Burdinolen eta meatzaritzearen arteko ibilbidea urriaren 5ean

| Ikusi handiago | Argazki originala

Datorren domekan, urriak 5, egingo da Burdinolen Ibilaldiaren XVII. edizinoa. Meatzaritzaren Paisaiak, Bizkaiko Batzar Nagusiak erakundearen esku dagoan Enkarterrietako Museoak sustatutako kultur mendi-ibilaldietako jarduerea. Lurraldeko kultur egutegian sendotuta dagoan ekimen horren helburua Bizkaiko garapen ekonomikoa eta soziala markau eben burdinagaz eta burdinolakaz erlazionautako ondare historikoa balioan jartea da.

Aurtengo edizinoak ibilbide barri eta zorrotzagoa dau, 27,5 kilometroko luzerea eta zailtasun maila ertain-altua. Ibilaldia 9:00etan hasiko da Muskizko San Juan Plazatik eta Abellanedako (Sopuerta) Enkarterrietako Museoan amaituko da.

Ibilbidean zehar, parte-hartzaileek kulturea eta paisaia-interes handiko enklabeak ezagutu ahal izango ditue, esaterako, Mello mendia, Alengo meatze-barrutia eta bertako meatze historikoak (Sorpresa, Maria, Cecilia eta Amalia Juliana), baita mineral-kargategiak eta burdinolen hondakinak be. Enkarterrietako Museoko beharginek Enkarterriko mendiek ezkutetan dituen meatzaritzako aztarnen zehetasunak adierazoko ditue.

Izen-emotea

Ibilaldian parte-hartzea doban da eta izena museoaren webgune ofizialaren bitartez emon behar da (www.enkarterrimuseoa.eus). Jarduerearen egunean bertan ez da inskripzinorik onartuko.

Ekitaldiak jasangarritasunaren aldeko apustuari eusten deutso: ez da plastikozko ontzirik banatuko, eta, beraz, parte-hartzaileei ontzi berrerabilgarriak ekar daiezala eskatzen jake adierazotako anoa puntuetan eta iturrietan ura hartzeko. 

Atontzaileek hiru anoa puntu jarriko ditue ibilpidean zehar (8,5 km – edaria; 15 km – fruta eta barratxoak; helmugea – ogitarteko begetala). Modu berean, 14:30etik aurrera, autobusak Muskizera eroango ditu ibiltariak, izena emon daben persona guztien itzulerea bermatuz. 

Bizkaiko Batzar Nagusiak erakundeak azpimarratu dabenez, ekimen horrek Enkarterriko ondare historikoa, kulturala eta naturala edegiteko eta babesteko erakundeen konpromisoari erantzuten deutso, herritarrak Bizkaiaren nortasuna eta bilakaera ekonomikoa adierazoten dauen ondarera hurreratuz. Enkarterrietako Museoak, eskualdeko erreferente kultural dan aldetik, historiaren eta egungo gizartearen arteko topaleku izaten jarraitzen dau.

Ibilbidea