'Oroimenaren Laharrak, Sustraiak eta Fruituak' liburua aurkeztuko dau Sabino Arana Fundazinoan

| Ikusi handiago | Argazki originala

Alazne Díez Muñiz soziologo eta antropologo plentziarrak idatzitako Oroimenaren Laharrak, Sustraiak eta Fruituak azken liburuaren aurkezpena egingo dau egileak datorren eguenean, urriaren 2an, arratsaldeko 19:00retan, Sabino Arana Fundazinoan. Bizkaiko Foru Aldundiak argitaratutako lanak memoria kolektiboaren barrenetan sartuko gaitu, dibulgazino antropologikoa darabilen eleberri itxuran idatzitako baten bidez.

Oroimenaren Laharrak, Sustraiak eta Fruituak gizonen eta emakumeen bizipenak buztartzen dituan lana da eta aparteko garrantzia emoten deutse emakumezkoei alkarri lotuta dagozan hainbat istoriotan. Kontakizun horreetako asko alkarrizketa bidez jasotako benetako jazoeretan oinarrituta dagoz, irakurleari egiazko edo benetako ikuspegi hunkigarria eskainita. Liburua biografien, historia sozialaren, ohituren, elezaharren eta leku nahiz jazoera espezifikoei buruzko datu historikoen mosaikoa da eta horregaitik, dokumentu antropologiko eta sozial baliotsua da.

Alazne Díez Muñiz egileak eleberri-eran idatzi dau liburua, irakurketa atsegingarri bihurtu eta pasadizoen argigarritasuna errazteko asmoz. Narrazinoaren aberastasun etikoak gogoeta eta enpatia piztu nahi ditu irakurlearengan, hain urrun ez dagozan atzoko jazoerei buruzko begirada ulerkorrari bidea emonez.

Alazne Díez Muñiz (Plentzia, 1946)

Soziologiaren eta Antropologiaren arloko ikertzaile esanguratsua da. Soziologiako eta Gizarte Antropologiako lizentziaduna (UNED) eta Antropologiako doktorea (Deustuko Unibersidadea) da. Hainbat liburu idatzi ditu, besteak beste, La memoria, herida abierta. Guerra Civil y franquismo eta El desván iluminado. Voces y ecos de mujeres. Bide emonkorra egin dau kulturea eta gizarte-ondarea ikertzen eta zabaltzen.