Badator 'Musika dibertigarria da - La música me divierte' zikloa

Bizkaie! 2025-04-28 07:25 Musikea

Maiatzaren 3tik 30era, Bertendona Institutuan.

Bilboko Udalak Musika dibertigarria da - La música me divierte kontzertu didaktikoen zikloa atondu dau. Musikearen arloan publiko barriak sortzera bideratuta dago, kulturearen sostengu eta garapenerako oinarrizko elementu bezela. Bilboko 2023-2033 Kultura Plan Estrategikoaren barruan kokatzen da.

Kontzertu guztiak Bertendona Institutuan eskainiko dira. Maiatzaren 2, 9, 15, 16, 23 eta 30ean izango dira. Guztiak 19:00retan hasiko dira, maiatzaren 2koa eta 15ekoa izan ezik, horreek 18:30etan hasiko dira-eta. Kontzertu bi horreek, batez be umeei eta familiei zuzenduta dagoz eta maiatzaren 2koa euskeraz egingo da.

Maiatzaren 2rako eta 15erako programautako ikuskizunak doban izango dira. Gainerako kontzertuetara joateko 5 euroko sarrera ordaindu beharko da, hemen.

Programea

Maiatzak 2, barikua, 18:30etan. Txalaparta hutsa - hutsun. Umeak eta familiak. Euskeraz. Anai Gambra Uriz eta Mikel Urrutia.
Maiatzak 9, barikua, 19:00retan. Chorinho. Dom Oliveira, mandolina eta cavaquinho; Hugo Silveira, gitarrea; Daniel Bordonaba, perkusinoa.
Maiatzak 15, eguena, 18:30etan. Los niños y niñas cuentan y cantan... La Flauta Mágica. Umeak eta familiak. Kodaly Musika Eskolea.
Maiatzak 16, barikua, 19:00retan. Backstage Cuarteto Lírico - El Retorno. Alberto Núñez, tenorra; Adhara Martínez, mezzosopranoa; Jesús Zaballa, baritonoa; Giorgina Barrios, pianistea.
Maiatzak 23, barikua, 19:00retan. Compañía de danza Yugen - Breaking Beethoven. Barbara Arrieta, Iñaki López Mielgo, Sara Luquero eta Emil Otsoa. Koldo Belloso, ikus-entzunezkoak.
Maiatzak 30, barikua, 19:00retan. Tanguedia Ensemble - Astor Piazzillari autortzea. Ivan Casado biolontxeloa, Joana Otxoa de Alaiza pianoa, Naiara De La Puente akordeoia eta Victor Parra biolinea.