Asun Lopezek jasoko dau 'Durango Sari Berezia 2025'

| Ikusi handiago | Argazki originala

Durangok Durango Sariak banatuko ditu, udalerriko bizitzea eta herriaren balioak aberasten aktiboki laguntzen dabenen lana saritzeko asmoz.

Apirilaren 10ean amaitu zan parte-hartze prozesuaren ondoren, saritutako personen eta erakundeen izenak argitaratu dira dagoeneko.

Durango Sariek kirola, kulturea, euskerea, bardintasuna eta gizarte lana lako esparruetan egindako dedikazinoa saritzen dabe. Ganera, herritarrek zuzenean aukeratutako sari berezia emoten da.

Ondoko honeek dira edizino honetan saritutako personak eta erakundeak:

• Kirol arloan: Helena Barrenetxea, haren ibilbideagaitik eta tokiko kirolari egindako ekarpenagaitik.
• Kultur arloan: Durangaldeko Artisten Alkartea, artea eta kultura etengabe bultzatzen ditualako.
• Gizarte arloan: Herria Auzo Alkartea, kohesino eta dinamizazino komunitarioko lanagaitik.
• Euskerearen sustapenean: Durangoko Azokea, euskerearen defensean eta sustapenean erreferentea dalako.
• Bardintasunaren sustapenean: Tabirako Saskibaloi Taldea, kirolean bardintasunaren alde egiten dauen apustuagaitik.

Ganera, herritarren botuei esker, Urrike liburu-dendako Asun Lopezek jaso dau Durango Sari Berezia. Danera, 306 boto izan ditu.

Sari banaketea maiatzaren 8an izango da, arratsaldeko 19:00retan, San Agustin Kultur Gunean. Ekitaldira joateko konbidapenak Durangoko Arte eta Historia Museoan jaso ahal izango dira gaurtik aurrera.

Durangoko Udalak herritar guztien inplikazinoa eskertu nahi dau, baita zorionak emon saritutako persona eta kolektiboei be: espiritu durangarraren benetako erreferenteak dira-eta.