Martxan da 60. Durangoko Azokan erakusmahaia jarteko inskripzinoa

| Ikusi handiago | Argazki originala

Durangoko Azokearen aurtongo edizinoa abenduaren 5etik 8ra izango da eta bertan erakusmahaia jarteko inskripzinoa martxan da. Interesa daben argitaletxe, diskoetxe, produkzino-etxe, alkarte, erakunde, banatzaile zein autoproduktoreek webgunearen bidez egin beharko dabe eskaria irailaren 30era arteko epean.

Betiko lez, aurrerago beste zenbait inskripzino jarriko dira martxan; esaterako, egitaraurako proposamenak egiteko eta ikasle goizean parte-hartzeko. Aurrerago emongo dabe horren inguruko informazinoa.

Aurtongoa 60. edizinoa izango da eta, urtemuga bezela, edizino biribila izateko lanean hasita dago Gerediaga Alkarteko lan-taldea. Landako Gunean urteko sortzaileen nobedadeak ikusgai izango dira, eta horreek jentaurrean aurkezteko ekitaldi ugari be atonduko dira gunez gune.