Urruzuno Literatura Lehiaketearen egonaldia, martxan

| Ikusi handiago | Argazki originala

Eusko Jaurlaritzako Hezkuntza Sailak egonaldia eskaintzen deutse Urruzuno 2025 Literatur Lehiaketako irabazleei, erreferentziako sortzaile eta egileen bitartez euskal kulturara hurreratzeko. Halanda ze, Oiartzunen dagoz, Leire Bilbao, Yolanda Arrieta, Juan Kruz Igerabide eta Tere Irastorza idazleekaz literatur tailerrak egiten. Horrezaz gan, Andoni Egaña eta Maddalen Arzallus bertsolariekaz eta Gari abeslariagaz topaketa sortzaileak partekatzeko aukerea izan dabe euskal kulturearen beste esparru batzuetan.

Urruzuno lehiaketan nabarmendu diran ikasleek euren literatur lanen autortzea jaso eben joan dan bagilean Donostiako Miramar jauregian egin zan ekitaldian. Hezkuntza Sailaren lehiaketa horrek 40 urte daroa Euskadiko literatur bokazinoen lekuko izaten. Euskadiko egungo idazle askok parte hartu izan dabe lehiaketa horretan, eta irabazleen artean euskal literaturean ezeze, bertsolaritzan, kazetaritzan edo kultur sorkuntzaren beste edozein arlotan be, izen handikoak dagoz.

Eusko Jaurlaritzako Hezkuntza Sailak nabarmendu dau egungo obrak euskal gizartearen aniztasunaren eta konplejutasunaren isla dirala. Hezkuntza sailburuak adierazo ebanez, ikasleen lanetan paisajea, sinesmen eta hartu-emonak, idazleen erreferentzia barriak, hizkuntza eta kultura barrietarako keinuak... topa daitekez, XXI. mendeko Urruzuno lehiaketako testuetan agertzen diran munduari begiratzeko moduak.

40 urte emonkor hezkuntzan eta kulturan

Lehiaketa klasikoa bihurtu da gure hezkuntza sistemaren barruan eta bat dator Euskal Hezkuntza Sistemearen Irakurketa Estrategiagaz. Hainbat hamarkadatako garapenaren ondorioz, euskeraz idatzitako prosazko eta poesiazko ehunka lan produzidu dira. Lehiaketearen helburua da idazteko zaletasuna sustatzea eta gazteen artean euskerearen erabilerea sustatzea, euren gogoetak, bizipenak eta sentimenduak adierazoteko tresna bezela. Euskal Idazleen Alkartearen lankidetzea eta sustapen eta aholkularitza lan handia egiten daben irakasleen laguntza funtsezkoak dira lehiaketeagaz jarraitzeko eta ikasleek irakurtzeko eta idazteko daben zaletasunari eusteko.

Talentuaren eta sormenaren abiapuntua

Urruzuno belaunaldien talentuaren eta sormenaren abiapuntua izan da. Saridun asko euskal kulturearen erreferente bihurtu dira, esaterako: Alaine Agirre, Leire Bilbao, Harkaitz Cano, Igor Estankona, Miren Gorrotxategi, Peru Iparragirre, Mikele Landa, Ana Malagón, Xabi Paya, Aitor Sarriegi, Itziar Ugarte, Leire Vargas eta Harkaitz Zubiri.

Ondoko honeek dira aurtongo irabazleak:

• Mara Albistur Gurrutxaga/Orereta Ikastola/Errenteria.
• Naroa Asensio Gaston/Aita Larramendi Ikastola/Andoain.
• Elene Azurmendi Larrion/Beasain BHI/Beasain.
• Araitz Bastegieta Bidaguren/Gernika BHI/Gernika-Lumo.
• Jone Berrizbeitia Munitxa/Ibaizabal Ikastola/Durango.
• Maider Cabezas Fuentes/Itxaropena Ikastola/Trapagaran.
• Jasone Gabiria Mendiolea/IES Arratia/Igorre.
• Enara Gallastegi Barrenetxea/IES Arratia/Igorre.
• Irati Gallastegi Molero/Fray Juan de Zumarraga BHI/Durango.
• Iñigo Gómez Rodriguez, Colegio San Vicente de Paul/Barakaldo.
• Aiora Jauregi Pagalday/Beasain BHI/Beasain.
• Aichatu Lamin Nafa/IESMiguel de Unamuno/Vitoria-Gasteiz.
• Gara Medrano López/IES Botikazar/Bilbao.
• Haizene Merino Perez/Ander Deuna Ikastola/Sopela.
• Izaro Pagalday Aburto/Lauaxeta Ikastola/Amorebieta-Etxano.
• Uxue Piris Palomero/Herri Arte Eskola/Errenteria.
• Joanes Plazaola Ricondo/Urretxu-Zumarraga Ikastola/Urretxu.
• Ioritz Ramos Otxoa/Orereta Ikastola/Errenteria.
• Katalin Respaldiza Urigoitia/IES Arratia/Igorre.
• Garazi Retegi Egia/Fray Juan de Zumarraga BHI/Durango.
• Leire Sarasola Auzmendi/Beasain BHI/Beasain.
• Aixa Vilas Moreno/Herri Arte Eskola/Errenteria.
• Alain Waliño Etxabe/Zumaia BHI/Zumaia.