'Sari nagusia: ziztu bizian' filma, ikusgai

| Ikusi handiago | Argazki originala

Sari nagusia: ziztu bizian filmea ikusgai dago  EAEko hainbat aretotan, Zinemea Euskeraz programearen eskutik. Ume zein gazteei zuzenduta dagoan film kanadarra euskerara bikoiztuta ikusi ahal izango da.

Zineuskadik sustatutako Zinema Euskeraz programearen barruan aurton ikusiko dogun laugarren filma da. Euskal ikus-entzunezkoen sektoreari laguntzeko helburua dau Eusko Jaurlaritzako Kultura eta Hizkuntza Politika sailak bultzautako programeak eta ume zein gazteei zuzendutako pelikulen bikoizketaz arduratzen da, zinemagintzan euskerearen zabalkundea bultzatzearren.

Sinopsia

Eddaren amesa auto lasterketako pilotua izatea da. Ustebakoan, amesa egia bihurtzen da: gainbeheran egoan jolas-parkea lasterketa-zirkuitu bihurtzen da! Haren idoloagaz, Ed pilotua, Europako Sari Nagusia izango dabe erronkea eta lasterketearen kontrako sabotaje-plana topau dabe. Lortuko al dabe lehiaketea salbatzea eta jolas-parkea zarratzea saihestea?

Proiekzinoak

Filma ondoko zinema-aretoetan ikusi daiteke: Florida Zinemak (Gasteiz), Gorbeia Zinemak (Gasteiz), Golem Alhondiga (Bilbo), Golem La Morea (Iruña),  SADE Cines Príncipe (Donostia) eta Niessen (Errenteria).

Datozen hilabeteetan, beste film batzuk be izango doguz Zinemea Euskeraz programearen barruan: Sablehortz kapitaina eta Greleko Kondesa (iraila), Supercharlie (urria) eta El tigre perdido (zemendia).