'Kontzertua & Proiekzinoa' Belodromoan

| Ikusi handiago | Argazki originala

Euskadiko Orkestreak, SGAE Fundazinoak eta Donostiako Zinemaldiak Euskadiko Orkestreak Zinemaldiaren barruan eskainiko dauen zinemako musikearen kontzertua aurkeztu dabe. Belodromoa Zinemaldiaren lehen zapatuan edegiko da musikazale, zinemazale, eta, batez be, ikusleentzat, soinu-banden interpretazino sinfonikoa eta film horreen eszenen muntaketea alkartzen dituan ikuskizuna eskaintzeko. Irailaren 20ean (zapatua), arratsaldeko 18:00etan. Sartzea doban da.

Zinemako musikearen kontzertua klasikoa bihurtu da Donostia Zinemaldian eta Belodromoko proposamenen artean. Juan José Ocón zuzendari donostiarra arduratuko da zinemearen eta soinu-banden arteko topaketa jentetsu horretan Orkestra zuzentzeaz. Kontzerturako, Euskadiko Orkestreak Easo Abesbatza konbidadu dau, eta ondoko soinu-bandea honeeetan hartuko dau parte: DragonKeeper, La casa de papel, Parecido a un asesinato eta El capitán Trueno y el Santo Grial.

Beraz, Kontzertua & Proiekzinoa kontzertuak hainbat muetatako ikus-entzunezko lanetarako idatzitako eta egokitutako zazpi lan batzen ditu:

• La fierecilla domada, El ruiseñor de las cumbres, El secreto de Mónica, Cabriola eta Las chicas de la Cruz Roja, Augusto Alguerók konposatuak eta Claudio Iannik moldatuak.
• Los futbolísimos 2, Miguel Ángel Lamataren filma (2018), Alba S. Torremocharen musikeagaz.
• La boda de Rosa, Iciar Bollainek (2020) zuzendua eta Vanessa Garderen bandegaz.
• Dragonkeeper, Salvador Simó eta Li Jianpingen film luzea (2023) Arturo Cardelúsen musikeagaz.
• Jesus Colmenarren La casa de papel seriea, Ivan M. Lacámararen musikeagaz.
• Luis Ivarsen konposizinoak film luze honeentzat: Parecido a un asesinato (Caminar en el tiempo abestia), Blanca Paloma eta JP Pologaz batera zuzendua eta El capitán Trueno y el Santo Grial, Antonio Hernández Nuñezek zuzendua (2011). 

Aurreko urteetan lez, kontzertuan 400 metro karratuko pantaila egongo da, musikea eta irudiak buztartuz. Muntaketea Morgancrea taldeak sortu dau kontzertu horretarako. Gainera, hainbat konpositore kontzertuan izango dira Belodromoko oholtzan haren lana aurkezteko.

Sartzea doban da eta konbita irailaren 13tik 19ra jaso beharko da Zinemaldiak Kursaal Jauregian dauen informazino-puntuan, 09:00etatik 20:00etara, edo Boulevardeko Donostia Turismoren bulegoan, astelehenetik zapatura 09:00etatik 20:00etara, eta domekan, 10:00etatik 14:00etara.