuntzarako laguntzea

Bilboko Zirkuituak helburu bi ditu: batetik, herriko eszena sustatzea eta, bestetik, antzerkia Bilboko auzoetara hurreratzea. Udal-programa horrek Bilboko kultura-eskaintzearen deszentralizazinoan eragiten dau. Ekimena aitzindaria eta bakarra da bere generoan Euskadin, eta, horri esker, asko dira denporan zehar esparru profesionalera jauzi egin daben aktoreak eta konpainiak.

Bilboko Zirkuitua programeak eta Bilbao Eszenak egiten dauen lanak tokiko sorkuntza eszenikoa sustatzea eta antzerki eta jantza konpainien jarduera babestea dabe helburu, kulturearen balio-kateari arretea jarriz, 2023-2033 Bilboko Kultura Plan Estrategikoak aurreikusten dauen lez.